免費offer塔羅占卜

興趣嗜好
256

Hello，僅供參考。

目前情緒狀態：魔法師
其實感覺你目前内心有好多野想做，有高多idea想execute出黎，而且覺得"我應該做到，我無理由做唔到"，例如有d育兒理論想落實，例如想喂母乳，例如想做一個育兒書裏面典型既"情緒穩定可以共情可以理解可以安慰小朋友既100分媽媽"。下續

導致情緒問題既根源：平衡
感覺根源係，你其實内心係度掙扎緊衡量緊，個心自己係度稱黎稱去，例如：自我vs媽媽角色——要"犧牲"幾多自我性格，生活習慣，時間etc去實現媽媽哩個角色；工作vs母職，要唔要辭職做full time mum？繼續返full time job會唔會做唔好母職？ etc etc 好多選項你内心係度互相平衡緊。呼應返樓上魔術師，兩個都係風象牌，代表其實宜家最主要係你自己既mind stirring多，同埋風象以思維理念爲主，變相缺乏左土象所帶黎既實際支援同穩定安心既感覺，所以可能你都會覺得自己無一d好穩固，好solid既環境或者support，eg家庭經濟，非常穩定既工作，情緒非常穩定既家人，經驗十足可以依賴既家人或者advisor etc 比到你去穩定心神甘。

anything beneficial can be utilized：權4
首先權4係一張衝鋒過後穩收勝券既牌，所以其實本質上會覺得你實際生活and人生路上，其實好穩妥，係邁向緊成功同安穩。有d似，小朋友終於出左世，你已經成功去到一個人生大checkpoint，已經成功左一個chapter甘。反而係，你要從中去揾到你過左既哩個關卡會為你帶黎既光明，你要勇敢向住哩份光明邁進，而唔係再過去曾經行走過既路途，因爲你眼前既人生其實係你心中所悅。

what should be avoid：聖杯王子
見到呼應左樓上魔法師&平衡牌，你既情緒主要係被你既思維同憂慮所牽動。哩邊提醒返，首先你唔係要restraint你既情緒，而係要restraint你自己猶如萬馬奔騰既思維，計劃，憂慮。

general advice to you to minimize 抑鬱症：權2
感覺係建議你需要係上述你自己係度瘋狂對比瘋狂衡量之中做出選擇，唔好再話猶豫不決，哎啊我應唔應該辭職，yes/no question哩d。儘快解決左你心中左右爲難既苦惱同煩惱，先唔會有混亂狂奔既思緒去牽動你既情緒，從而minimize返抑鬱症。同埋我個人見到，權2都係好兩極既牌，其實都係建議你，唔需要將事情睇得太極端，例如：我如果宜家辭職，我以後就再揾唔到工啦！我無事業啦！我喂人奶期間想食壽司啊！我食左就會"毒害"到我小朋友啊！唔需要甘極端。

同埋overal黎睇，因爲你係問情緒，但係出黎全部都係風火牌，兩者都係陽性元素，有種感覺係你一直著眼于外在既事物，一直想要take action好做好多野，反而無細心去留意感受滋養返自己既情緒，同埋同BB果份溫柔溫暖既情感流動。感覺哩點你都可以留意返。仲有就係缺少土元素，感覺可能屋企或者同老公方面無太多實際落實既安排，去處理你所憂慮既事情，which is 可能係經濟收入，家庭角色比重等等。哩d都需要你地去落實安排返，甘你有一個foundation可以rely on，都會幫到你穩定情緒。

257

Hello，幫你抽side project 分析，僅供參考。

genral situation：寶劍王子
首先感覺你對於哩個side project係……全然既理性看待。可能真係經過理智分析，或者眼光上一下睇到阿搞得過bor!，或者哎啊份主職真係唔掂啊，但係以目前情況，最安守既突破方法就係搞壇side project啦甘。全然係經過理性分析去做出既決定，換句話講……其實唔係話你特別有passion想去嘗試，想去實現既一d野黎。不過全然analytical都有好處，基本上可以睇到一切係你牢牢掌握，算無遺策，親自部署，親自指揮之下發生……

