如果初步計劃明年出發，幾時可以返來問你問題1&2？
Hello。首先多謝你既反饋。
回答你問題先，12基本上無得抽，因為係自由意志問題。你可以search下哩個po，我同好多朋友仔，係解讀po度講過“自由意志”哩樣嘢，你可以search下點解我（應該大部分占卜師）基本上唔會問哩d。
跟住“命中注定另一半”既問題，突然好多想法想講，個人意見各有不同，其他朋友持相反意見勿噴。
…………………………
咩叫“命中注定”？命中注定等於一定會愛你一定會成為你伴侶而且稱心既人，繼續推論意思係，無論你係一個點既人，或者做d咩嘢，對方都唔會離開你，即係“無條件既愛”。
咁…第一個弔詭位，“命定既姻緣”係咪即係暗示，就算你拳打腳踢對方，對方都唔會離開你，好似對方bound to be with you咁？所以根本無所謂既“命定”。你可以話有d人比較同你適合，但係個天唔會安排死一個人俾人，就算你完全cool face，完全唔exprese愛唔express關懷就會對你死心塌地，果個唔係你既“命定姻緣”而係個被虐狂。
理論上，咩人最會提供無條件既愛啊？係父母。但係華人社會，有幾多個父母真正提供到“無條件”既愛，你睇藍絲就係最好人版。所以，其實變相，你係追求緊，父母之愛既缺失既彌補。
宜家個弔詭位係，你唔願意俾自己去付出愛既同時，希望人哋會毫無條件咁去付出去愛你…… 付出唔係指你要委屈求全，唔係話你要為對方犧牲，唔係話你要改變自己，而係你敢於開放自己既心，跟隨自己既情緒去express對於一個人既喜悅關懷，哩d來自本能既嘢。
每段關係既開始（父母除外），都係由一點善意開始。好似宜家社運捐錢，捐錢係真心想受惠者過得好，係一份原生，愛既本能，就算對方根本唔知道你既存在，但係因為你對於他人既愛&關懷得以自由舒展，所以你會感到喜悅滿足。所以點解聖經都話：施比受更為有福，我認為唔單止係講錢。同理，點解你會愛得痛苦，因為本質上，你assume咗
- 我既愛要得到對方回報，但係對方無所以你覺得“投資錯誤”，本質都係以愛為交易籌碼，你既痛苦係“求不得”之苦
- 相愛先係愛。但事實係，愛係非常個人既事。你可以感到愛，其實係透過愛既”施行”而得到，而非愛既“回報”。
而你宜家既“情路不順”，主因我覺得係，你用咗男女之愛，去彌補父母之愛既缺失。哩樣我相信其實好多人都會經歷過，有d人會發現，有d人唔會。所以目前社會重視咗parenting，我相信會越來越少人係愛情中迷失。
咁你宜家點做呢，我個人非塔羅睇法係，你要首先感受清楚係咪我講既原理，如果係就嘗試要有意識去克服，唔係本質上治標不治本。
唔好意思，借咗你既事去Express咗好多個人感受。賣個廣告先，塔羅其實問分析更好，詳情睇其他朋友仔既po，你會明白其實所謂命運，都係自己既選擇。
僅供參考。
之前無仔細睇上面既po，因為大家既問題可能會有私人野，我費事好似偷窺左人地秘密咁 
之後會認真睇下
其實我沒有後悔曾經付出過，也從來沒有埋怨過對方不喜歡我（當時不開心只針對自己），因為我很清楚人只能決定自己是否喜歡另一個人，不能控制別人是否喜歡你，千萬不能在這方面對別人有所期望。這條教訓在我經歷過幾次自己單方面的友誼之後就再也不敢忘記了。
我只是埋怨自己，一切事情早已過去，我應該move on了，我也很希望可以放低，不知道為什麼一直做不到，還是喜歡他，所以覺得自己愚蠢又可笑
之前有個研究過心理問題的朋友曾經同我分享過，童年不幸的人長大後大多情路不順，我會儘量提醒自己，但當局者迷，下次自己又錯左都未必會察覺到
