做個統計,有冇工人冇問過借錢？
啱啱工人開口問我,雖然數目唔係好大,但一有呢D錢銀瓜葛就感覺好麻煩…
我對上一個問我借我唔借,最終揾財仔之後走埋佬
咩原因？咩銀碼？基本上都唔會借！
佢借財仔，俾大耳窿追都唔關我事！
之前有個工人借財仔，成日打屋企電話揾佢！有次我仲同佢傾計！
「你個工人借錢唔還啊小姐」
「佢差你錢都唔關我事，我準時出糧俾佢」
「佢咁樣借錢唔還唔得架」
「想問下你呢，你哋成日借錢俾啲工人，佢哋走左咁點？」
「我哋個邊有人架啦」
之後間中有電話！工人完約，有電話，我話佢完約走左，財仔（非常有禮貌）請我email/fax完約證明俾佢，就冇再打電話黎！
我對上呢個都係
但我覺得就算你借，佢哋都會借財仔
所以結論係，我唔會借
同你一樣，唔鐘意有呢d錢銀瓜葛
你借定唔借，最後都會搵財仔。
個工人仲有幾耐約？
$25000買農地老公種野
佢話每月扣佢2000糧還,一年鬆D就可以還哂比我
你個case同我上一個一樣,工人走佬後我收到財仔信打比佢哋,我初初仲聲大大叫佢唔好煩我,點知佢哋又係好好禮貌咁同我講嗰邊有人會揾到佢還錢
下年3月
其實啲工人覺得可以有借冇還咩？
佢哋真係好天真
你揾到新工人未？
太多錢，唔會借！
你話好地地做夠2年個啲錢已經有啦，洗乜提早借！
依家時道唔好，好難借咁多錢俾佢！
預支一個月糧, 可以. 再多唔會.
借左之後佢有免死金牌, 點衰你都唔會炒佢.
一定要即刻買架咩 
佢自己儲2年錢買囉
Ex工人來到兩個月就問借，借500還一，二百又再問借，好煩，最後條數都係唔清唔楚，可能仲欠我六，七百就無做，只做左七個月。
現工人喺出面借，但佢有還我唔理佢。工人一入屋直接講家規之一係不能問我借錢，我係唔會借。
第一個有問，借過500，結果斷約後比財仔追數。
第二個從來冇問過借錢，已經做咗4年，都仲算ok
要借25000一定唔會借，一千幾百其實都唔係咁想，問得一次就有第二次，好煩
這個原因，其實唔應該借！
有
用你地址借完咪走佬
早排疫情嘅時候試過,佢哋封城限制出去買補給,出糧日期同出城日期唔夾嗰次都有預支過
兩年前隔離網有人話個印尼工人 uncle 病左想借錢醫病，工人肯畀 whatsapp screenshot 話係證明自己冇講大話，個 JM 想搵人翻譯，我唔多識印尼文，第一眼一望就知道個對話係輕鬆講笑。之後問我啲印尼網友幫手翻譯，翻譯完得出「冇任何人病」。
有啲工人比較蠱惑，畀 whatsapp 紀錄話係證據，但你唔識印尼話（印尼都有好多個語言，Bahasa Indonesia、Javanese、Sundanese），有啲簡寫你 Google 翻譯都未必翻譯到，你只能夠得個「信」字。如果唔係我幫個 JM，佢真係做左水魚。
1個讚
未呀
但依家有一個傾緊合約d嘢
不過一日未搞visa就都會有變數
如果呢個OK，12月頭可以入屋