Anything benificial can be done：杯1
一開就感覺呼應左樓上寶劍王子，要你擺返d感情落去。例如：你既analytical mind話，唔應該比discount人，你比開discount，下次人地再黎就會expect有discount，甘咪搬石頭砸自己的脚？！係正式management上可能好多野都會straight-forward，但係感覺杯1既出現係advise你，可以適當比返d flexibility，唔需要甘harsh揸死曬。反而因爲你有情感擺落去，例如因爲你想做到哩個project，從而可以幫到人，可以幫到哩個社會，可以為有需要既人提供需要既產品或者服務etc etc，甘樣你就比較唔會介意話有損利益，唔符合理性思維etc etc，反而會對你side project有幫助。可以話感覺多返種人性既味道。

anything should be avoided：劍3
感覺呼應到樓上杯1建議。杯1其實都係一種純粹地願意與人交流，與人共情，以emotional為approach既牌。但係劍3，係一種對於被傷害既恐懼。加上係土星天秤牌，感覺有種你對於與人交流交心既恐懼，或者擔心與人有太多合作&協議會為你帶黎好多既責任同壓力，亦感覺可能過去既經驗，而有d主動限制自己與人既交流同合作。哩邊要avoid哩種拒絕與人交流協作既情況。

general advice：錢幣王子
感覺對應寶劍王子，寶劍王子純風，錢幣王子風+土，感覺係要你彌補返土既部分，which is 落實去耕耘既工作。錢幣王子相比好多土牌黎講，感覺係比較初階段，即係一個耕田，播種，淋水，施肥既投入期。可能你寶劍王子上既理性力量同你講，wow~都唔知係咪一定有回報，投入資源去做市場分析有要成本，甘唔promising既野，梗係要減少做啦！錢幣王子係相反，想耕耘，之後耐心等待結果，期間睇情況再去做adjustment。meaning係，你起碼踩左落田先，唔可以太作壁上觀。

好啦……因爲我整左幅占星runes試玩……我又見到你土星天秤牌，好好奇有咩工會好限制同人接觸……所以八卦抽下你個side project係做咩野……（以下玩票性質，如果私隱問題唔方便對答案可以無視）——火星+白羊
我一開笑左……火星同白羊都係講緊自我，想做就做，完全唔會將其他人放在眼内既能量，同天秤180對分，完全anti與人協作既力量，而且火星入廟白羊，係一個爆強大既自我力（呼應樓上）同埋開創性。

純好奇問……你搞哩壇野係咪完全係市場上brand new既野？需要有種衝鋒陷陣既魄力去開創既野，唔似其他舊有行業可以跟可以參考？同埋會唔會同d 刀劍尖銳物品，武力系，使用機械工具既行業，運動類或者極限運動類既野？（純好奇試新runes，請輕鬆看待或無視 :joy:）

1個讚
258

非常非常非常感謝你的回覆

呀女佢自己都承認自己係有唔習慣同人social，因為jupas除咗日本研究必選之首外，jupas另外二選仍然會變。希望承你貴言入到頭三。

我會放鬆心情等待呀女好消息。

1個讚
260

Thank you so much for your reply!!
I am not familiar with tarot so I am trying to comprehend what you said haha
The project does feel like a brand new thing
(It’s this one: 免費派有劇情追嘅小學英文練習)

1個讚
261

多謝分享。果然係pioneer 型事業。
我都好有興趣:joy: follow定你先。

1個讚
262

稱呼：C
大概情況：出年想去法國讀書，終極目標是移民。
想問咩：
1.我適合留在香港還是移民？
2.目前儲蓄有限，當地疫情嚴重，我出年走唔走得成？或者我應該問換成幾時出發比較好？
3.去法國後生活方面會不會遇到很多困難？困難主要來自哪方面？最重要的是，經歷困難後可以在當地落地生根嗎？
4.心裏面有一個喜歡的人，但對方不想與我發展，希望自己可以放下一切，留在香港還是去外國對姻緣較有幫助？

謝謝你

263

Hello，第二條都係老答案——你想生幾多個咪幾多個 :joy: 假設你超級fertile可以生10個，但你唔想生咪只會得1個 :joy: 自由意志既事。

問1，僅供參考。
你地目前generally關係：錢幣國王
感覺你地既關係非常穩定，而且係一種互相為大家帶黎希望，對於生命既熱情，同時有有anchoring effect既關係。你地互相可以令對方感到内心踏實，生命有左foundation to stand on top of既感覺。同時又會為對方帶黎鼓舞同希望&安全感