我想問得再清楚D，怎樣才會及時發現自己「用咗男女之愛，去彌補父母之愛既缺失」？只要一直想着「不求回報」就可以破局？但以我現在的狀態，已經不求回報了，我懷疑緊自己get錯你意思
不好意思，好似騎劫左個po，問埋D唔關塔羅占卜既問題
1個讚
我個人感覺大家唔會介意既，畢竟係公開po，寫得預咗有人睇，同埋都無明顯private msg。
‘咩’少少啦啦 個重點唔係‘不求回報’，因為你一強調‘不求回報’，意思就係你始終將重點擺係回報度。但係好似提到，你感受到既愛，係來自於你對於他人既愛既施行，唔係來自於他人對你既愛既表現。
你可以考慮成……你對人既愛既表現就等於你好急便便一樣，都係一種本能。你愛一個人就想對方好，就想對佢展現愛，等同於你急便便你都想快d去廁所。
你急便便果陣，梗係淨係想排解咗就算，你最“爽”最“開心”果下係，你排解出黎果個過程同排解咗心中舒暢既感覺，你會唔會去理會，舊便便排解咗出黎，有無人俾錢你買咗去做化肥？唔會
人地俾錢你買去做化肥，真心係bonus你開心下，但係真正令你開心既係你排解既過程同果種舒暢既感覺。所以我話“愛”係好個人既事，就好似去便便都係好個人既事。你唔會因為無人俾錢你收便便做化肥就唔會便便。原理同“愛”一樣。
new age的確會加入好多現代心理學既野，所以其實係互通。哩種係new age概念叫做shadow，原生家庭既shadow或者以前d人唔識就會話係"curse"，但係其實就一種原生家庭傷害做成既心理障礙。
同埋你哩種，我覺得一係概念要refine翻，唔係不求回報，愛當中根本無回報哩樣野，好似去便便咁，只係一種自身渴望抒發既本能。二係，“理智我明白，臣妾做不到”，個人覺得真心無得快搞掂，要靠自己用意志幫自己refine翻，同埋我都係會推介.youtube搵guided meditation，咩都得， 練自己覺知。
個人愚見
1個讚
謝謝你呀
剛剛被炒了，做在十多年，真係係時候踏出我的comfort zone !
Hello，之前幫你抽左一條問工作。你哩度第二條題目黎。我幫其他朋友仔清曬1st question先。多謝理解·
Hello，你哩條題目好多未確定數bor。
- 生/唔生
- 全職or半職
- 移民or not
- 移民前生/移民後生
- 移民後，重新loop Question 1 & Question 2
不過見到你話直覺直接做媽媽，直接幫你分析做全職媽媽情況會點啦，跟住你自己睇係咪你想要既情況。僅供參考。
Generally：平衡
首先第一感覺唔差。第一係你會真係平衡到各方面既事物，唔單之係話你物質上既野，更重要係你自己心理上平衡到。eg 做自己/做人阿媽既balance，個人事業/家庭 balance，自由/責任 balance，基本上哩d内心稱來稱去既野你無問題。最怕有d人係，選擇做生，結果到頭來後悔，覺得自己做錯決定，跟住無盡痛苦甘。哩種情況其實係唔理解所謂"求仁得仁"，今次開平衡，我覺得出黎感覺都係"求仁得仁"，你自己心裏面知道你真正中獎果刻，就代表你既生命會有天翻地覆既改變，唔會再100%做自己etc，不過哩d其實你已經考慮清楚，所以到做左媽媽之後，你就唔會覺得事後懊悔，因爲你知道係"求仁得仁"，你已經考慮過所有可能性，亦準備好接受，準備為自己既決定做責任，所以我覺得如果你真係決定左生，基本上問題唔大。同埋你會搞得掂哩種生命既變化。
經濟：杯6
感覺你地經濟唔會有好大問題，而且感覺你老公可能會有意令到你唔需要擔心經濟，安心養胎凑小朋友甘。不過by the way啦，太陽天蠍牌，感覺其實你老公可能暗啞底自己有d秘密收入以備不時之需，而你係唔知道既（因爲你老公覺得你無需要知，你只需要安心享受照顧就ok，感覺到你老公有心保護你如溫室花朵）所以其實你屋企經濟可能無你浦面睇甘"不足"
