最近發現自己喉嚨總係有嘢頂住頂住咁，而且口氣好嚴重（戴住口罩好覺，近幾日就算喺屋企冇戴都自己聞到）
照鏡見到喉嚨椗扁桃腺位置有粒白色嘢，自己Google下，應該係扁桃腺結石
想去睇醫生，係咪去普通診所就得？定一定要睇耳鼻喉科？
細個時成日生, 都唔知係咩, 只知有時喉嚨會有粒野甩出黎, 好大陣味, 我無理佢, 到好大個先知係扁桃腺結石.
1個讚
會自己甩出黎？
睇普通家庭醫生先！會唔會只係扁桃腺發炎咋？
係有少少腫，但好明顯有粒米白色嘅嘢喺度
我近日又覺得有少少係咁
我都成日有，我用長棉花棒按粒嘢旁邊啲肉，佢就會自己唧出嚟。之後記得用鹽水漱口。
1個讚
會唔會嘔㗎
如果見唔到咪攪唔到？
你自己liu 佢出嚟啦
可能有少少搞到想嘔咁不過都係一下啫
睇到就易搞呀, 一liu 包你舒服哂
睇唔到先煩，又頂又整唔到出嚟。
我自己係唔知點解大概十年前某日覺得喉嚨有啲嘢頂住，頂咗好多日，個醫生又唔識睇喎。之後有日用條脷Liu 到啲嘢，用條脷頂咗粒白色嘢出嚟就舒服哂。之後間唔時都會生。自己覺得飲多啲水同飲少啲奶會生少啲。
發炎都有白色野架喎（膿）
我成日都有
要戒口
發炎要睇醫生食抗生素，快啲睇醫生啦！
呢個係一粒solid 白色嘢，好臭㗎。一甩就冇哂事
一陣收工去買長棉花棒試下自己撩
1個讚
小時候有，大個之後好少
唔洗醫，朝早刷牙時用力啲扣喉嘔出黎就得
你意思係直接用手指挖粒野出黎咁hardcore？
我好年前都有，不痛不癢，因為佢定期自己會甩出黎，好臭，好似臭豆腐味，我冇理佢，好多年黎先知係偏桃線結石，後來自己消失左冇再生
2個讚
係，就係呢陣味
出唔到嚟嗰時一陣陣咁喺個口散發出嚟都幾惡頂
我有一排勁生
係lur咗一粒出嚟仲有一大舊喺裏面
可能水飲得少令個口好多bacteria
有興趣可以YouTube 搵片睇
搵tonsil stone
都唔洗用手指既
刷牙時反胃嘔個下用力少少吐出黎
講起呢個話題
記得我小時候大約十歲左右
當時唔知咩黎
以為自己嘔左個唔知咩內臟器官出黎
跟住我成日擔心自己會因為咁而暴斃
嚇到我死
4個讚