Hello 幫你自己睇左先。
比較明顯既野係，你天頂水瓶，可以好多萍水之交既人，對你第一印象都比較獨立自我，唔合群，有種不屑同人social既feel。不過其實如果同你一對一甘去認識，會發現你其實係上升雙子人，其實好talkative，好中意同人吹水，又好八卦對好多野都好好奇。加上你月亮係雙子，基本上你就算係屋企係最relax既狀態下，個腦都唔會休息，人地hea既時候，你個腦24hr永遠都係度奔馳緊。不過其實你唔係好typical既雙子人，就算個理智頭腦好active都好，你本身其實對於他人情感既感覺都好細膩好容易感應到。同埋情緒可能都變化得好快。
不過你水星入天蠍，基本上係有口難言既人，仲要對分木星雙子，感覺其實係你個腦有好多想法，但係你把口就好似封住左甘，好難開口同陌生人講你哩d深度既想法，所以對住陌生人，你prefer做多過講（火星白羊），所以人地會覺得你連解釋都嬾直接做唔合群，反而熟d既人，你先有辦法同人地誇誇而談。
僅供參考。
Hello，僅供參考。
都係睇你自己先。
見到你成個盤，其實天蠍好重。太火合天蠍，水星天蠍，冥王天蠍。
太火合天蠍，我會覺得你本身其實好具有行動力，想做就做既人，不過哩種行動力同白羊果種，戚起條筋+3分鐘熱度唔同，基本上如果你有强大既欲望想要一樣野，你就會用非常持久既内心去追求，而且裏面仲有住一種好强烈既力量，火山熔岩（but not火山爆發）甘燒幾日幾夜都燒唔完既熱情既感覺。
跟住水冥天蠍，基本上你眼光都會銳利，基本上好多野，你見到個面，就已經直覺地知道個底發生緊咩事，同埋你都用挖礦式精神，會好有欲望去挖掘d深層隱藏秘密既野。
而哩d energy係你賺錢方面應該係最明顯。which is，好有賺錢既欲望，唔會3分鐘熱度"哎啊好麻煩啊唔賺啦"甘唔會，你會一直好持續地，有竭而不捨地去想法設法賺錢，而且亦比較擅長發掘到一d其他人發現唔到既商機或者財路，或者透過挖掘一d資訊去為自己謀利
不過同埋睇到你所有内行星都係曬左邊，感覺你都唔太擅長或者傾向同人地interact，加上金星木星月亮都入曬12宮，會感覺其實你傾向係一個好避世既人。配合上述，感覺你都係beng埋自己去觀察事情多d，跟住其實你自己暗啞底見到好多野不過唔出聲（上升處女謹慎humble底） 
。
僅供參考。
準呀，我好怕同人正面衝突，最多串下人，嘈完人仲會內疚係咪太惡，破壞關係
我先生同我都比較實際型，好少精神上交流，不過都一齊成8年先結婚習慣曬
Hello，見到比較觸目既位。
你4宮宮頭落天秤，感覺你原生家庭表面上好似好和諧，大家都好客氣，互相尊重甘（起碼人前係），但係感覺係假象，係一個刻意維持既表象甘。因爲後面有冥王天蠍，土星天蠍（唔清楚有無合相，個度數有d唔sure）入4宮。感覺其實暗啞底，你係屋企會感覺好壓抑，可能屋企其實好多野你都做唔到，好多限制同困難，同埋你内心會對於屋企有一種好强烈既不安，甚至危機感。
雖然有相位唔差，可能唔會令你特別痛苦，但係始終土冥合個basic tone係壓抑同危機感多d，有可能係例如屋企可能經濟有問題之類，或者有d事發生，令你好快會感受到生存方面，或者感受到來自社會生存既壓力。
跟住冥土三分北月交入12宮，水星入8宮，就有一種好業力同靈魂前世既意味。
成個picture會覺得，你可能會去懷疑，點解我條命要甘，所以好大機會會觸發你去研究一d類似心理啊，輪回業力哩d野，而北月交12宮，都會覺得係suggest你適合入靈性或者做慈善相關既野，黎去處理返原生家庭所帶來既陰影。
然後月亮合木星天王星入埋射手，會覺得其實你好渴望可以做返自己，可以好自由奔放，無拘無束甘打破（天王）所有既枷鎖（土星），亦都對一d exotic既野有興趣，9宮都有太陽火星入宮，感覺成個image係，你好有意識亦好有行動力地，想透過遠走，去達到突破原生家庭既陰影同枷鎖既效果。