情緒：錢5
好好笑……前面講緊你屋企其實經濟無問題，哩張就係講緊你會擔心無錢。呼應返，就覺得你係個人自己擔心比較多，擔心屋企無錢，擔心無瓦遮頭，擔心大環境唔好。同埋on top of this，水星金牛牌，亦可能牽涉到，你擔心自己既價值。eg 阿我從來都無正式做過野，我係咪廢人啊？我以後係咪無市場競爭力啊？我净係做人阿媽，以後無增值過，甘我係咪會比社會淘汰啊？我會唔會係我老公心目中越來越無地位啊 etc。感覺哩d基本上好多全職媽媽都會擔心既問題，你應該會係懷孕之後，尤其荷爾蒙不穩定之後開始擔心，開始不停自己譴責。情緒上既變化，對於自我價值同家庭經濟既擔憂，感覺會浮現出來，反而BB健康點，以後點凑點教育果d，反而你無甘擔心。哩樣你要考慮返。
對於小朋友影響：戰車
以你目前狀態以後小朋友出世，感覺會幾好。因爲戰車係巨蟹牌，小朋友會感覺到你ferocious既母愛同保護。你會變成一個外在彪悍地保護小朋友，向内對小朋友好溫柔體貼愛護既媽媽，小朋友係你既照顧養育下，應該會感到被愛同十足既安全感，從而可以勇敢甘去探索世界。感覺你做媽媽無問題。
對家人影響：權6
大家歡天喜地啊。而且你會變左家庭中心，同埋你會變得更加可以"做自己"。唔係我行我素果種做自己，而係，有d你好似發現做自己母性强大，好適合做阿媽既果一面，而你以阿媽身份去行事既時候，你有一種真正做自己既感覺，你因爲阿媽哩個身份，你可能更加放膽甘去做自己覺得正確既事，好似有左一種内在既authority令你自己對自己有信心一樣。
Overal睇，其實感覺你真心適合生，你心理準備好，你本性上有强烈母性，同埋家庭經濟感覺其實無你想象中甘差。僅供參考，。
Hello，因為感覺你迷茫mode，範圍好大，幫你一問一答甘抽牌。僅供參考。
你目前工作狀態：杯8
…………一打開就見到，根本你就已經對公司失望 有種，老娘已經睇通睇透，100%無希望甘。
而且因爲係土星雙魚，感覺可能之前哩一間公司比到大餅你，但係宜家連塊大餅都已經知道係假係呃人既，所以feel到你已經完全失望，其實已經打算執包袱走人甘濟。
你目前狀態出去揾工競爭力如何：聖杯公主+權9
感覺你係咪比較後生，或者工作經驗少d。有種仍然單純抱持初心甘既感覺，講solid既野如經驗profo果d感覺係會比較不足，係事實，不過呼應權9月亮射手，感覺你有孜孜不倦地學習既野心，你會願意去學，而且係你無學到新野就反而感覺無安全感，覺得自己虛度光陰甘，所以其實我覺得如果你係一個比較職場新人，其實問題唔大，人地都會睇到你哩份熱情。同埋可以用返哩個approach去揾工。
Oracle Advice：黃鼠狼靈+禿鷹靈
兩種都係好scavenger既生物。
人地一眼睇，覺得已經毫無價值既野，你反而會暗啞底睇到曬所以尚可利用既資源，同埋知道點樣去utilize，哩個係你好明顯既優點。
同埋黃鼠狼都同銳利既眼光有關，有種感覺係，其實你真心對於目前公司同市場環境睇通睇透（其他人可能覺得你天真嬌，但係其實你唔聲唔聲睇到好多人地都無發覺既野）所以哩邊我會覺得advice係，相信你自己既目光，目前公司如果已經真心無前途，可以利用返你對於職業市場既理解去揾適合你既新工。對於有d工作，可能好多人會同你講：喂，果份工豬頭骨黎，咪做，但係因爲你有禿鷹靈出現，我會覺得係你比其他人更加睇到一份工潛在既價值，所以你可以放膽去相信你自己既睇法。同埋補充多句，黃鼠狼係鬼鬼祟祟偷番薯既動物，揾到新工之前唔好甘揚，同埋禿鷹係，地下d動物一日唔死都唔會飛落地，都係要你謹慎d，未100% confirm新工唔好比人知道你有走既意思。
