突然諗起。以前幼稚園老師有教我地教阿仔時。幫仔邊隻字靚就打星。寫得更靚果啲就打多幾粒星。我開頭都用呢個方法。雖然佢都係寫得麻麻，但我發現我越坐得近佢。佢會寫得越樣衰。所以我就行遠。而家上到小學。反而慢慢就跟得返好啲。同埋我見有啲野老師原來未必會執佢。但有啲標點老師會執。我就加把咀話。因為一個標點要改成句幾唔抵。不過佢俾老師改佐9，10次之後。終於有改善。唔去理等老師理可能有時都係1個方法。仲之唔好再打擊佢自信。讚下佢有嘗試。俾多啲成功感啦。
好似你咁，你咁努力上來問人。如果我地一直都打擊會問你點教仔架。咁你心會唔舒服。但其實我見到既係你好努力咁去火火嘗試希望幫佢。不過你好沮喪。但你其實都係一個好好既家長。因為你關注小朋友。咁樣講你心會繼續想行落去多過話你呢樣唔得。果樣唔得啊。
我小朋友都會甩漏。我只可以話大家雖然激氣但都係慢慢學習。係我學習點樣去收火。。。哈。
我小朋友都係差不多大 一樣教到嘔血
諗過趕佢出街 
、飛簿、掉書、尖叫、篤住個鼻黎鬧、扮寫退學書 etc…
係爭左未藤條炆豬肉 (放心 我地唔體罰)
最近睇緊啲育兒書 大多數都提倡幾樣野
我試過換下方法 又真係好似好左
分享下
6As
acceptance < 好重要 連自己父母都唔接受接納佢嘅錯 佢好易想歪 由其佢地小一先返得幾個月 not even 半年 然後又悠長假期 基本上學過的都忘記曬
authority
availability
affirmation
appreciation < 勁讚 都好重要 要欣賞佢有改善佢先有動力
affection
講多句
我個人唔會俾睇電視 (I.e. cartoon)做獎勵 太過被動性咁灌輸資訊會漸漸搞到唔願諗 唔願郁
要睇都睇discovery, nat geo果啲多
但係都唔會多
情願推佢去玩玩具 踩單車
以上純屬個人意見 及 家庭習慣 
等佢決定應唔應該帶。
跟手同佢講，老師寫家課欄時你要一齊寫，明明執書包時執咗，但因為自己冇寫又冇帶，仲要畀老師話，係咪好唔抵呢？
如果佢性格係知醜嘅，就會愈做愈好。
唔專心個個都會，我又唔覺得係問題嘅。
字醜，唔好擦，
問下佢寫乜字，再同仔講，媽媽都睇唔明，你覺得老師會唔會明？
用默書成果逐個錯字講，
例如某個字，你識寫，老師睇唔到就會扣分，抵唔抵？
某個字寫得靚，就要大大聲讚。
慢慢了解仔性格，再用性格去執佢。
馬拉松嚟，努力
！
多謝大家提出嘅意見！要從頭執佢D甩漏野係辛苦，不過我會試多啲唔同嘅方法，令佢改善
教小朋友真係講就易, 做就難, 我成日都提自己要做一個慈愛嘅媽媽但一埋枱睇到D功課測驗又"一秒變後母"~
調整心態好緊要, 真係唔好睇成績太緊張, 接受小朋友嘅甩漏, 放大佢嘅優點… 咁樣條命都會長D
身同感受…
仲有個個小朋友性格唔同，有d方式啱你仔又未必啱我仔。
個個小朋友資質又唔同, 你問考第一果個佢點教, 佢分分鐘真係唔駛教, 小朋友係天生專注力強, 記性好, 個人小心…
偏偏自己果個就好似馬謖咁, 明明作為諸葛亮嘅阿媽我已經比晒錦囊"當道紥寨"呀…佢係都要自把自為, 又或者唔記得…咁又有乜計? 真係嘔血…
初上小學真係要家長幫幫手,特別今年特別煩,又網課又面授 
真係有小朋友掂下本書就輕易拎個第一返嚟，偏偏唔係自己個仔。
我成日提自己，唔好拎人哋個仔，同自己個仔比較。
打擊佢之餘仲重搥打傷自己 
最主要真係冇點返過學，小一係建立讀書習慣同群體生活嘅好時期，但可惜冇左，又停咁耐課，依家突然又返學，小朋友主要記憶都係 K3、蜜月期，未入正題，難意識如何做一個好學生。幸好就係仲細，有兩三年時間先到最重要嘅呈分，仲可以慢慢黎。
就算返得學，都唔可以正常咁玩。
悶之餘又冇地方放下電…
我女話而家體育堂只可以拉下筋…
對唔住，我笑了…
我仔有得逐個跑下圈…
係啦、我小朋友小息要留課室、只可去洗手間。
仲要體育課都冇埋
其實小息留課室仲好過落操場啦,小朋友又上又落,攪到個小息得返幾分鐘~
仲有變左6個年級既小朋友迫曬去地下個TOILET 
我小朋友都係小二、同你小朋友差唔多、好彩嘅係我可以暫時唔做野睇實佢。