女女點睇你？權杖5
唔知女女幾大。但係睇到，可能女女覺得你唔太堅持到自己既信念，或者話明明自己有一套想法，但係好容易比人擊敗到，或者成日係度苦苦struggle既感覺。因爲係土星獅子，亦代表你係女女眼中，明明可以好shining，但係有時會被其他人既idea影響，遮蔽左光芒甘。
（我突然有個feel，係咪成日同女女意見上東風壓西風，西風壓東風甘？女女係咪都仲係BB，唔滿意就會喊，跟住令到你只能屈服？ :joy:）

你點睇女女？死神
感覺你會覺得女女，會令到你人生或者一d人生觀有好大既蛻變，令到你可以用全新既眼光去看待好多野，which is like女女令到，你過去一d"腐朽"既部分死去，並得到重生既感覺。

同埋因爲女女死神係天蠍牌，媽媽就係獅子，兩者都係固定星座，其實本質上女女同你本身應該都係固執人，不過女女係水元素既固執，女女會用比較隱秘，比較軟性，但更加potent既模式去固執，女女唔會擺明車馬同你固執，但係女女果份固執更加細水長流，更加充滿力量，相對你既獅子火象固執，燒完就無energy比較快會"泄氣"，女女會頑固好多 :rofl:

By the way，見到你地關係係好既。只係偶然會有兩個固執人互相僵持不下既feel姐，睇下今次邊個贏既feel。

1個讚
264

Hello，1係自由意志選擇，可以分析2比你，然後你自己衡量1。3係超級期票，我自己個人覺得一定會贏，不過時間或長或短，有多因素影響，eg國際會唔會爆d事情，總加速師發唔發功，香港社運行進點，太多因素會變化。有興趣可以去youtube睇怪壇，d師傅勁好多，可信度更高。

問2。揾學校果d……我自己睇過，好似基本上肯讀都有，不過你話學校好唔好啊？地段啊？果d就好detail啦，唔幫你問甘細住，問大方向先。僅供參考。

提醒番，目前既分析型抽牌，係基於你目前既情況順住行做既一年後forecast，假設你within哩段時間内有重大生活變化（例如中左六合彩頭獎）甘就完全唔同講法。所以亦都係點解好多時占卜不能占太遠，因爲時間太長，太多自然變數或者自由意志做成既變化，一出現鼻屎甘細既變數，都有機會帶黎蝴蝶效應，然後令届時既結果大變，到時如果事主仍然用哩個不合時宜既解讀結果去看待已改變既未來就好容易mislead左。提醒返。

Generally情況：劍5
感覺好似……你地一家3口都仲未有共識走唔走……好似仲為哩件事嘈緊。或者哩個就係你黎問我抽牌既原因，想要得到一d support etc。而且感覺目前屋企有d互相無辦法溝通既感覺，話不投機。

假設目前情況到英國，經濟方面：寶劍公主
感覺你地會需要開通全新既財路，需要有意識地去將一d idea化爲事實，化為一個新既生財方法。而且因爲係風+土牌，感覺唔會一開始就好abundant，一定會"兩袖清風"少少。

環境適應方面：錢幣5
感覺你地去到，首先會自己好擔心。感覺你地可能經濟上都有d mang mang緊，岩岩過到骨走人甘，所以去到英國，你地既生活環境會比較大落差，同埋你地會覺得自己 “家徒四壁”，從而好擔，乃至覺得成個環境對你地一家都好harsh甘。有d感覺係，你地自己會有甘既感覺，從而令到你地覺得自己受困。但係起碼你地基本所屬我睇到會滿足到。

情緒心理方面：權3
感覺你地反而好少少，撇除你地經濟上既憂慮同壓力，你地會覺得英國offer到一d願景比你地——好，我地要係度建立新家園啦！我地應該點點點做呢？你地會有意識去爭取建立新既領域。

所以綜合黎講，其實4張牌既力量，前面火元素向前冲，後面風土元素互相牽制，加上2只5號牌，成個畫面好"自傷矛盾"，有種内耗既感覺。

一方面你地會覺得自己資源貧乏，但係一方面又好有意識要去爭取建立新事物。可以感覺到係，你地一邊冲，一邊"唉，點算啊？唉啊，哩個月點算"，然後又繼續冲，跟住又慢落黎“真係唔掂bo，我地真心唔掂”，然後又繼續冲……無盡循環……