1個讚
首先好多謝你抽空幫我抽牌
平衡：都講得幾岩，我真係考慮曬先會有生小朋友呢個option, 亦知道到時候唔會話似之前咁想去旅行就去
杯6: 我老公真係好保護我嘅人，我知道佢一定會努力令經濟冇問題，不過係怕現實未必實行到，因為我哋都計過數，得佢做野而又生小朋友，我哋就會完全冇錢儲 至於秘密收入，暫時就冇嘅 不過佢有時係會秘撈下。
錢5: 呢個講得好岩 其實就係最驚錢呢樣野，做唔做嘢我覺得冇所謂，有錢嘅話其實唔洗諗直接生啦 未生我已經幾擔心，到時生完應該仲嚴重，唯有時刻提醒自己唔好咁大壓力。
希望我嘅回覆都可以俾返references 你 如果想課金請問可以點呢？
已經比到reference啦，多謝你先 
課金？据我理解，課金已經係等於純資金支持。甘無純課金哩樣啦
因爲本身開po都係為玩為練習既。
不過如果你希望支持，同埋或者仲有野further想問，想詳細d可以一路追問，可以轉收費隊，都係支持既一種方式，多謝你
請問點樣轉收費隊?
1個讚
Hello，多謝你既信任先。
收費隊要轉去IG係果邊傾，唔係驚violate BD哩邊既regulation。search 蟹月塔羅 就有。麻煩你
1個讚
Hello, 哩度第二題，後抽後抽 多謝理解
Hello，老問題啦，要去你實去到，睇你自己自由意志選擇姐。
做分析，僅供參考。
提醒番，目前既分析型抽牌，係基於你目前既情況順住行做既forecast，假設你within哩段時間内有重大生活變化（例如中左六合彩頭獎）甘就完全唔同講法。所以亦都係點解好多時占卜不能占太遠，因爲時間太長，太多自然變數或者自由意志做成既變化，一出現鼻屎甘細既變數，都有機會帶黎蝴蝶效應，然後令届時既結果大變，到時如果事主仍然用哩個不合時宜既解讀結果去看待已改變既未來就好容易mislead左。提醒返。
General: 杯4
感覺你會變得好謹慎，去到英國一定無係香港甘free甘如意甘舒服。感覺你同女女生活都會比較謹慎小心翼翼，變相壓抑少少。
經濟：權杖皇后
感覺你地經濟無問題，同埋感覺揾工做野唔會想象中甘辛苦。應該都係做返d用腦用技能而唔係純用勞力既工。賺錢雖然可能無係香港甘多，不過個方法反而對你黎講會free左輕鬆左，可能同個工作文化有關。
適應：星星
感覺會有d呼應權杖王后，係一個向上揚升既力量。你係UK反而個人會free左，感覺係你會發現無係HK甘"生活逼人"，UK可能比較會令你發現，原來生活不只有眼前既苟且，還有詩和遠方。（Sorry我用左鬼囯既歌詞）
情緒：戰車
呼應杯4係巨蟹牌，其實都係講緊你對於HK既懷念（淪陷既香港都係巨蟹座），同埋對於熟悉既環境既眷戀。本質上睇到其實你地應該唔想走，一黎感情，二黎係對於環境既安全歸屬感。但係哩兩張牌，都係講緊你地以守業慎重既方式去面對UK生活。你地可能未能對UK投放感情同熱愛，你地要totally ensure生活到，你先會對UK哩個地方有感情，而同時唔會對離開香港感到痛苦。
主要睇到其實係，UK環境應該對你地友善，不過主要係你地自己情感上對HK既依戀，比較難接受一個新環境。僅供參考，可以睇下你地係咪真係決定要去UK
順道多口講埋……原句係高曉松老母講既：生活除了眼前的苟且，还有诗和远方。
不過鬼囯網民誠實豆沙包版本係： 生活不止眼前的苟且，还有未来的苟且！
詩和遠方哩d野甘不切實際既野，當然只有腐敗既民主社會eg 香港乃至全世界先會有啦！
偉大社會主義帝國當然無哩d人類既精神鴉片啦！
多謝你嘅回覆. 
