係因為佢先生做化驗,所以先自己搵原因…但佢地都係估架咋,始終可能有好多原因,但知咗呢一樣就改善咗先咁解
佢先生都有食,因為葉酸有助提升精子質量
佢話台灣個度好d,再加上平d
我諗佢refer好多客去台灣做
anyway,因為又要吸出黎，同突然勁急要飛，又湊住個，所以最後做藥流
咁你無左個兩次有無食葉酸？
我第一胎因為我小心，備孕時兩三個月已經開始食
所以個分別真係有無食葉酸，雖然葉酸係幫BB腦部發展前期，同流產好似無關係…但我下次再試都食係左先…
我今次有食葉酸架，可能我個case 唔係太關呢樣野事掛。
台灣係平d ge, 不過宜家無得飛，同埋我覺得follow up 都唔太方便。或者你會唔會係香港睇多個醫生？
個兩次已經係舊年的事了，我睇左中醫成年了
我想問吓佢地係備孕期間食呢隻supplement? 咁有左仲有無繼續食呀？定有左就轉食其他？
我朋友個case唔係冇食葉酸,而係身體無法吸收葉酸,所以無論佢係平時飲食或者食市面普通嘅葉酸,佢兩公婆都係吸收唔到,因為佢地先天無嗰種可分解葉酸嘅酵素.如果唔係生BB,佢地應該呢一世都唔知有呢個問題.
所以佢地要特登搵一種唔需要經酵素分解都可以吸收嘅葉酸,所以先要喺美國訂返嚟食
佢由備孕食到依家就生,咁始終有葉酸對胎成長都有幫助
聽人講過可以試下驗埋同甲狀腺相關嘅免疫檢測…都同慣性流產有關
希望搵到原因，對症下藥.
會唔會同免疫有關? D人話去台灣做IVF都會check免疫
我都打算驗埋免疫呀，宜家等緊驗胎染色體個報告，如果發現胎染色體正常，就更加一定要check 其他野。
你好，我想問你係邊度驗染色體？
我都有二次小產，兩個胎都係5週左右就無大，12週內自然排岀左 ，亦未check到心跳 ，但兩次中間，夾住啊仔，兩次小產胎無大我都無食葉酸準備，啊仔有食3.4個月先懷孕，啊仔現在5歲，而家個肚都有個 3個月大，都係懷孕前食左半年葉酸準備！
你有無食有前食葉酸，至少食3個月！
不過聽講可以抽血睇到有咩原因吾成功！
我係去政府驗的，政府有遺傳科可幫慣性流產既媽媽驗。另外，私家婦產科醫生有d 都有得驗架。
會唔會係有免疫問題？我之前都小產過兩次，後來係台灣做IVF有幫我抽血驗免疫系統，結果真係有紅字，醫生開藥俾我一路食住，話唔係第時放胎後可能會攻擊個胎而有早期流產
雖然真係唔知香港邊度有得驗，但都希望你可以嘗試搵醫生幫你check吓
我好明白果種痛，真係晚晚以淚洗面…
我岩岩去咗驗免疫，應該過兩個星期會有報告，希望check 完之後今年再試過
Thanks
如果已經2次, 可以去check下染色體, 查下免疫系統
另外可以驗下精子/卵子健康 (因為有啲case係卵子同精子會排斥)
不過個人認為流左後, 唔好急於太快就再造人
因為子宮都需要時間修復, 如果未修復好又再有, 怕唔會陀得咁好