專登走去買咗包長棉花棒都係撩唔到，我都係去睇醫生算了
1個讚
我生左廿幾年, 由以前細過唔知係咩黎, 剩係知間唔中就有粒白色粒粒好臭同埋粒野過幾日會自己甩左出黎, (作嘔/咳/食食下野/吞口水時有機會出左黎), 睇醫生, 醫生都唔知係咩黎, 後尾先知粒野叫扁桃腺結石, 不過醫生都話可以不理, 所以次次我都乖乖地忍受幾日至幾個星期, 等粒野自己出黎
直至早幾年無意中睇到條youtube片, 見到個外國人揾棉花棒㩒粒野出黎, 從此以後就無再忍, 一feel到頂就望下喉龍, 有是未必見到白色粒粒, 就等下先, 得閒又埋鏡望下, 一見到白色粒粒, 就攞棉花棒
開頭我都唔係好識, 攪到又作嘔, 又撩極都撩唔到出黎, 好辛苦, 慢慢就熟習左, 而家一兩分鐘之內就攪掂
重點係: 唔係"撩", 係"按", 唔係揾棉花棒"撩"粒野出黎, 而係要"按"粒野嘅四周圍(上/下/左/右)其中一面, 按啱位的話, 會見到粒野大粒左咁, 咁就啱位喇, 繼續喺附近"按"下, 粒野就會出左黎, 即刻舒服哂~(有d似"擠"暗瘡嘅感覺, 都唔係"擠"落粒瘡度, 而係"擠"粒瘡附近嘅皮膚)
我發現食餅乾/nuts, 同埋熱氣/唔夠瞓會易d有扁桃腺結石
補充: 唔一定用棉花棒, 喺youtube見到有人用耳挖/黑頭針/雪條棍/手指, 小心唔好太大力
4個讚
係。我都係食呢啲必有。
但我仲有個問題右邊胸口（乳房下）入面會刀割咁痛呼吸好辛苦。
我都係按，粒嘢係有變大咗，但因為反胃得太緊要就停咗，仲要俾老公鬧，話我大住個肚仲咁樣整自己
今晚襯佢收夜，可以靜靜雞再試多次
其實我覺得同奶製品有關，我以前好少會飲奶從來未生過呢d，但自從有bb之後就開始飲奶就有了
大肚就小心就住
樓上都有人話係因為奶