但係始終冥土，12宮，8宮，月交，太多哩d都好suggest緊，哩d係靈魂功課或者叫靈魂所纍積既業力問題，始終唔係靠走佬就可以解決到。感覺如果你有研究靈修或者冥想，靈性之類，都會有幫助。
僅供參考。
Hello，睇左你自己先。
第一樣見到你算係星群入4宮天蠍。
基本上睇到你好重視你自己既原生家庭，同埋同原生家庭有一種好强烈既牽絆同濃烈既情感。
太火合相天蠍入4宮，會覺得你甚至對原生家庭有一種——我要保護哩個屋企，我要為哩個原生家庭，當家作主，反而好似個leader甘去引領同捍衛你自己既原生家庭。冥王都係suggest緊其實你對家庭既情感好深，但係可能你無辦法好明甘express哩種感覺，反而變成一種好强烈既忠誠感。
跟住你2宮有木星金星入處女，感覺你分析整理監控管理哩d野好強，係一種你可以賴以為生既技能甘，哩種天賦既將事情好systematic，可以比較分析將事情完美化既能力，亦faciliate到去你既工作上面，令到你擅長于一個僵化既system或者公司（摩羯6宮）裏面，狷窿狷la甘揾到好多改善既方法，或者叫做玩規則玩得好smooth，從而令到事情變得更加完善甘。突然好想講，有種RPG裏面，lawful good或者lawful neutral甘既feel
而相對黎講，你做野方面感覺應該係好順水推舟，自自然然甘就做左哩樣野，而照顧屋企，要為屋企做主，做保衛者角色哩點，反而係你自己可以選擇，或者叫有意識我要去做既位黎，而唔係果種個責任宅落黎我走唔甩，好自自然然就變成甘既feel， NO唔係。
僅供參考。
好多謝你嘅分析
你真係講得好到位呀
唔講唔為意 一講完就覺得好中
我睇到有d眼濕濕
特別係人大個左有左小朋友有能力賺到d錢之後更加想保護原生家庭
人生好多plan閣置左都係因為呢個原因
不過我又真係無好介意
因為我暫時未搵到非做不可嘅事
個人好隨遇而安 好相信機遇
我係真係好識玩遊戲規則
所以考試好叻
即使天資一般
而做野去到每間公司老細對我嘅評價同你講嘅係極相似
好多謝你詳細既回覆
亦好開心幫到你令妳會對自己有更多了解，從而可以更欣賞同愛自己
多謝你咁詳細去解釋
我花了d時間睇咗幾次
的確原生家庭係幾令我有壓力
幸好也不是＄的問題
總之大家關係好奇怪
大家都很愛大家
但就相處方式很奇怪
我都無能為力
至於你話靈修
又真的未試過
冇咩方向
Anyway, thx so much!! 
【偷懶道歉聲明】
想同各位朋友仔講聲唔好意思⋯哩排知道自己好明顯係怠工嚴重。
因為自己最近好奇who is Keung To，走左去睇全民造星1（之前完全無睇viu）
跟著唔覺意入左error坑 ( I love you 33333333) 痴線地煲翻曬error遊1 2，自救tv，男排女將，（哩排仲要開始煲翻娛樂風雲100集）基本上用曬d leisure時間，跟住我自己又試緊搞youtube channel出大眾占卜影片，所以少左好多時間做抽牌。同各位朋友仔講聲唔好意思先⋯令你地久侯。
不過我會keep住做既，有時間機就會繼續清大家既留pO。希望各位見諒。
同埋多謝各位一路以來既支持。
Hello. 睇到你個盤其實幾得意⋯
太陽金牛，上升巨蟹，月亮雙子，水星白羊，火星水瓶⋯只有一粒金星係翻金牛，不過畢竟金星係一個比較lay back既星體，所以其實你其實呈現出黎會係一個既contradict既人
你本身可能都有d謹慎怕羞，一開始唔太敢表現自己，但係你水星白羊，又等於其實你係一個思想同講野都好快，好衝動，難聽講法叫講野容易衝口而出不經大腦。但係你本身上升巨蟹又怕羞靦腆不容不安 成件事就好搞笑。
