我同你情況好似丫，陀得好順利完全冇嘔0水腫仲可以跳跳扎扎，仲因為疫情所以一早辭職係屋企數腳趾勁free！
但生完之後就突然好忙，好多嘢要take care，好多嘢要習慣，一湧而來嘅問題⋯⋯於是我係咁發惡夢，連小睡片刻都比BB入侵個夢！
通常都係夢到BB健康有問題、夢到比人搶左個B、夢到BB離開自己⋯⋯總之係次次都嚇醒/喊醒！
但正正係呢啲惡夢，令我每次都好慶幸只係夢！
樓主衣加其實係咪只係生左2個星期？唔好咁緊張啦！（抱抱）我當時都好清楚呢啲情緒係會過去，過左就成為回憶，所以我情緒低落嗰排只係望住個鐘，等日子一日一日咁快啲過！就會好番～ 
你個陪月太進取。我以前果位陪月，頭一兩日教我餵人奶，第三日已經叫我同專登嚟幫手嘅奶奶冇咩事就去瞓覺，等佢煮好晒飯先叫醒我哋食。
我都好怕俾人管得咁嚴，所以一早放棄左請陪月，亦冇訂月子餐
額外請個有經驗既工人姐姐，自己鍾意訓就訓，想幾點起身就起身食飯就算
其實睇多左好多資料，坐月都係清清淡淡就得，唔一定要跟食咩餐咩餐
我奶奶都做過上門月子餐，其實佢都係咁講，最緊要媽媽開心呀！
係清淡範圍下，其實選擇好多的，唔好搞到自己唔開心呀！真係口太寡，間唔中破戒，總好過自己抑鬱呢！一餐半餐，影響冇想像中咁大
最緊要自己開心，先湊到bb呀！
所以我星期日就好似大解放咁
兩公婆其實都只係煮返啲正常食物，唔係片到一絲脂肪都無嘅瘦肉、燉呢樣燉嗰樣、無限「有益」藥材食療⋯⋯
已經好似天堂一樣
喺我勁無胃口食陪月啲飯餸嘅時候，有晚老公放工買咗個格仔餅俾我食，食晒 
要搵多點媽媽傾
謝謝各位jm嘅關心，我已見左健康院精神護士，轉介精神科醫生，但因為要等到11月尾，所以自己搵左私家精神科醫生，今早都見完，話我係產後抑鬱，都嚴重level，要食藥控制
不過見完個心舒服啲，至少有藥食可以醫，我都喊到攰，日日喊唔係辦法
我完全無諗過自己會咁，會去到產後抑鬱。。。亦對政府公立醫院服務要等咁耐感到失望，好彩自己仲可以afford 到去私家睇，醫生都話拖唔到幾個禮拜咁耐。。。。
食左藥多啲休息下啦
早日搵專業嘅協助係goodest！！得閒多啲上嚟傾偈 
我都係剛剛生完一陣，一開始係唔習慣照顧BB，加上坐月時同屋企人有啲衝突都有情緒唔好，會突然間喊。同做媽媽既朋友傾吓，有人明白你，或者有人可以睇住bb既同老公出街拍拖會心情好好多。
先睇私家，繼續排政府，政府有期就唔使再睇私家。食藥都有幫助，血清素果d可以穩定情緒
Take care
新手媽媽同路人
有咩困難可以上黎一齊傾一齊面對！
加油啊媽媽，初生BB係難湊啲，但係睇住佢一日一日咁成長，你會好開心嘅，希望你早日接受同埋習慣呢個身份，好多人想做媽媽都唔容易㗎，湊BB嘅工作可以交俾屋企人幫手，多啲休息唔好亂諗嘢