而家係小二，做功課唔專心，寫字又慢又肉酸，擦左D肉酸字又唔開心，唔擦咩，老師咪圈起D字要改正。做完功課睇住佢執書包，都可以轉頭將D功課擺番去書架，結果當然無帶被老師寫手冊！復課咁多日都被寫手冊，唔係漏帶功課就漏帶書，一係帶左但夾左係其他書內搵唔到又被老師話無帶…日日都係咁真係人都癲
我細個都係咁, 阿媽唔會理, 都成功入到科大會計畢業
小朋友係咁, 大個就會好
3個讚
小學生一定有甩漏，我兩個小學時佢地執完我都會跟手check一次補執，到上中學先唔洗跟。至於寫字肉酸，我之前係留返比老師改，因為曾有專家講下下要小小朋友擦擦改改佢地會好氣餒。
如果一路都甩漏咁小二都仲係細, 舊年又半年無返, 媽媽幫手執執佢, 例如用功課袋, 課本排好次序放喺書包
寫字核突可能係自幼稚園已經積重難返, 要盡快幫手佢執返企理D, 唔駛好靚但起碼唔會因為核突而比老師當錯, 學書法係有幫助(如果你仲有時間), 或者試下寫得好D就勁讚, 小二仲有得救
1個讚
佢而家小二,不如你幫佢執書包?
我細個都係咁甩漏，依家有 WhatsApp group 影相，以前要打電話同 fax worksheet，我啲同學嘅媽媽幾乎日日收我屋企電話問野。
字呢啲真係唔係鬧就改善到，倒不如你交畀老師，改正改到佢怕，咁佢就知道下次唔可以寫咁樣衰，然後測驗考試訂立獎勵，例如 9 字有獎勵。派返黎嘅卷如果發現好多係識嘅只係自己寫字樣衰，咁就要話「哎呀好唔抵吖，明明可以畀個大禮物你，依家冇了，我要退返畀舖頭，等你下次寫字靚又啱得多先再買。」
漏野嘅話，又係訂立目標，貼紙獎賞計畫，一個星期冇寫欠帶就一個貼紙。佢執完書包可以問你有冇漏，你就只能夠答 yes or no 同埋漏幾多野，但唔會話漏邊樣。咁就有啲似遊戲推理，有返少少興趣去做好啲，
啲仔起碼四年級先有啲意識寫靚啲。
不過題外話，如果以上皆有，而且都有被老師投訴有其他行為、情緒問題，咁有機會係 ADHD。
2個讚
就係執左但唔知點解佢以為第二日無堂就唔駛帶，所以攞返出嚟，但其實係要交
我哋無貼紙獎勵但會獎可以睇電視，不過都係會帶漏野。例如視藝科要帶顏色同畫簿，已經放左係枱上面，叫佢執落書包，但佢轉頭又唔記得放入書包，反而好有手尾咁放入書櫃，你話係咪嘔血！
一心急想快啲完成就寫到打風咁！要坐係隔離睇住佢先至肯寫靚啲⋯⋯想話佢做完先至對功課都唔可以
獎睇電視係錄影節目/youtube，定係即時嗰啲？即時嗰啲，我完全理解到點解咁樣。
要將所有規則講得好清楚，因為個腦袋一次過 process 唔到咁多資料，一定出錯。例如約法三章，執書包一定要攞手冊出黎，然後望著時間表，一堂一堂執野入書包。
會晤會考慮印張過膠提醒清單？個清單寫：1. 今日我做完功課未？ 2. 我明白如果寫字太醜，功課多於 3 個錯字改正，我明天不會有電視看。 3. 今日星期幾 4.？明天星期幾？5. 明天有沒有 PE/Arts 堂？ 6. 我將 PE/Arts 用品放入書包未？7. 我已經重複檢查有沒有帶漏？ 8. 我知道如果媽媽提醒後仍然欠帶，我明日不會有電視看。 9. 如果我這個星期做到以上，星期六日，媽媽會有額外獎勵。
整張咁嘅野畀佢用 marker 筆 tick or cross or 填字。佢亂黎嘅話，咁佢自己知道要接受懲罰或者冇獎勵，有清晰指示，自己主導有冇懲罰 or 獎勵，咁應該會有改善。
5個讚
好建議，等我試試
執書包，我仔一年級已經要佢自己嚟。
我教佢首先拎晒書包所有書出嚟，
右手邊要帶返學，左手邊唔洗。
先放功課係右手邊，之後對住時間表逐科擺功課面上。
最後就係手冊筆袋。
你睇佢執一星期，之後佢就會識，先解決帶功課問題，其他慢慢嚟。
2個讚
Bd嘅姊妹真係高質又願意分享
一路有追開你嘅回覆，你好有經驗回答好高質素，想問吓你係咪做開兒童教育㗎 ？
我都係大頭蝦, 細個成日帶漏野, 而且我都係全班手字最核突個個…
你同我講做倒可以睇電視, 我會盡力, 但都係會經常失敗 
好理解樓主個仔, 佢唔係蠢, 係真係有人會做唔倒!!
