我今年3月尾第一次懷孕，去到7週左右醫生話個胎無生長，一路只照到卵黃囊，最後大約11週自然流出。
第一次流產後有睇中醫調理身體，3個月後醫師話可以再試。同時我都有去私家醫生度做一d 檢查，抽血檢左荷爾蒙，老公都檢左丁丁。d result 都無乜大問題。
跟住8月尾又中咗，7週去照超聲波都仲見到卵黃囊，但8週再照就發覺個胎咩都無喇。醫生話可能卵黃囊都萎縮左，要做藥流/手術。
經過兩次流產，其實真係好想做多d 檢查去搵吓有咩原因。有無人有類似經驗可以分享吓？或者知道係邊度做檢查好？
我都想知～…
我有一次，不過我有陰影～ 覺得有第二次～…
7週時有無胎芽？正常size? 有心跳？
7週時淨係見到卵黃囊，無胎芽無心跳
我覺得不如休息一排先？
放鬆返自己
多d 休息
咁短時間內流產2次
身體都要時間recover
多謝你，我都打算休息耐d 先，始終身心都好傷。
只係想知有d 咩可以做，等下次可以好好預備。
聽人講，有時真係無得解釋。
你放鬆啲心情吧。
係呀
有時有d 嘢冇得解
調理好身體之後話唔定樓主下次就會成功 
樓主，我同你情況一樣。
今年3月中發現懷孕，4月頭作小產時未見到心跳但見到九細小胚胎，本身安心完唔夠7個鐘就自然流走左。
一樣有睇中醫食藥，廣華醫生話第一次黎M後可以試，所以就都係順其自然，結果5月尾黎返M。
到6月尾又發現有左，但結果一直都只係得胎囊，證實左係空心胎，8月頭藥流左。而自己就變左慣性流產。
我都想驗免疫之類，好想搵到原因知咩事，2次傷心又傷身，真係好怕有下次同真係想生到個健康小朋友。
你同我懷孕既時間真係好接近呀！
真係好明白，經歷左兩次真係好傷心，你有無打算搵醫生驗？同埋你呢兩次有無驗個胎？
如果你唔介意可以pm 傾，交換吓資訊都好呀！
一齊努力！
Pm 左
如果易流！係頭三個月就要好好安胎！
由其是係如果你年紀大！最好什麼運動都盡量不要做！不要有壓力！
琴日做完藥流，排左d 組織出黎，但今朝照超聲波見仲未排清，醫生話再開藥比我食，又叫我唔好食中藥。宜家好擔心要刮宮……有無人試過？有咩方法可幫助排出？
我朋友個案,唔知幫唔幫到你
朋友都流咗兩次,後來同先生發現原來兩公婆先天都欠缺有效分解葉酸嘅酵素,於是佢地就一齊食啲可以俾人體直接吸收葉酸(美國貨),依家陀得好好,就嚟生
你介唔介意pm我話知佢地食邊隻葉酸？
樓主，我都係。。。想試多次，但真係唔想再經歷流產。
佢地食呢隻,係訂返嚟嘅,不過你都可以自己搵吓市面有冇其他易吸收嘅葉酸product.記得兩公婆都要食呀 
https://www.groupon.com/deals/gg-mp-mama-bird-prenatal-multivitamin
雖然每個人流產成因都唔同,但一試無妨
2個讚
你朋友係點樣check 到呢個問題？係咪睇醫生做檢查？佢同老公都係食呢隻？
你係咪都試過兩次？ 有無搵醫生去find out 多d 原因？
我無呀
但有一個小朋友，所以流產前係有順利懷孕過
到試第二個就流兩次
第一次自然排，第二次藥流，本來睇開個醫生叫我即去台灣攞個胎出黎驗，話有可能驗到，但我無
之後就睇中醫
咁點解醫生唔幫你係香港驗既？應該可以check 吓係咪染色體問題？
不過其實香港好多醫生都認為流產係機率既問題，覺得再試就ok, 除非真係連續流好多次……
你要好好調理好身子先啊