跟住月亮雙子，其實睇到妳自己個腦其實運轉超級快，勁鍾意思考同八卦，咩都想知，好鍾意變化，所以變相會有d符合你水星白羊既狀態。但係妳又太陽金牛，變相係，你理性上會覺得自己應該安穩過日子，乖乖地打份工，賺錢，養家，生兒育女，但係其實你個底好渴望變化同嘗試新野。感覺你有好多內在矛盾，所以可能導致到你會有自己judgement，從而唔敢好自由地去express自己（上升巨蟹），加上火星水瓶，亦代表你習慣自己做自己野，行動上亦比較獨立一d，可能係驚被人笑或者同人出現矛盾，所以妳選擇遺世獨立一d。
僅供參考。
hello，僅供參考，睇你自己先。
勁恐怖你⋯一堆星群塞曬係10宮。
首先你太土合相射手係10宮，感覺其實係一個頗為幸運既位置。
你會有意識，渴望係事業同社會成就上追求，而因為射手守護星係木星（白羊一宮）所以其實感覺你只要做自己，你就可以係事業上面頗為順利，而且射手本身代表一d大策略d既野，所以感覺你從事既野會係一d同foreign或者高等教育，或者大方向規劃策略有關既行業，加上合土星，會感覺中和左射手果種「白目」同「過分樂觀」「離地」，彷彿你有能力毅力，同埋可以結合現實情況，去將一d理念落實係現實層面之中，所有個感覺有d似係做d大方向制定，然後再入planning既工作，或者做一d學術權威都有可能。
水星摩羯都代表其實你頭腦上非常識得用systematic同有規劃性既方法進行思考，合海王可能會令你係冷酷既言語同思考模式上增添一份理解他人既人情味。所以感覺你係一個似係「辦大事」既人。 月亮白羊，木星白羊，都代表你其實係一個快手快腳，希望主動爭取既人，而木星亦代表，過去經驗中，基本上你願意爭取，都可以獲得你想要既野，所以變相更加encourage你去主動爭取。真心好有辦大事feel。
僅供參考。
感激樓主詳細分析 
你講得好準確呀，我有時都覺得自己有d精神分裂，好似做左咁耐人都唔係好了解自己咁，比你講中晒我d心事，好感動呀。
我的確覺得自己係謹慎怕羞既，但同朋友講次次都無人信；另外真係鍾意思考同咩都想知，咩都想學吓；而工作上我又真係習慣左咁多年都係自己做自己野，但心底又會好羨慕人哋有team work，好矛盾呢… 不過總括而言我覺得自己算係好豁達果種快活人嚟既
唔好意思，之前返工都冇乜上嚟。除左具行動力
其他都講得幾岩啊！不過可能年齡都會有改變
Hello, 僅供參考。
首先第一樣見到，你有幾pair對分相。
5宮海土摩羯，對分11宮日木。
感覺首先地一樣係，你會對自己好harsh，容易criticize自己，覺得自己唔夠好，所以比較難express自己，同容許自己去享樂。
同埋你上升處女，本質上係傾向分析好多野，然後改善，所以你會容易criticize自己，可能甚至容易怪責自己唔夠dutiful，唔夠爲人服務，貢獻得唔夠或者唔夠好甘。
所以呼應返你太木合巨蟹11宮，變相係，你非常重視照顧關懷他人，為他人帶來光明同希望，而你透過為他人提供服務同照顧，你反而會更展現出個人既自信同光芒，而哩樣野你平時只有一個人既時候係難以得到既。
所以overal睇，會覺得你係一個好service型，為大家貢獻自己既人。
僅供參考
Hello，僅供參考。
第一點見到，主要星群落係10宮，太天合+天水合，跟住哩堆同6宮木冥+土星成4分相。
感覺係，小朋友（尤其是大個之後）會好明顯係一個好聰明既人，而且係思想好快，好跳，好神來一筆型既人。然後本身好多觀念都好突破，或者話好挑戰傳統，尤其係價值觀，金錢觀方面。
偉大侵王就係一個太天合，不過係合雙子，所以比人感覺成日係度9up，不過都被人感覺係聰明人，同埋顛覆性人物。仔仔就會係金錢觀同價值觀方面顛覆d，同埋因爲係10宮，都好大機會（或者話適合）從事新興金融或者金融改革方面既產業。
6宮木冥摩羯，入埋土星水瓶四分，感覺更大機會係勤力如牛既人。日常生活，尤其工作方面既壓力（6宮摩羯代表傳統，威權主義，僵化既工作環境，然後你天王星要搞改革……），可能都會帶來健康方面既問題——摩羯方面既問題，eg：皮膚問題，骨骼指甲牙齒問題/