其實手字了草, 都因為性格係心急, 多程序係鼓勵唔倒進步, 有機會發覺跟住做都做唔倒更氣餒。
改善方法就係：每日拎晒書包D野出黎, 再拎住手冊順住放入書包, 出錯率少左好多 
簡單直接! 唔洗考驗耐性
我大個出黎做野好明顯, 做過哂reception, admin, 對number執書, 全部多程序野都日日做錯做漏, 比人炒! 而佢地覺得我係蠢, 做極都唔惦! 
反而我做倒digital marketing, 好快做到有下屬既位 
2個讚
所以我話要留意下會唔會係有 ADHD 或者其他問題導致佢執行有困難。我明架，我一二年級讀書都係唔知點解甩漏咁多，到三四年級先有改善。有個表就容易建立習慣同有清晰指令，做到就可以 phase out 唔用。因為有一句「執書包」，看似容易，但對冇乜點返過學又相對依賴父母嘅小朋友黎講會冇頭緒，個表算係有個開始。冇話一定得，但唔試就永遠唔知得唔得。
1個讚
其實食飯前已經執好書包，但臨瞓前同我講應該唔駛帶某本英文簿，我話唔好拎出嚟，費事老師用起上嚟又話你無帶！其實真係唔知佢需唔需要用嗰本簿，但真係好怕再欠帶又被寫手冊，所以唯有帶埋
你意思係照住做都執行唔倒有可能係ADHD? 
我冇咁講過喔！
ADHD 小朋友通常返學會容易出現嚴重甩漏（已經唔係一個月兩三次，而係幾乎日日都有），工序不整，難組織，導致經常欠帶、字體唔靚甚至頻頻寫錯。Check 左好似冇 check，但第二日又係被寫手冊，變成最終「解決」方法就係乜野都唔攞出黎，全部塞入書包，到時候上堂要乜就搵佢出黎。
呢類學生老師誤解針對，覺得學生唔用功唔專心。換作以前，真係一律覺得佢哋係唔讀得書，心散懶惰。依家多啲資訊，留意下都好，如果真係收不尋常地多嘅投訴，咁就要早日去問醫生評估攞意見，儘早幫小朋友。所以先叫樓主留意下，小朋友如果一開始返學就咁樣，又唔見改善，會容易建立負面印象，到時候就算換第二個老師教，都因為之前嘅老師有同其他老師提起過小朋友，而容易先入為主。
用表只係其中一個方法，我信小朋友望著清晰指引，肯一步一步跟住，出錯機率就會大減。人係有慣性，習慣、有獎勵、成功感之後，就慢慢 phase out 唔洗再用表。獎勵計畫係一個 incentive 去畀小朋友主導返自己條路，試過，得左，有獎勵開心。如果唔認真去做，冇獎勵，自己吃虧。同玩大富翁、鬥獸旗之類一樣，好多規則。你唔解釋點玩，佢撞版一定多，仲摸唔到幾時獎幾時罰。但如果一開始解釋曬，有曬示範例子，咁玩得多就熟，唔需要再望規則紙。
用小朋友角度諗「執書包即係點執？日日都係上嗰啲堂，唔洗執架？我唔執，媽媽會幫我塞入去。寫手冊姐，又唔會打我罰我。」
依家樓主冇頭緒，咁試下無妨。
2個讚
諗翻起自己細個好驚樣衰，所以唔敢帶漏書、欠交功課，但如果小朋友唔驚比老師鬧就自然冇所謂。
字體到佢想靚嘅時候就會靚，中學會故意寫到啲字勁細仔女仔啲，高form之後留意公開試嘅作文字體分，高分字體係要大隻清晰，所以有練。
呢啲都係自己覺得有需要先會進步，我老公啲字到今時今日都⋯⋯
Haha
反正冇影響一個人嘅成就。
1個讚
我聽你講你會好多野話佢咁。咁佢應該冇乜成功感。
你會唔會試下放曬手幾日。真係忍住唔理。然後問返佢覺得可以點會好啲。又或者佢做到啲乜先讚佐佢。等佢有返啲自信。我諗佢日日比人寫手冊都應該自己都唔開心。唔好令佢放棄佐自己啊！咁你到時仲難搞。