Hello，僅供參考。
首先第一個感覺係……係咪你原生家庭既情況都爲你帶來好多既限制？
木星入摩羯入4宮，基本上木星既樂觀喜悅會限制左，同埋感覺會放大左家庭裏面既權威制度，規矩教條同限制。跟住木星同7宮月亮4分，感覺都會放大左你自身既情緒波動同不安感，而哩樣野會影響到你既婚姻關係，月亮白羊本身已經係炸藥，再被木星放大左……well。木星又同MC對分，即係來自家庭既限制，亦都會影響到你既係照顧他人方面上既事業發展。
跟住八卦望一眼你先生既盤……先生月亮係天秤，火星射手but合上升合天王，你就火星雙魚……
有個畫面……不過純粹自己直覺，唔岩當娛樂 
。
你地可能係屋企比係街特別容易嘈交，不過一開始，你會狂爆，先生會一路退縮，退到某個位頂唔順就突然暴走出門口，跟住即使trigger到你天蠍冥王三分火星雙魚，即時令到你頓生一種被遺棄既恐懼感，然後你就爆喊……
純粹個腦有畫面……不過都係果句，唔岩當娛樂 。
僅供參考。
謝謝你解盤＾＾～恕我笨笨，我唔係好睇得明啲星星星星星。。。。
不過你提嘅兩個point,第1講話年幼時家庭多restriction 係真嘅。。。但其他嘅就唔係好睇得明。
第2講我同先生，係有鬧交位嘅，但冇後面提到咁激情況。。。
感謝樓主
你咁睇啦。你原生家庭本身會限制你好多野，權威啊規矩啊要謹言慎行啊傳統啊果d，不過去到結婚之後，你反而可以“肆無忌憚” ，唔需要再做一個好considerate 既人，可以直腸直肚好多。
後面果段，我純粹想睇下你哋兩夫妻interaction會點。因為見到你哋一個月秤，一個月羊 感覺好正。一個爆爆，一個“唔好咁激動，有事慢慢講”
不過都係純粹個人好奇，如果唔fulfill當娛樂既可，只係一個純粹由星體去猜測潛在既顯化
同埋都多謝你既feedback 
中呀，嘩哈哈 
邊個打邊個，邊個爆爆，邊個冷靜，哈哈哈哈哈哈哈哈哈。。。。想知
你爆爆d應該 月白羊
bingo
Hello，僅供參考。
首先見到比較明顯，你日秤，4分月蟹(圖唔太清楚，不過應該係)，4分海王。
跟住月蟹又同海王對衝。
感覺係，首先你既情緒應該好容易混亂，同埋好容易比其他人影響到你，有時候你會莫名其妙地down，可能只係因爲他人既情緒唔好，就足以影響埋你既心情，令到你在情緒之海浮沉不安。
但係你自己太陽天秤係陽性風象星座，其實會無辦法理解點解自己甘"emotional"，你唔會好critisize自己，不過會好唔理解，同埋會用"又唔見人地係甘？"甘樣，去用人地既情況比較自己既情緒變化。跟住月亮落埋8宮，變相其實你應該甚至有d驚自己既情緒波動。
跟住你射手2宮，又跌左粒海王星落去，仲要對分月亮8宮，感覺你自己可能都好財來財去，d錢好似賺得好辛苦（火星摩羯2宮）但係有唔知最後點樣fing曬去甘，所以反而令到你好緊張d細眉細眼既小錢
但係你個盤有靚位，就係4宮木星3分12宮金星，感覺你屋企其實都會提供好多資源比你，而哩種資源可能係你之前累積落黎既福報。
唔好意思幅圖影得唔係咁清楚 
我以前係好易受人影響,影響到自己既行動&情緒 
我以前D錢係搵得辛苦,但係我儲錢能力都幾強 
如果你講原生家庭,係完全無資源俾我,我十幾歲就要開始要俾家用我呀媽 如果講婚後家庭,都算算地係既,不過我自己以前都好勤力返工,唔係靠我老公養~
唔該曬,樓主幫我睇盤 
多謝你既feedback！
個人好奇想再further 8卦下，你原生家庭雖然話錢銀上無太多supply比你，但係如果係encourage你去追逐夢想方面，會唔會比到好足夠既supply你，又或者話你“屋企”“家人”哩個concept範圍上會唔會好大？meaning你家人既definition上會唔會包括好多人（木星雙魚）？