Hello，見你po左2nd son先，就睇左2nd son先。
首先第一點見到，仔仔冥王摩羯合上升，入12宮……
第一個感覺，係你懷孕既時候係咪出現過一d頗嚴重既問題，或者叫早好牙煙既情況？
因爲12宮代表胎前，靈魂果d野，然後冥王星代表生存威脅同恐懼，所以感覺可能懷孕既時候有d事發生，導致到出生果刻都唔太順利（摩羯=barren，外力既限制）。
不過哩樣“生關死劫”既野，感覺會令到仔仔同你地屋企=原生家庭既關係好close。
太陽白羊合天底，感覺成日痴係屋企，或者特別有意識親近屋企人（尤其爸爸），水金合金牛in 4宮，亦代表心裏面所思所想，好多時都係點樣為原生家庭提升價值，財產，舒適度爲主。所以感覺大個仔都會痴屋企。
反而7宮火星獅子，同4宮水金金牛四分相，變相可能係以後結左婚，行動上開始要照顧自己家庭，但係個心就成日痴住原生家庭，導致兩邊容易出現矛盾。
第二胎係有好多問題，糖尿、高血壓、後期係妊娠毒血，半夜緊急開刀
我地自己都覺得佢會陪我地多d
你張圖好細 我盡量睇。
首先第一點見到，你有火象大三角。月亮獅子，金星射手，天頂白羊。
感覺係，其實你好在意人地鍾唔鍾意你，同埋人地buy唔buy你果套信念。
你本身可能都鍾意去玩同研究d具有冒險性質或者叫exotic，超出comfort zone既野（金星射手5宮），所以變相係你應該會收收埋埋好多一般人日常生活中難以接觸到既知識，學識，見聞同理念。然後你會想因爲哩樣野而被他人認同admire既野，或者話變成你個人價值既一部分（月亮獅子2宮），然後哩d見識，亦會變成你用以係社會大衆之中爆發展現既resource（天頂白羊），所以成個picture係，d 39唔識7，萍水相逢既人會覺得你係一個好aggressive地"傳教" bilibala想講自己既見聞學識去比人聼既人。
但係其實你本性係上升巨蟹 真係同你1 on 1交往，先會發現，你其實靦腆謹慎怕醜 加上水星摩羯（雖然合天王），你講野其實會傾向謹慎，同埋覺得言多必失果種人，同埋你自己合天王可能你自己都會覺得自己思想有d跳，有時其他人都難以catch up到，有機會選擇直接唔講（天王=切割），所以變相其實你講野上容易cool，火星金牛，亦代表你行動傾向保守同埋用耐性慢慢磨。所以其實感覺你本性，同你向社會大衆，或者話係common public眼中既形象會比較唔同。
僅供參考。
Hello，僅供參考。
第一眼睇個感覺……感覺女女係超級管家婆
首先太陽處女係4宮，對分海王雙魚10宮，三分土冥合8宮。
等於女女以後既人生大方向，都係會集中係照顧供養，管理，refine自己既原生家庭 因爲處女我個人理解係 polishing & refinement，女女以後就算大左應該都會成日照顧屋企，不過果種照顧，除左provide 野之外，仲會多左一種 “管理” "quality control"既意味
可能宜家女女本身感受到原生家庭氣氛都係要所有野well organized，所以大左都會copy左哩樣野，亦會有意識地keep on幫手organize原生家庭既事務。而對分海王，其實有d似，女女以後大個出去社會做事，可能會發現好多野都不受自己控制，自己係外界會比較有種無力感，所以變相會想係自己可以控制既範圍内，盡力控制所有野。加上有土冥合摩羯in 8宮，meaning係"好驚對於一d共同資源，或者一d壓抑，難以展露既情感欲望心失去控制，所以選擇更大力控制。"
成個picture就係，女女可能會驚自己（或他人）失去對於情緒，或者一d難以面對既事物，or純粹共同資源eg money（8宮）既控制，所以意識上會傾向于加大控制同做risk control，防止自己或者家庭裏面既人有不受控制（缺堤）既情況出現。月亮四分木星摩羯，都代表對於傾向用一d外在規範去規範限制自己既情緒。
僅供參考。
