我星期日出院，返到屋企已經偷偷地忍唔住喊，前日琴日直情忍唔住喺老公面前喊，講唔出點解會想喊，但好似好多野逼埋嚟 
仔仔算好易湊，但我真係未習慣到呢個新身份，有一刻直情諗早知唔生/想唔做人，我係咪已經有產後抑鬱
5個讚
我仲陀緊，但成日都會好擔心，影響心情。您試下同老公傾下
Jm你留意到自己變化仲主動尋求解決方案好叻架啦，生產完荷爾蒙係會令到人情緒起伏，放鬆d，多d同家人朋友分享你嘅感受，有需要可以搵姑娘同專業人士幫手，加油呀新手媽媽！
1個讚
生完之後一般都會帶一段時間係咁既… 又未必一下子去到產後抑鬱，但係會好down咁
都係荷爾蒙作怪
有咩唔開心同老公傾下
另外自己都要休息多啲… 我個陣過左一排就無事喇
咁當然 如果你覺得惡化左既 就要搵人幫手喇！加油！
抑鬱症的症狀, 要睇醫生
荷爾蒙影響呢﹐
要搵屋企人幫呀﹐
否則好易諗埋一邊。
1個讚
荷爾蒙作怪，jm 辛苦你了！搵 d 做咗媽媽的朋友傾下計，發洩下。去健康院時同姑娘講，佢可以轉介服務的。平時分下功夫比 c6 做，唔好自己攬晒上身的。
pump 完奶出來又要餵，餵完又掃勁耐風，又要 tum bb 瞓教。再望到 d 污漕衫、奶樽、大人的碗碟堆晒係廚房，真係攰到想攞起把菜刀搞掂自己。
最後朋友介紹佢個鐘點姐姐來幫手，間屋乾淨整齊 d ，換時間比自己休息，再望多幾望自己咁辛苦迫出來的 bb ，會過去的！
2個讚
陰公豬，錫返
下次見到醫生同醫生講，或者去健康院果陣講。好多媽咪都會咁，肯處理就得
2個讚
樓主要放輕鬆, 多D比家人幫手湊B, 朋友如果唔想見都叫大家唔好上嚟住, 自己多爭取休息!
傻豬啦，邊有咁易產後抑鬱，好多時只係產後情緒波動ja 
我自問樂觀開朗，生完頭一個星期都無啦啦喊，或者唔知點解流眼淚。湊完bb就瞓下食下，過多個零星期啦，無事架喇。
2個讚
搵啲人陪你，睇下電視或者戲轉移下視線咁
我生BB 前成日好想搵人咬，燥底。
生了BB 後成日都怕人地會指點我點樣湊BB，個B又唔係好食奶，餵人奶又失敗搞到缺水入ICU…俾自己好大壓力，喊過好多次，因為醫生話BB唔知會唔會有驗唔到的內傷（因為缺水），影響成長… 老公係好擔心BB，都不忘攬住我安慰我主動要家人分擔任務等我唔駛咁focus BB身上。
生第二個時盡量放鬆自己，做個開心媽咪。
開唔開心，你係有得選，生仔唔係一個人嘅事，要同家人分享吓你感受，事情就會易辦得多。
Same，我果陣生完都喊左一次，阿B要照燈同唔到我一齊出院，同我媽講電話時因為佢講左一句「咁細個b日日抽血乜都俾佢抽乾哂」我就喊左成日…
結果第二日bb就出得院跟住我就無嘢了。之後諗番都係荷爾蒙作怪…
抱抱你
生完bb受荷爾蒙影響，面對身份的轉變，媽媽的情緒好易受到波動，想喊係正常架（但唔好喊太多，真係會眼矇架，我生大女時試過
）
有無陪月/長老幫到你手？
1個讚
正常, 湊仔好累
知唔知諗起咩會唔開心？如情況密，到健康院覆診時，可同姑娘講，加油
都係荷爾蒙作怪, 好多人都係咁, 唔好太擔心, 試下打去健康院搵姑娘傾下! 我果時成日覺得其他人 (包括自己老公) 會傷害到個仔。。。 又係好易喊，但過左一排就會好! 支持你呀！
我好驚其他人包括我老公唔識湊，會整到bb，又好驚其他人餵奶唔識掃風搞到bb會嘔奶，更嚴重都想像過又好驚返工後，得返工人湊，我自己又錯過哂佢成長嘅畫面，我好擔心，乜都諗到好負面，然後對住老公乜都講唔出，只係係咁流眼淚
好驚我自己係咪以後都係咁，我一有時間唔係瞓覺休息，係搵時間喊同發洩，有時抱住個b都會流眼淚，好辛苦呀，我有諗過好無book間酒店，自己住返一星期，想遠離哂所有野出院前無呢啲感覺，因為個b喺育嬰室，仲好想快啲出院，點知出左院就會咁，個傷口又未好返我真心覺得我唔應該生bb
唔好咁快下定論覺得唔好生小朋友
你依家只係最辛苦嘅果段時間啫
之後佢識對你笑 同你一齊玩你就會覺得好開心㗎啦
同埋小朋友會感受到你嘅情緒㗎 尤其係你餵人奶嘅話
咁當然我唔係逼你自己一定要開心 而係搵吓身邊嘅人幫手 分分鐘佢哋照顧熟手過我哋做阿媽嘅
做媽媽學識放手都係一門學問嚟㗎