工人冇乜邊個唔借錢，借完又借，千百個古仔
比我一定唔會借
我工人之前都係話想借錢買地種野…不過我冇借到。
佢地佰錢有好多理由同原因，其實我地都成日借, 不過真係唔知佢點還。
每個月扣佢500/1000。
我又講下正面例子先
我屋企個工人姐姐人品一向好好，有時屋企人亂放錢、戒指都唔會偷。佢老公出去偷食離左婚，仲拎埋佢地住間屋，個仔好細個，前夫又唔養，工人姐姐唯有俾自己呀媽照顧。事緣有一年佢呀媽屋企附近有塊地突然出售，要2萬港幣，佢好想之後可以住近呀媽屋企，好想好想買呢塊地，就問我地借錢，每個月扣。我地見岩岩續左新約，佢人品又好，就借左俾佢，攤開2年還。
之後又續新約，佢想再借2萬起屋，再攤2年還，我地都借左俾佢。
今年年頭爆肺炎，你知幾難有口罩啦，我已經預早買，但估唔到搶到咁癲，之前只買左4盒口罩。之後，工人姐姐話印尼仲有貨，叫哂屋企全家總動員，逐間藥房問、逐間買，然後寄黎香港俾我地。當時真係好感動架！
而家我仔仔出左世，佢會買野送俾仔仔，又照顧埋新請既工人姐姐，大家相處得好開心！
但係如果做得一份合約，而合約得返幾個月，你又唔係好信佢人品，我覺得搏唔過
11個讚
呢D好工人難求,懂得互相珍惜
佢終於捱大個仔喇，佢做多個合約仔仔就會畢業，仔仔出黎做野養佢，佢可以返印尼退休，種下米、種下椰樹，享受家庭樂
我聽到都好替佢開心！
3個讚
以前嗰啲工人，真係比較純。
我有兩個故事
我哋家族有兩個工人，一個就係由細睇到我大，冇結婚，但係菲律賓收養左好多小朋友。我移民咗之後就照顧我阿嫲，阿嫲過身之後再幫我老竇手。直至我老竇百年歸路。而我自己本身冇需要，亦都離開咗香港。
依家60幾歲，本來我老竇過身，可以退休。但係最後選擇返嚟香港再做。請到佢嘅家人非常幸福！
另外一個在照顧阿嫲，最後都係幫埋我老竇手。佢菲律賓有老公，老公唔生性，曾經問過我哋借錢，有借俾佢。但係後來發現佢偷錢。我老竇同我阿嫲原諒咗佢，因為了解到佢有苦衷。最後非常非常感恩做到兩老百年歸老，佢自己就返菲律賓同老公同埋仔一齊退休。
總算係大團圓結局。佢哋離開咗菲律賓，老公做錯野，都好無奈，佢都選擇原諒老公。而我老竇同我阿嫲，越多選擇原諒咗佢。如果當初冇原諒，可能好多人一齊受。
但係而家年輕嘅過嚟打工，誘惑唔同晒，真係時代唔同。
1個讚
你確定要開啟這個老話題嗎？ 是
老生常談的問題…唉
工人姐姐幫朋友做擔保 (佢咁講我咁聽啦), 而佢朋友宜家決定返印尼
佢唔想摕個FRIEND條數, 佢決定…佢都返印尼 (係咪簡單左啲?!)
佢為左唔想揹條數, 同我地講要離開香港…
- 收數公司會追到過印尼嗎? 係咪咁天真同兒戲就可以解決??
- 佢有爛數, 我地會交個名去入境處(?) 咁佢之後可否再黎香港?
