我果時都唔識掃風架，頭一個月成日嘔奶，慢慢就熟架啦
另外俾架相機工人用，請佢得閒可以拍下片影下相俾你睇
你若真好擔心，可以教下你老公點照顧，落手湊俾你睇下，咁咪可以安心啲？
你可能有少許產後抑鬱，所以好多野諗得咁負面，下次去健康院記住同姑娘講，睇吓可以點幫你，或者可以同老公傾訴下，兩個人一齊諗辦法好過自己諗完又喊，個個新手媽媽都係忙亂中同BB一齊成長。
1個讚
加油 我頭一個禮拜都係咁 自己一個就會想喊 都喊左幾次 之後2 3個禮拜就會好好多！真係頂硬上！
你唔會以後都係咁，依家只係荷爾蒙作怪，個個媽媽都經歷過，好快冇事，唔好營住自己抑鬱，事實上大部分抑鬱嘅人，響診斷前都唔知自己抑鬱架
過多幾日上嚟你心情可能已經好返晒
媽媽加油
我都係新手媽媽，頭幾星期真係好辛苦，過左就會好
你有無請陪月？有既同佢傾下有無嘢幫到手，唔重要既家務就唔好理住，傷口復原得好你又適應左有呀b既生活就會漸漸好
1個讚
JM加油呀，無事架，荷爾蒙影響呀，我是過來人，我個時日日都喊，懷疑自己做錯決定，而家BB 4個月大啦，好得意好開心架，所以會過去的。一定會過去的。一定會過去的。加油加油
搵人傾下計會好好多架
無野嫁，將BB比屋企人湊，自己大覺瞓，精神咗就會開心返晒㗎啦
1個讚
加油呀!
多謝各位嘅關心，但我都係唔得，幾日前帶bb去健康院睇黃，我忍唔住同醫生講左，佢轉介我精神科護士，要幾日後先有得睇。呢幾日都仲有喊，我覺得而家好似行屍走肉咁，每日起身餵奶泵奶食月子餐，食嘅唔係自己中意食，好辛苦又要逼自己食。
有諗過放棄人奶，但泵左兩個幾星期又唔想放棄，我有打去醫管局嘅精神健康專線求助，但都係要等健康院轉介精神科。。。
呢幾日都好想自己人生重新尼過，同有早知唔生嘅感覺，我真係好驚呢啲情緒控制住自己，好似有個籠罩住自己，走唔出，我frd話我識得求助已經好好，我係咪真係要去睇精神科食藥先搞得掂？有無jm有過來人經驗可以教我
3個讚
未必一定要食藥嘅，可能有心理學家/社工幫您做輔導，會好啲呢
我生完頭3個星期因為餵人奶唔順利，BB唔肯埋身又狂喊，傷口又痛身體又好攰，推乳上奶又係另一種劇痛，成日要坐定定泵奶 泵成粒鐘先得十幾廿ml，仲要隔個鐘就泵，日日狂食陪月煮比我嘅嘢同飲湯忙到乜咁，明明佢番24小時我都冇覺好訓仲好大壓力！請個人番黎竟然唔係比我休息⋯⋯
最後因為bb嘅小事同老公發脾氣吵架就嬲到喊！嗰排心情真係好差好down，我都知係荷爾蒙影響控制唔到，仲會好唔鐘意個BB，唔想見到佢，唔想聽到佢喊聲，仲真係會有輕生念頭。
不過捱到滿月就習慣左呢個轉變，衣加就算好攰都未至於想自殺咁嚴重，同埋開始覺得唔喊嘅BB都幾可愛，尤其佢肯乖乖啜人奶嘅時候⋯⋯不過佢夜奶食完唔肯訓、喊到死唔肯埋身推開我、或者大量嘔奶搞到我要換哂成床嘢嘅時候真係會覺得勁唔想湊佢！我知唔係BB嘅錯，不過NB真係好難湊⋯⋯希望佢大啲會好啲。
我衣加都係行屍走肉，不過識得偷時間訓，同埋唔洗限完比人迫我食嘢同泵奶真係輕鬆好多，餓就食唔餓就飲水、谷就泵，反而仲多奶過坐月！
2個讚
如果可以，試下出外面住一兩日遠離BB，我當時係坐月攰到病左就去左第二度訓一晚之後，心情唔同哂！個人都不藥而癒，之後就醒覺要極力爭取時間休息，陪月要我做嘅嘢自己唔想做就say no！自行按舒適度調節。
坐月最重要係休息，休息唔好食乜補品都冇用啦！
我都係呀
仲要陪月係咁煲補品俾我食，食到我覺得自己咀都歪埋
想食嗰啲全部唔食得
日間淨係餵奶同瞓
夜晚就同個B搏鬥，佢點都唔瞓
第二朝又攰到嘔，又唔想食，陪月繼續塞我食⋯⋯
1個讚
我之前陀得好順利，無嘔過好好胃口，加上陀果時疫症關係，好多時都work from home ,勁free 勁多時間做自己嘢，到而家生左之後，真係唔慣同頂唔順，感覺情緒日日都咁，我自己都喊到攰，呢幾日好似仲衰左，好驚自己一直係咁
加上而家呢個時勢，生個仔出嚟好似累左佢咁
D人成日話鬼婆生完第二日就喺花園散步，所以，其實你可以食返自己鍾意嘅嘢，唔一定食月子餐
你已餵黃金初乳，你餵奶粉會輕鬆好多
1個讚
我啱啱生完情緒起伏都大，但因為我小朋友出世就發現有先天性心漏，佢情況唔嚴重可以出院，但要keep住去醫院檢查，因為冇人知個心漏會唔會變大。當時我冇嘢可以做到，好怕失去自己嘅BB，只識每日都好努力泵奶，一日泵8次，同努力餵奶掃風同換片。湊初生真係好攰又無覺好瞓，我冇請陪月，本身我媽會幫手，點知突然有白事唔可以幫我，我只係靠自己同老公幫下手先捱過坐月。其實BB身體健康就已經好好，其他嘅嘢唔好諗太多，可以放低俾人湊就放低，最重要你自己嘅心情，希望你唔好諗埋一邊，你要有健康嘅心同身先可以好好照顧BB。加油
我第一次懷孕就宮外孕，好羡慕人地可以咁容易生到bb。
有冇人可以幫你照顧住bb呀？俾時間自己休息下 睇下劇 瞓下覺 做你鐘意既事 放鬆下
試下放棄食月子餐，最緊要係自己開心呀！
食餐開心既，人都會開心返！
1個讚
我有時覺得佢地會以為收得我哋錢就一定要做足哂啲程序，一日煮N樣嘢出黎，又令我日頭工作密麻麻，淨係埋身加泵奶同食飯飲湯，日頭已經冇可能番到張床到⋯⋯但夜晚我又要博鬥，即係可以幾時訓教呢？結果我第二個星期又頭痛又出冷汗，陪月先話係我休息唔夠，心諗⋯⋯我請陪月係想休息，唔係令自己坐月行程咁豐富囉
所以我下次都唔會再請陪月，直接搵阿媽睇住個B自己訓死就算，食乜食乜？等我訓飽先講！
1個讚