只有一件事，我賣一件二手嘢，只係廿蚊，放了一年都無人買。有日有個人，問都唔問就出價，仲問我話明日喺某鐵路站某時間交好嗎，我取消佢出價，佢問我做乜取消，我話件嘢唔見咗，咁佢就話算啦。（其實我係覺得時間同地點不合，加上我覺得怪怪哋，唔想去面交）
之後無幾耐就有另一個用戶發訊息，發粗口鬧我。
我以前賣過啲二手童裝，全部查詢嘅一係講價，一係當我貼身服務員咁問應該買咩碼。我已經寫明啲size係140、合6-8歲咁㗎啦。我仲寫明不回覆任何查詢，否則立刻封鎖。呢啲問題，我見一個鎖一個。
1個讚
問size已經係家常便飯，試過有個人要我幫佢試鞋，佢話要對鞋著上腳嘅相，仲要係試兩對鞋。咁我就將我買鞋嘅時候影嘅相send比佢，佢話唔夠，要近影相，仲要影側面同埋影鞋面。
見佢好似想要曬兩對，咁就影比佢啦，前後send左成10張相比佢。之後佢話考慮下，冇埋影
其實點解唔自己落去shop試，我賣果兩對都係大路牌子大路款，去shop咪自己試飽影飽佢囉
我諗起變態野，戀腳狂 
1個讚
應該呢個人有古怪，人人對腳唔同，著上去唔等於自己都一樣
完全冇諗過添
我試過放野上去賣
有個人INBOX我話好有興趣啦…
咁我問返佢係唔係要?
佢話係…之後佢叫我入去佢0個度有冇野岩
我問佢點解啦…佢話想同我以物易物
O 左咀呀
我都試過, 鞋我寫明31碼佢問我合幾歲? 大佬人人成長曲線唔同, 31碼我6歲OK可能你小朋友唔OK呢, 寫明碼都要問我真係啞晒! 仲要我POST 380蚊佢回100蚊, 都廢事覆
呢個成日遇到，我唔反對環保，但放得上carousell 就係想賣，唔係想換野呀
我成日係旋轉交易，我覺得一定有d唔正常人開價，但最終可以滿意交易
我自己最so買過3折全新 miele嵌入式大蒸爐，$3k miele 4 頭電磁爐，$2k買到miele bbq 爐，同$2k 全新tgc超薄熱水爐，慳左一大筆
FREE?? 傻左?
我試過賣野，寫明$195，有人講價就預左，但我都禮貌答覆話不議價。有條友還價$180，我一早都話左不議價。咁佢再約我交收，到交收前，佢問我有冇$20找，咁我就心諗，唔通佢比$215，咁我都照問係唔係比$215，對方問：唔係$180咩？我cap番圖比佢睇，佢再話：$190啦，我特地坐車去xx站！我話：sorry ，$195
咁佢最後有冇買到?
我都試過向個賣家問交收，佢第一句就答我要離島交收如果唔係就郵寄，我覺得唔妥架，但我為表誠意都同佢約我放假個日，諗住最多咪長洲，咪當入去行下囉， 佢答返我係坪洲，我答都ok 啦！唔差得遠。
我問佢下午得唔得，佢就話要等佢11點收工，我話我專登入到坪洲，你可以返工前交收左先嗎？
等夜晚11點我真係唔得，我怕冇船走，佢話唔得，要11點碼頭等。
我問佢係咪島上人，我有朋友住附近，跟住就冇左影。
明顯係未成功的騙案！
1個讚
我賣野時會堅持用本地速遞，唔肯用順豐。好彩暫時大家都諒解，未被人投訴過
1個讚
成件事係好奇怪
但又唔太明白會騙到你啲咩… 夜媽媽約你去偏僻地方直頭騙你個人?!
Anyway 都好彩無繼續
最後都有買到
講起講價，有個人睇岩我既物品，話因為佢由觀塘搭地鐵去旺角要車錢，問我可唔可以平啲
唔太記得係唔係係度講過，有JM就話，出尖沙咀買野都要坐車，咁會唔會同間鋪頭講因為要坐車出黎買，叫人賣平啲
2個讚
我試過收到pm問有冇著過嘅底褲賣!!!
真係好痴線
我好怕寄嘢俾人個回郵地址會俾人利用。
同埋都好憎人講價 態度唔好我寧願唔賣
So far 我遇到D人都幾爽快，可能我只求散貨價錢好平，試過放好新嘅LV speedy $1500，吾夠兩個鐘已經交收完畢，個買家由元朗立即搭車黎中環我屋企附近，佢仲吾使驗貨，而果兩個鐘有10幾個人不停加錢叫我賣比佢地，事後睇返原來我放平人地一半，有D蠢左