仔仔8個月，touchwood 暫時都未病過嘅，但我不時都會諗 如果有一日佢無啦啦發燒，我第一件事應該做d咩？觀察吓先？貼退熱貼？沖個暖水涼？比之前健康院d退燒藥佢？燒幾耐先要帶佢睇醫生？去普通私家診所定直接去醫院？唔知有冇爸媽有經驗分享吓呢…唔想到時太緊張做錯決定
1個讚
睇定先，持續燒但又無病徵，可以食 健康院打針個時提供既退燒藥，有退當然唔洗睇私家。
如果發燒有病徵（例如咳，鼻水，好攰無食慾，嘔…）就要睇私家醫生。
去醫院 突發燒仲要高燒 又無精神 同埋有抽筋，再加上係夜晚所有診所都閂晒門先考慮。
不過BB第一次發燒對新手爸媽都好會緊張
我小朋友第一次燒係5個月夜晚瞓瞓下突然無啦啦喊40度燒，個時咩都唔識又問唔到人，所以直接去左醫院，係醫院過左一晚夜無事就出左院。
3個讚
如果發燒，唔好着咁多衫，記得冇「焗汗」呢樣野！
退熱貼個啲係方便，不過效果普通！買定啲小童冰袋同佢敷。
飲水！！！迫佢飲多啲水！bb蘋果汁啊都得！一定要飲水！
沖溫水涼！唔好凍，唔好熱！幫佢沖下降溫！
最後緊係居家必備退燒藥！不過bb細，份量要準確！可以問下藥房藥劑師，一般都係paracetamol，有塞pat pat或者藥水！
高燒 39度左右就去睇醫生最好！
5個讚
好啱，飲多啲水係重要，因為高燒係將體內溫度提高而殺死細菌，係身體自然反映。但身體內熱都要用水份降溫，依個亦係身體需要，我隔2小時量體溫都要比啲水佢飲。BB開稀啲奶都可以。
另外溫水沖涼、退熱貼只係外用，都有幫助，或者可以keep 住用溫水抹身，令身體降溫。可以主敷頸動脈、胳肋底下亦有條主動脈，令降溫咗溫嘅血流去其他器官。仲有腳我會敷小腿。
做好準備，自然識應付。
2個讚
好詳細
無錯呀 bb第一次發燒 新手爸媽一定好緊張…所以我想思想上準備吓先
你當時bb 40度咁高 實嚇餐飽
有老公係身邊無咁荒既…
不過 講真 回想當晚 其實真係可以唔洗去醫院。
第一件事係量體溫，之後每1-2hrs都要記錄體溫，之後貼退熱貼係後頸同額頭，如果係打針之後發燒可以觀察同飲健康院嘅退燒藥水。如果唔係最好睇醫生，可能其他原因發燒。BB未夠一歲冇原因發燒我會去醫院先，如果觀察到有咳有鼻水可以去私家診所。我BB第一次高燒唔退時得5個月大，去醫院睇check到尿道炎，住咗4晚，如果去診所可能冇咁早發現，醫院多數check多D嘢同確定冇事先放人走。
4個讚
觀察下BB：燒到幾多度？係咪精神？願意玩嗎？有冇胃口？肯唔肯飲水？
如果一切正常，又唔高燒，我會用暖水同佢抹面手腳仔，等佢身體慢慢打仗。
如果過39或冇精神冇胃口，我會帶佢睇醫生。
不過，而家咁既疫情，就會早d帶佢睇醫生。
1個讚
好認同呀! 我自己都係讀science 我都唔會信焗汗呢d…散熱好緊要
1個讚
不過半夜三更又咁高燒又第一次，當下決定去醫院 都可以理解丫…
1個讚
咁又真係好彩去咗醫院喎
高燒唔退 係食咗退燒藥都唔退架？
通常發燒，係因為身體某d地方發炎，齋食退燒藥只係壓住體溫未必消到炎，結果反反復復發燒
1個讚
食完藥退一陣，3-4個鐘之後又燒，又冇鼻水冇咳，因為咁啱個朝8號風球，夜晚一落3號就去咗急症室。
1個讚
又啱喎…咁其實去睇私家醫生都好似冇乜用咁喎？去醫院個各方面嘅檢查先可以知道邊度發炎…
好多可能性，如果燒唔高好活潑就未必會理佢住， 打電話去排定街症先， 如果真係覺得好唔妥咁就梗係即刻衝落去睇私家, 半夜三更去睇急症, 再急打去999
其實街症易唔易排？
我成日聽人講排唔到
你係要打電話去附近嘅街症約, 如果你唔係要即時睇你都可以約到嘅， 不過有啲人就覺得成日都打唔到，但我又唔覺喎
如果係低燒 BB又有精神
通常都係去最近嘅診所
如果有少少嚴重或者燒左兩三日
就去私家醫院
如果真係好嚴重就政府急症
可能我個區多老人家睇街症啦
之前打去幾次約都話無位
好彩附近嘅私家都唔太貴
你要勤力啲打㗎同埋佢有幾區簡㗎嘛
1個讚