所以睇你自己選擇啦，同埋你地有無辦法剋服到果種開荒牛，咩support都無既恐懼感。

265

Hello，幫你問左婚姻先。
僅供參考。

Generally你地關係：復活
一開牌睇，又唔係好feel到你地有conflict，感覺你地各取所需緊，大家其實用一種各自調整既方法，去達到一種相互平衡既感覺。有d似，敵進就我退，你今日心情好就講兩句，心情唔好就避開，有種莫名既微妙平衡。同埋因爲係射手牌，感覺其實你地雙方既關係其實free底，大家都唔太管對方，但係變相就唔會太有普通夫妻果種attachment。

你點睇老公：錢4
我覺得有d明白點解你覺得嫁錯人。老公會唔會比較經濟上"吝嗇"少少，有d守財奴feel，令你感覺老公唔愛你，或者老公本身唔太擅長情感表達，成日木口木面，開口埋口净係講做野賺錢買樓etc etc，令你覺得對方净係睇d material既野，同你亦無情感既流動？

老公點睇你：權杖公主
感覺老公其實覺得你係一個幾熱情，幾熱愛生活既人，同埋熱情得黎，係會對生活有所熱愛，而且會將哩種熱情投放返係家庭生活裏面。

你點睇關係：吊人
感覺你覺得自己非常無能爲力，乜都做唔到，渣頸就命feel，而且感覺其實你未太有用analytical mind去分析自己走既可能性，純粹個心覺得好無助，"希望"可以有辦法解決。

對方點睇關係：權杖國王
配合權杖公主睇，我會覺得你老公其實覺得你地好夾，係同一類人（都係權杖人）但係相對黎講，對方有d覺得自己個角色好似你老豆甘，或者話有責任去照顧你，將你當成溫室小花一樣去保護，令你可以保持哩份純真既熱情一樣，而且因爲對方覺得你係同一類人會明白，所以對方會好專心去衝鋒陷陣，賺錢，做野，從而去爲你建立一個安穩既家園，令你唔需要受到外面世界風吹雨打既感覺。

Overal黎睇，我覺得好大部分係對方唔知道你有想法，有d懞查查甘。
跟住都呼應advice，聖杯國王
係advice你要勇敢去express你自己既情緒，你既憂慮你既想法，或者可以話，直接同老公講下，其實你愛唔愛我？我想你關心我，我唔需要你家財萬貫，我只係想你多d陪我 etc etc。將你内心澎湃既感受話曬比對方知道。（當然唔係叫你發脾氣閙9你老公，而係要爽快地表達自己對對方既感覺）

266

Hello,

稱呼：Kei

大概情況：想移民 A 或者 B, 但我老公兩個家姐都決定咗會走, 得返我老公細妹照顧我奶奶, 佢唔放心, 同埋佢覺得仲未搵夠錢, 所以唔想走, 即使搵夠錢, 我老公都只想去 A, 因為有咩事都可以好短時間内返到嚟香港, 但我對香港已經好失望, 而且覺得越嚟越無言論自由同唔安全, 所以好想走, 而為咗更穩定, 即使鐘意 A 多啲都想去 B。

想問咩：走唔走到? 如果走到會去 A 定 B? 同埋嚟緊 3 年内走唔走到?

麻煩你先 :wink:

267

你好啊，麻煩到你唔好意思，但人生經歷緊段幾迷惘嘅階段，如果可以麻煩你俾啲靈感。
稱呼：lee
背景：今年年頭去左working holiday, 疫情關係工都未搵到返左嚟香港，依家未做返嘢。
諗緊直接生仔做全職媽媽定出返去做嘢好，直覺prefer做媽媽，但我哋經濟未算好好。

問題：做全職媽媽唔會為屋企帶嚟好大壓力？老公搞左移民十幾年，仲等緊應該2-3年會有結果，定等佢知道移民成功與否先生小朋友呢？
麻煩曬:pray:t3:

268

早晨版主~
希望快d輪到我啦
我係阿愁，
近排好愁事業上的問題…
到底應該留番宜家間公司做好，定轉工？會吾會搵到好工？定有其他發展？
好苦惱 :pensive:
祈覆~