個人好想知道你粒金星3分木星係4宮會點樣顯化 同埋你金冥入12宮，感覺都係指你有 hidden treasure。
我原生家庭個個都又懶又自私,只係識問我拎錢或點我做野,真係無可能幫我追夢…我老公就一半半啦,佢有幫過我亦有阻過我追夢 
我女算係最讚成我追夢果個 
佢好SWEET既 
分享下,我以前睇過風水師,佢話我條命多水,我會愈來愈有錢,有可能係我中年事業有成,又有可能係男人俾我,我老公的確係都算愈來愈有錢~
多謝你既feedback啊。估唔到會以甘既形式去顯化——木星以負面角度放大左雙魚負面"被害被拖累"既能量，非常insightful同學到野
你10宮獅子，無乜星入，太陽守護都係飛去11宮，最多睇係朋友多，好sociable，二宮射手，入海王，感覺都係freerider格，相反7宮金牛，感覺比較似係你老公做cash cow
佢對我同個女都唔算大方 
有得揀我寧願係我事業有成
統一回復下先……唔會遲，總之po左就會睇。不過哩排出新game，所以…… 
不過絕對會睇，請放心。
Hello，僅供參考。
首先第一樣見到，你日月都係巨蟹。其實都係幾難得既情況，一般人比較多日月唔同星座。
所以其實你應該算係好心智合一既人，意識上覺得要關懷家人，同保守財富，自己心靈上都會覺得關懷家人，保守財富可以帶比你最大既安全感，所以基本上你情緒同意志都係相同既追求上面。如果日月唔合既人，可能就會個心渴望一樣野，但係自己理智會話比自己知其他野更重要。
但係你月亮4分冥王係11宮，所以我覺得來自朋友既peer pressure，會令你對自己既情緒有剋制，巨蟹本身好容易情緒化同敏感，好容易覺得被冒犯，但係來自朋友圈既peer pressure，可能會迫使你對自己既情緒有一定既自控同壓制，如果更嚴重既顯化，可能甚至係令你對自己敏感既情緒有所恐懼。
然後你火水都係雙子，同時對分一宮海王。水星雙子本身入廟，應該頭腦好快同埋伶牙俐齒，火星就會顯化為想多過落手做，同時對分海王，meaning你本身應該都有d迷糊底，可能後天train到你有水星雙子特性，不過感覺始終感覺你對分相位會blur同影響左你本身水星既sharp mind，反而變成更加强化左雙子座變動星座所代表既思考太多而導致混亂。
僅供參考。
唔係大師 我超級業餘玩家黎
我首先都係睇你自己個盤先啦。一開始睇完你個盤會有一種感覺既，然後見到你既留言：想了解下我哋呢個家庭，點係最適合～ em……好似會解釋到點解你會有哩種……迷茫feel？
首先你上升巨蟹，合金星，代表其實你本質上係一個情感好細膩既人，好重視身邊既人事物所帶來既安全感，而且合金星，變相你更加重視人際關係上既和諧（起碼係表面和諧都要），而且金星係一個比較被動既星，變相感覺你會願意委屈自己去遷就，從而帶來關係上既和諧。
但係你粒金星對分左7宮摩羯既天海合相。變相有種感覺就係，你同伴侶或者他人關係上，總有一種格格不入，大家牛頭唔答馬嘴既感覺。加上7宮摩羯，本質上代表你既婚姻會比較傳統，which is可能係唔習慣"我愛你你愛我"，講家庭責任多于情感，講materialized實際層面既野多於感受。天王星入宮，感覺更加會顯化成各自獨立切割，甚少情感交流，海王星入宮，我會看待成，可能你亦感覺到在婚姻關係之中有一種自救無力既感覺，而哩樣也會衝擊到你1宮金星，令到你覺得唔開心。
不過其實一眼望下你先生，其實唔係唔著重家庭，唔係唔着緊你，先生太陽巨蟹入7宮，其實好重視婚姻關係，但係可能係衰係先生水木合獅子，先生會比較focus係自己既需要，或者賺錢上面，仲要四分天月，變相感覺先生唔識得去溝通自己既感受同情緒，講野思維方面亦好跳，有d好外星人feel，所以你會覺得touch唔到你甘。
僅供參考。
