免費offer塔羅占卜

興趣嗜好
1

係啊……唔知大家有無興趣。
本人自己有玩開塔羅既，想儸下經驗建立下信心，所以想offer免費塔羅占卜比大家。如果有興趣可以係下面留言，我會選擇性揀題目抽牌，跟住reply返解讀比你。如果答曬人地果d都無回復你，甘可能你需要refine下個題目，或者開出黎有d特別野，可能需要另外pm講。

都係果d慣常規矩：

  1. 問同自己有關既野
  2. 問What, Why, How——例如：我點樣可以同另一半關係好d？仔仔點樣睇我哩個阿媽啊？咩原因令我升唔到職？
    ＊＊＊唔好問"我應唔應該甘做"“我幾時發達”“哩件事會唔會發生？”——哩d去算命啦。
  3. 格式
    稱呼：
    大概情況：
    想問咩：

頭盔：非精密科學，僅供娛樂參考。自己命運自己把握，聼完結果要自己深思熟慮先行動，本人不爲閣下任何事情及後果負責任。

update
新開帳號每日發文數同pm數有限……
烏龜速度回覆請勿見怪:expressionless:

11個讚
2

Hi, 想請問我同男友嘅情況：

  1. 疼情long d中，想知幾時可以見到面
  2. 同男友可以開花結果嗎？
    謝謝你解答:pray:t2::pray:t2:
3

多謝回復。估唔到甘快有reply :smile:
番緊工，返屋企開好牌就reply比你。

by the way，題目可能需要refine——幫你問下雙方點睇段關係，雙方可以點樣做好d，同埋turnout短期内generally會點啦。占卜問唔到太遠。

4

唔好意思，問得唔好
謝謝你幫手fine tune​:blush:

5

稱呼： V
大概情況：想移民，但老公要保持到生活水平，搵到野做先願走，仔自修AL 中，目標係兩年後英國升學，如果係的話，老公話我陪仔去。另一邊廂，其實我兩公婆鍾意澳洲多d，可以用專才計劃去澳洲
想問咩：到底我走唔走得成？去邊個國家好d？幾時走比較理想？

thanks a lot!

6

稱呼：HEIL（男）
大概情況：單身3年
想問咩：，人已到中年，相問緣份幾時再來，好到伍張

謝謝

7

稱呼：JC
大概情況：香港近年情況
想問咩：，香港幾時好返? 將來香港會點?

謝謝

8

稱呼：喵
大概情況：等外傭姐姐到
想問咩：點先同姐姐夾到。請姐姐決定是否對家中小朋友好?

謝謝

9

稱呼： Heden
大概情況：留係香港有留係香港既好, 但有機會都會想移民試下…
想問咩：請問移民, 機會大嗎? / 走還是留機會大d

thanks!!!

10

多謝各位踴躍支持。
因人數眾多，不再另行通知，直接自行refine，直接抽牌，直接reply。:pray:感謝理解

1個讚
11

稱呼：Kei
大概情況：無做嘢兩年, 但諗緊搵工做多一排先再移民, 但諗緊移民去台灣定英國好。
想問咩 : 短期内會唔會搵到嘢做? 移民去台灣定英國好?

12

稱呼：fox
大概情況：年初有一場大病，已經做咗手術。
想問咩 : 疾病已經痊愈未？會不會再復發？

期待你嘅回覆，謝謝！:pray:t2::pray:t2:

13

雖然呢件唔係一件大事，但係對我都幾困擾。 唔該晒 :pray:

稱呼：麥子
大概情況：買咗一件稀有貨物連埋其他嘢一齊集運，琴日物流單方面無啦啦話我已經簽收咗件集運貨(但我真係冇），依家搵咗中介幫手解決事件
想問咩 : 有冇機會搵返成件集運包裹，如果搵唔番，會唔會全數賠錢

14

Hello，樓主！想問關於我仔學業嘅事:

稱呼：Molly
大概情況：阿仔剛升小學3年班，我同老公好努力幫佢補底，但好似拉牛上樹咁⋯⋯話佢無記性咩，佢記鍾意嘅嘢又好好記性喎，但係學習上嘅嘢就好飄忽，今日記得，後日又唔記得，就算記得，要佢運用返出嚟又好似空白一片咁。我好擔憂咁落去，將來唔好彩升band 3中學真係比人恰死佢。
想問咩：我想知佢將來學業會點？而家同佢日日補底溫習，其實對佢有冇作用呢？

15

稱呼：Cat
大概情況：懷孕中，覺得老公太唔緊張bb, 唔想我用太多錢去做產檢。
想問咩：老公態度會否軟化? 定係我過於擔心? 我地2個要點先可以有共識?

Thank you​:blush:

16

Hello多謝回覆。可能需要你再detail d
有無邊度心儀既移民地點，或者plan緊？因為你移民去唔同地方可以好唔同，可能性實在太闊。

17

我之前自己試過個人名義開牌，開出嚟話9月鬼國爆大鑊，然後入11月開始有轉機。

不過哩d太大單，個人哩d業餘銀唔敢開支票。可以上youtube睇 怪壇，佢哋好多專業師傅有為香港未來做預測卜算。

3個讚
18

https://m.bilibili.com/video/av20199138

通靈之戰十八季有個用塔羅牌的靈媒

佢冇乜靈力，純粹靠塔羅牌

竟然一路過關斬將殺到去總決賽

贏左十八季的第四名

當時好多有追通靈之戰的大陸人因為佢而決心學塔羅牌

人氣好高

19

呢個牌哥犀利喺即使唔用塔羅牌

齋用平時普通的撲克牌

加佢自創的牌陣

一樣預測得超準

1個讚
20

Hello, 以下解讀僅是個人根據抽牌結果的解讀，只作參考。

你自己本身係錢幣皇后，對於哩段關係其實好有耐心去慢慢耕耘，而且對方係權三，感覺相對嚟講，你係supportive既果個，你以無限耐心，愛同資源去耕耘段關係。而對方亦都對於哩段關係有願景同埋樂觀既情感。雙方關係係錢九，大家都係好孤獨中，不過都各自細心打理哩段關係，都識得去調適，所以基礎嚟睇係樂觀既。障礙方面，目前你哋有好多對於未來既暢想，但係仍然需要耐心等候開花結果。塔羅俾出既建議係劍后，可能相對你嚟講，對方真係理想比較多，對於實際情況既考慮比較少，所以建議你需要以一個抽離，理智既目光去審視佢既所有願景，唔好純粹情感上全然地buy佢所有既idea。你需要發出自己既聲音去管理哩段關係。

（不負責任個人直覺：佢有無講多過做？你出現兩個皇后，感覺可能要你需要睇情況揸翻個主導權。）