269

稱呼: Cat
情況: 受疫情影響，我和丈夫原先的搵錢機會全部停晒，而我們將有更龐大既支出。
問題: 家庭經濟會在未來3個月有改善機會嗎？

270

感謝你花時間詳細回覆和給我建議！

1個讚
271

Hello. Forecast 2個月，工作/轉post情況。僅供參考。
提醒番，目前既分析型抽牌，係基於你目前既情況順住行做既forecast，假設你within哩段時間内有重大生活變化（例如中左六合彩頭獎）甘就完全唔同講法。所以亦都係點解好多時占卜不能占太遠，因爲時間太長，太多自然變數或者自由意志做成既變化，一出現鼻屎甘細既變數，都有機會帶黎蝴蝶效應，然後令届時既結果大變，到時如果事主仍然用哩個不合時宜既解讀結果去看待已改變既未來就好容易mislead左。提醒返。

10月中-11月中：Kenuz + Sun + The Crown
感覺會比希望你，Kenuz代表工藝手藝能力，感覺公司有個表態：我地宜家公司要更加注重人才，更加追求精英化etc，有能力有才華做到野既人就有得留低！感覺有種抛個波出黎，睇下邊個接到甘

11月中-12月中：Othala + Scythe + 杯8
感覺唔太樂觀。因爲有Scythe既出現，感覺會係完全超出你預期既情況下sharp-cut，sharp-end。杯8都有抛下幻想抛下過去去尋找新出路既feel。而背後原因，感覺同你係公司既資歷或者技能既累計有關，加上呼應The Crown感覺其實本身公司已經有人員飽和狀態，但係會傾向于留一d多"積累"既人，你可以話經驗上有積累，或者年資上有積累，感覺會傾向留一d老員工。

How should you face this situation：高塔
非常强烈既意思。高塔係破舊立新。高塔可能曾經係你既comfort zone，但係其實都係一個禁錮你去體驗其他或者成長既牢籠，感覺哩邊提醒你，係時候借哩個機會打破哩個固有既限制與環境。

272

稱呼：Q
我同阿女都想去英國,但始終仲要考慮經濟問題.
想問下年去唔去都成？同埋我搵唔搵到工？
唔該.

273

多謝你嘅詳細回覆呀 囡囡仲係bb~不過你大部分都講得好啱， bb係天蠍座我係天秤座:heart:

1個讚
274

多謝你既回覆, 睇黎我真係要好好思考吓…唔該晒~

1個讚
275

Hello. 12太遠，3問以你目前狀態假設keep住去到法國情況分析，combine問桃花類人緣如何。
僅供參考。
提醒番，目前既分析型抽牌，係基於你目前既情況順住行做既forecast，假設你within哩段時間内有重大生活變化（例如中左六合彩頭獎）甘就完全唔同講法。所以亦都係點解好多時占卜不能占太遠，因爲時間太長，太多自然變數或者自由意志做成既變化，一出現鼻屎甘細既變數，都有機會帶黎蝴蝶效應，然後令届時既結果大變，到時如果事主仍然用哩個不合時宜既解讀結果去看待已改變既未來就好容易mislead左。提醒返。

general: 劍5
一開出黎感覺係咪家人反對？感覺假設你去到法國，你會一直有種不被理解，不被支持既孤獨感覺，就算你去到果邊度無辦法消除到。有d，人在遠方明明已經孤獨，但係家人亦唔瞭解自己既遺憾感

經濟上：錢3
感覺你經濟無問題。有可能係，同fd做下生意仔（有個感覺係代購法國野），或者入到d公司裏面做下part-time甘，同同事相處都ok既，好客觀理性，大家真係做野，同埋亦幫到你適應法國。

環境適應：權杖王子
感覺你有種生龍活虎既感覺。你會覺得自己做岩左，你係做緊你想做既野。你會覺得自己on track同埋有種朝氣勃勃既感覺，相信環境適應上你無問題

情緒：劍10
感覺始終都係樓上劍5既困擾，客觀環境其實對你無咩不利，感覺主要真係你自己内心有種不被理解既感覺，加上其實你去到果邊一開始一定會千頭萬緒，甘既情況下你會覺得好"無力"好苦惱。