的確仲有感情. 因為我老公唔多想.
1個讚
突然發現好似已經清曬所有round 1，下次再抽牌可以開始揾返d 2nd question出黎睇。
有留過2nd question既朋友仔可以開始留意返自己有無收到回復，或者我大意skip左你。
未玩過既朋友仔都可以繼續留po，處理既priority一定係round 1先round 2後。
無曬round 1 Question先會開始幫已經問過既朋友仔處理round 2 question。
如果哩部分問過既朋友都可以繼續留round 3 round 4 question，不過都係會跟priority處理。
多謝大家既理解。Happy Not-Happy Halloween。
2個讚
稱呼：B C
你好, 9月初問過關於搵工問題, 最終都係無消息 
10月初有朋友介紹另一份工, 係under佢, 已經同左朋友既直屬上司及HR面試但仲未有消息
想問:
- 今次見唔見得成份工?
- 如果見得成, 我同份工及同team同事合作情況如何?
- 如果唔得, 幾時先可以搵到合適的工作?
萬分感謝!
Hello，抽澳洲移民分析。僅供參考。
提醒番，目前既分析型抽牌，係基於你目前既情況順住行做既forecast，假設你within哩段時間内有重大生活變化（例如中左六合彩頭獎）甘就完全唔同講法。所以亦都係點解好多時占卜不能占太遠，因爲時間太長，太多自然變數或者自由意志做成既變化，一出現鼻屎甘細既變數，都有機會帶黎蝴蝶效應，然後令届時既結果大變，到時如果事主仍然用哩個不合時宜既解讀結果去看待已改變既未來就好容易mislead左。提醒返。
general：錢后
整體黎講感覺唔差，你地本身會well-supplied，環境熟悉，心境美好，而且會有安全熟悉感既。同埋有個感覺係，去到澳洲接觸大自然既機會多左，你地心境會相對平穩穩定好多。
經濟：杯王
比較財來財去d，不過d錢主要係洗係d令你地開心既野度。可能係去玩啊，飲飲食食到。可能你地儲唔到錢，但係應該係將d錢用左係d享受生活既野度。如果你地有leisure錢去消費哩d野，變相證明你地其實基本生活水準無問題。經濟無問題，只係可能澳洲多左d野，或者環境上令你地更有欲望去消費，滿足自己既喜悅，所以變相覺得d錢燒得快過HK。
適應：杯1
感覺你地都感受到澳洲既人文關懷。對於HKer既身份都會變相令當地人對你地有connection感，會更加願意同你地交流，從而令你地有被關懷理解既感受。
情緒：女祭司
感覺你地情緒會相對穩定好多。有d呼應返錢幣王后，澳洲果種接近大自然既環境，會令你地更加感應到來自大自然既美好同平靜，相對於HK好urban既生活，基本上人與人之間，人與萬物之間好切割，好孤獨無助，去到澳洲你地反而會感受到果種生命之間既流動。從而好多野無甘鉆牛角尖睇唔開。
Hi 您好
稱呼 L
情況 做左full time mum都好多年，而家因為同老公感情不穩定想出黎搵d野做下當做唔駛依靠個男人咁或者當散心 唔駛係屋企亂諗野，但又唔放心小朋友成績，因為小朋友要push先keep到，本身成績都正常，有幾間心儀英文中學，而家小學四年級岩岩測驗就試左佢自己溫，結果陣亡，大倒退嗰款。
問題 究竟值唔值得搵份工而放棄小朋友學業，定我去工作，小朋友反而會有動力向上？最唔放心係小朋友。如果工作，今年搵到工嗎？定等升中先工作？
謝謝
思考左好耐，都未諗掂，唉 