生完bb啲鞋唔啱着,就放左上旋拍賣,好過放鞋櫃封塵。二手鞋唔值錢,1對Valentino鞋只係賣幾百蚊,都仲有人講價已經係正常事,今日竟然仲收到個咁嘅訊息,真係頭都暈埋
好奇想知你點答
我都試過放賣某啲全新電子嘢
俾人問點用… 仲有無其他色 etc
Errrr 全新我都無用過 我send個產品說明俾佢就打發佢
通常呢啲都係得個問字 有意思買就自己搵左產品資料啦
掉左佢算
人不要面真係天下無敵
我心入面有一萬句想鬧爆佢
冇錢買鞋仲咁醒識得揀對名牌鞋叫人free比你。
點睇我都唔似開善堂囉,擺得嘢上嚟旋拍賣,梗係想收返錢啦,要free嘢都唔擺旋拍啦。
咁好英文即係讀過書啦,好好哋打份工幾百蚊點都比得起掛。
不過最後我咩都冇回,淨係block左佢,反正呢啲人真係唔係好正常,無謂講咁多。
咁都的。。。
我試過代朋友放氣炸鍋
有人dm我問11:45AM屯門即日交收,但當時已經10:30AM,仲問點解唔得,可即時過數,但放幾百蚊既野,仲要講價要平200 又要平200,又要專登入屯門,除非我朋友好等嗰幾百蚊開飯
呢啲人真係憑乜嘢叫個三五識七既人free俾佢
佢個腦坐住左
啲人好似返大陸買嘢咁,一黎就叫半價,啲呢人我係即刻block唔會同佢還價。
試過賣對鞋2千蚊,sf到付,講明唔議價。有個人問可唔可以平啲,我已經話唔得,跟住仲要問包sf得唔得,我話講明唔議價,而家唔賣比你,你比幾多錢都唔賣,跟進block左佢。
點知條友好冇骨氣,即刻開個新acc黎話要買對鞋
我試過放盒限量版lego, 已經冇得換。佢問完就話要平,我都好有禮貌拒絕。第2日佢要求1個鐘後喺九龍面交 (我住大西北)
即刻鬧爆佢再block佢!! 冇心買就過主啦,又唔係貴仲要已經停產。做男人做到佢咁,真係羞家
我一早講明新界某啲區可以面交,其他一律順豐到付
呢啲人心態似我老公,問吓啫?駛死啊?問到就拎到著數,問唔到都冇損失⋯⋯我個人認為買得起就買,唔會抓破塊面要人平比你
咁最後有無賣到俾佢
我估佢係用新acc再黎話要買,實際上我都冇辦法證明係佢,咁我咪再講一次冇得平同埋sf到付,佢話ok咁咪賣左比佢囉。
啲人買少少野就以為自己大爺咁,覺得比錢你賺你仲唔仆出嚟交收,以為人哋真係等佢少少錢開飯咁。
我賣嘢只係想清下屋企啲嘢,唔想拎去堆田咁嘥,唔係真係等錢洗。所以遇到呢啲人我直接話唔交收即block,唔好嘥大家時間。
樓主做得好!
D人係幾趣緻, 想FREE我不如送比朋友或拎去捐啦!
要求FREE係傻傻地, 一嚟就開天殺價, 問幾成新果D (我真係唔識衡量如果一本書睇左一次係幾成新) 我都唔覆, 無謂浪費時間
我覺得d人可能轉頭又賣返出去
真係,我放部全新初生 BB 車,有盒有單有保養,原價近 4千,我半價放都已經肉痛。
X 有人叫我 500 蚊讓比佢仲要幫佢 call 車。傻的嗎?! 我禁入去睇佢 profile,佢賣嬰幼兒用品⋯⋯
我本來諗住環保又可以套現返少少。日日比人問價簡直係攞刀插緊我心。後來 C6 拎去比佢教會朋友,當捐出去幫人算了。
有d人真係好衰
呢d野都有得當生意咁做…
勁多南亞裔囉,一見free即下標。
我放過一次咁大把,d人講價好似老奉咁
谷_氣放fb賣好過,fb嘅人反而正常d