桃花類人緣（唔係姻緣啊！姻緣我自己definition係所謂"命中注定既另一半"我唔信哩樣只有一個命中注定要遇到既人。所以等於哩度係指generally指——曖昧啊，暗戀啊，互有好感啊，熱烈追求啊etc果d，所有係男女or女女既attraction都計，但唔包定到落黎）————隱士
………………你自己會反而好獨家村，導致到你無乜……感覺你反而有種自動與世隔絕既感覺，有d似，你唔想在比自己動心，然後又會受到傷害甘，所以氣場上已經有種"你唔係認真就咪埋黎"既務實feel，跟住你都會忍唔住開始啓動精明眼睇——唉哩個人好似好口花花bor，唉哩個好似好大細路bor，唉哩個好似條件好好無謂耽誤人啦 etc etc 基本上一開場已經理智絕望mode ban曬好多可能既candidate。同埋都會有思鄉或者話思念哩個你鍾意既人而open唔到自己内心。

Oracle Card：鹿靈
主要講既係用柔軟既心去面對。對你自己係，唔好對自己太harsh，對反對你去法國既人都係，目前唔適合强行爭取對方同意，就算你要去都默默去左先，用一種理解對方點解唔想你去既心情去看待。跟住柔軟内心我都覺得呼應到隱士，因爲睇到個感覺係，你自己整左幅銅墻鐵壁圍住自己，從而去保護自己果顆柔軟既内心。但係甘樣變相你都會愛枯竭。所以要適當調整。

276

多謝你的詳細分析！第一次做塔羅占卜，估唔到咁准

全家都反對我出國，我父母今時今日仍然覺得全世界香港最好，兄弟姐妹就話外國搵唔到錢。其實我以前都做過不少家人強烈反對的事，我通通照去，而家對當時的決定依然無悔無憾。

之前測八字，話我命中不會在金錢上有太大問題，塔羅竟然都咁樣講，希望承你貴言啦。現實既我從來都無富貴過，而家甚至有少少山窮水盡，本來想存多幾年，夠錢先走，但因為政治問題好希望儘快走到就算，錢方面其實仲爭好多好多好多，有打算去到當地再貸款讀書架，這種情況已經算是無經濟問題？ :sweat_smile:如果有得返PT我一定返，只怕歐洲經濟差，找不到工作。我之前無諗過代購因為呢范競爭應該都大，之後會認真諗諗

估唔到我會變到生龍活虎朝氣勃勃，我可能因為身體長期亞健康、自己心入面諗好多野，成日都好down好頹喪，不單香港，住外國都會。我覺得自己適應力OK的，做自己想做的事情但不順利 VS 順利地做不喜歡的事情，有條件的話我一定會選擇前者，你講既on track好形容到個種狀態

我非常清楚家人絕對不會在金錢、心靈、口頭上支援我，對他們沒有期望所以不會有失望，我反而會因為無咩朋友而覺得孤獨。可能到時都會無咩朋友… :cry:

呢part准到想喊 :cry: :cry:
我好怕受傷所以由好細個已經長開理智mode，可能日子耐左就變成與世隔絕的氣場。對他心動算是天時地利人和的「錯誤」，他是我生命裡面第一個真正喜歡的人，為了他踏出comfort zone，中間發生一D事，直到而家都覺得很受傷，我覺得自己愚蠢可笑又可悲，呢個PTSD可能會加重我個理智mode，以後更難有心動的感覺。我嘗試努力調節，但作用不大。我完全無思鄉情結，按照你的分析，我會因為無法忘記他而無法open自己，這正正就是我最害怕的事情，所以我條留言除了問移民亦都問緣分
其實我唔想要桃花，只想要命中注定既姻緣。可能我份人老土，覺得感情是認真的事，對「曾經開心過咪算囉」興趣不大。如果一個人唔認真，無可能trigger到我想發展一段relationship；相反我亦會覺得如果為了忘記一個人而同另一個人一齊，心中有愧應該投入唔到，又或者應該咁講，無feel真係逼唔到自己。
你抽中既隱士牌，除了用來解釋桃花類人緣，亦都解釋埋姻緣嗎？ :cry:

原諒自己不是一件容易的事情，我會學下唔好對自己太harsh。其實以前都試過靜雞雞買機票執行李，出發前一兩個星期先同家人講，一樣又鬧交。我講過之後讀書是為了移民鋪路，應該會被鬧得更勁，唔知點先避免到

想問一下讀完書之後可以在外地落地生根嗎？好擔心讀完幾年書最後搵唔到工搞到要返香港 :sob:

2個讚