- 佢其實無問我地借, 但就死都唔肯還(因為唔係佢借), 扣糧都唔想
- 佢其實做得都…不過不失…
- 欠債銀碼…6千幾
我地可以點…宜家咁既環境…
係啊，仲寫埋屋企電話添！
但佢要借你都冇得阻止架
好彩同財仔講左，財仔都冇再煩我
update一下先…
我最終喺11月借咗畀佢,total借咗兩萬五,今年3月開始每個月還$2000,sofar都準時還錢
都係嗰句啦,希望佢乖乖哋還埋嗰幾期
1個讚
見你問題解決，覺得很好。
我都有類似情況出現…圍下爐先
依家個工人做緊第二張約
第一次話個女中左登革熱，要去私家醫院，借$5,000，分5個月還，每月出糧還$1,000
我地有借俾佢。
第二次話家鄉打風要維修間屋，想借$10,000，我地拒絕。
我地係錢銀方面好小心，屋企d 日用品要take stock，做僱主一定要心裡有數，間中講d 說話暗示俾佢聽我地一直有監察。
你都係要睇你工人整體表現作定論,希望最終都有winwin局面
1個讚
我家姐夫家嗰邊有個前印印，恃住僱主冇咗佢唔得，一路借財務公司，僱主一路幫佢還，到僱主搵到代替佢嘅人，當然不歡而散。
點知，而家個印印又同個僱主借五萬，我家姐估，應該係前印印教而家嗰個借錢！我家姐話個僱主應該會怕疫情關係請唔到工人而心軟借錢！
我相信你對姐姐應該幾好！
我都有正面例子，我地全家對d姐姐好好，d姐姐對我d小朋友都好好，成日買玩具、零食、靚衫俾佢地。姐姐平時做野上心，放假出街前後都會自動幫手做家務，相處好似朋友咁。我會同佢地講，要借錢就問我借，我唔收息，出面大耳聾會收息，同埋我唔會傷害佢地。我諗呢d係人同人之間既信任。佢地之前都有問我借過錢，每次兩萬蚊左右，次次都分期還清。人品好壞，不論國籍，菲律賓/印尼有好人，香港都有壞人。
您好呀，我的個案同你差不多，有些長篇，講的背景先，我屋企的工人姐姐黎左我哋度差不多兩年半啦，同佢續左第二份合約，都覺得佢幾好的 又錫小朋友，點知最近都有問財仔借錢，一開始時成日有陌生人打屋企電話搵佢，打多幾次知道是財務公司，我哋問工人姐姐先講話幫朋友借錢，問佢借左幾多錢？成日都講唔到個數，開始時話1萬之後變15000-，點知過多幾日又打嚟話未還錢，佢又同我哋講話還左，仲俾收據我地睇，我地想了解佢咩野事點解要借 借幾多錢 幾時要還錢 佢先講話佢都有借錢俾佢爸媽 一共借$30000- 每月還$3000-正常還10期就ok la.我地都借出$3000-俾佢還錢先 ，跟住仲同我哋講下個月扣，如是者又到下個繼續有財務打黎追數 終於發現佢借左兩間財務公司的錢，第二間每月還仟幾 再問佢先再俾另一張還款收據我地話追左佢朋友還錢 我哋有搵埋agent 傾我哋個案，姐姐自己喊曬口話麻煩到我哋 叫我哋俾佢返印尼 諗住一走了之（是未咁簡單就完事呀）Agent個邊搵左個講印尼文的打俾佢傾 好想問清楚借左幾多錢，我地再借多3000-俾佢，叫佢快啲還錢唔好遲左俾人罰息，佢跟住同我哋講現家返唔到印尼扣年假同機票錢。點知又黎下個月啦 我習慣是2號出糧 現家又喊曬口同我哋講話阿爸入院要錢 早的出糧，個問題系今個月您即是又唔夠錢還財務啦 我哋都借多$6000-幫佢 佢都唔夠錢還 明知是咁仲繼唔繼續幫佢呢？自己覺得就係借咗財務錢又唔肯同我哋講清楚借左幾多錢，再黎是借錢俾佢 佢最後都係寄返印尼先 追到佢朋友還錢先還 佢朋友現家發爛渣話唔還 。
一樣的戲碼…
我地最終都無幫佢俾, 佢應該搭飛機走左 (仲要去到機場都唔知要用PASSPORT登機, 問我地本PASSPORT係邊, 我地估計俾財仔扣起左)
我地好快搵到新工人, 但新不如舊…直情差好遠…同學仔媽咪見佢接放學都話差好多
10個工人，9個都唔識理財，同埋無存款。
最多可以預支半個月人工，其他一律唔好借。