我太懶啦
而且再遠要過海
比多兩百去私家當比錢買時間
要慳錢就要用時間去買， 我通常打十次電話內就约到囉
而且唔使等好耐，如果約到時間分分鐘仲快過睇私家
1個讚
我都冇諗過排街症添…感覺上係要排好耐嘅嘢
原來都可以考慮
生B前後係要洗好多錢， 應慳則慳應使則使
有好嘢記得話我聽 
咁又係…不過我有幫bb買咗醫療保險嘅，咁係咪可以一嚟就送佢去私家醫院好d?
全claim?
私家要住院一晚先claim到，仲要唔一定全claim足，你問清楚保險先。
要問吓老公先
我都唔記得係點…
多謝提醒
未必份份保險都包門診
如果包嘅都要睇下交通方唔方便先
如果要搭車唔方便嘅帶BB去會好煩
不如去最近嘅診所丶門診算
因為第一次睇都係睇吓情況緊唔緊急
大部分時間都係比退燒藥同叫你觀察下
去邊睇其實冇大分別
養兒育女要洗好多錢
啱啱問過我嗰份就係淨係包住院 仲要過1萬先有得claim…唔知去得私家住院係咪1萬蚊係好容易嘅事？
其實我就係想像去睇醫生都係比吓退燒藥就算 咁同我喺屋企比藥佢食有咩分別…
哈哈 咁呢樣一定架喇…香港地…
咁你打去問定先， 同埋最多claim幾多錢，一年內claim幾多次
住私家要睇你份保險係住大房定半私家，唔同房唔同價錢，仲要睇住幾多晚，有D乜嘢要驗之類，未必過1萬。
睇醫生其實最緊要係睇吓喉嚨、鼻同耳仔有冇發炎，另外仲可以安排驗尿驗血搵出病因，呢D唔係我哋普通人可以睇得出，因為小朋友發燒真係有好多原因，食退燒藥只係舒緩治療嘅方法，如果搵唔到小朋友發燒嘅原因先最擔心。如果半夜發燒就係屋企食住退燒藥先，第二日都一定要睇醫生。
去睇第一次醫生最重要係排除左啲嚴重嘅病先
因為醫生有經驗
知道點樣嘅病徵叫做嚴重同急
要去驗野或者入院
呢啲我哋做家長嘅係做唔到嘅
如果唔去睇醫生先可能會遲咗診斷
可以會令小朋友病情嚴重左同辛苦耐啲
低燒唔過39度，冇咳冇流鼻水冇其他病徵就唔洗去醫院啦。食退燒藥，多餵水，貼退熱貼，勤用暖水抹身，可以先喺屋企觀察1~2日。
如果有其他病徵，或2~3日都未退燒，就去普通私家診所睇下，醫生會檢查耳仔、喉嚨、聽呼吸睇下有冇其他問題。醫生通常都會開定啲咳藥、收鼻水藥俾BB看門口，有需要仲會開埋消炎藥。
如果高燒39度以上就要去醫院，你去私院門診一定唔會放你走，BB高燒好危險，一定會叫你留院check下咩事。
入得私院埋單通常都過一萬，我BB 9個月大發高燒住左2晚港安3人房都兩萬幾差唔多三萬。我份保險claim到九成。
第一次發燒時，相信個個媽咪都好驚 
平時bb 好少喊，有一次訓前都玩得好地地，半夜訓訓吓爆喊，收唔到聲喊到咳又有鼻水，老公發現好驚唔知佢咩事即刻帶咗睇急症，bb 發燒38點幾度，去到都係等拎返退燒藥就返屋企 
bb 返屋企果程車仲訓返覺 好彩當晚急症唔多人