細個無讀過phonics所以本身唔識
知道坊間有幾套唔同學phonics的課程
咁阿女學校就用jolly phonics的
如果我又俾佢學/睇另一套的(依家無得返學,擔心跟唔上),會混淆嗎?
其實4歲英文,應該要有咩程度呢?我見啲朋友有啲仲寫緊ABC,有啲已經學緊串字同blending
加上坊間各種教材五花百門,我好混亂,唔知應該點教佢好
最好跟返學校果套嚟教,冇咁亂。
我仔都係4歲,k2,英文識聽簡單指令,講就多數簡單回答,始終屋企冇英文語境比佢。
phonics方面學校教緊blending。
我果個小一先學 jolly phonics 但佢係跳級咁學
當普通oral 班咁上咋 冇咩特別
之前係驚同普通話搞亂
不過依家見好多都幼稚園學哂
我都問過學校老師呢個問題
佢話四歲左右未開竅
叫我唔使急
最起碼要識曬A-Z upper + lower case,睇+寫
同埋Phonics
進度有幾快,睇家長啦
6歲前係語言學習黃金時間,要好好把握
明白
佢識聽簡單指令,但唔太識講,he she it亂來一通(但叫做好努力嘗試講)
Blending就完全未學過
所以我都唔敢迫佢學,只係俾佢睇下英文video慢慢吸收
就係佢身邊好多朋友仔都學緊,我先疑惑
ORT, RWI, letterland, blending, sight words……五花百門
人地話睇alphablocks,我又俾佢睇
有媽媽介紹ORT套song bird好,我又買
買買埋埋望住一埋野,全無系統可言,所以覺得都唔知點入手
A-Z識睇識寫(大階無問題,細階努力緊)
今日睇片,老師教串August,逐個字母讀個音出嚟,估唔到佢又串到
可能我對佢太無信心
樓主了解左phonics 嘅局限未? 為左咩想學phonics呢? 參考呢段片(其實有幾段,我po一段比樓主望望先)
呢個係底,一定要打好,學Phonics前一定要識曬大細階
樓主小朋友學校有教Phonics,學校評估小朋友學習進度會考小朋友,所以佢呢個case小朋友一定要識
(考小一要比埋幼稚園成績/評估表,叩門都要)
學校用邊套教樓主就應該用邊套係屋企加強
我係懶家長,靠學校又冇上phonics
四歲半一般淺白嘅書都讀到9成,見到”expensive” 都識自己讀出嚟
其實唔駛太緊張嘅
我身邊啲過來人家長(有小朋友小學)都話K2升K3,同最好識寫字先開始去學phonics 。
咁我比你仲懶,我小朋友四歲,仲問番我咩字…
咁你同佢伴讀多啲啦. 認下sight word先。 要進步嘅半年已經差好遠。
其實我小朋友係識,但我唔明佢次次都話唔識唔記得,中文英文都係咁,諗都唔諗話唔識。。。
最R頭係,前一秒講完個隻字,下一段出番個隻字叫佢講一次,佢話唔識讀。(本書都無限LOOP左好多次)
多謝你意見
我覺得phonics係有用的,因為呢輪陪佢學,同佢睇故事書時遇到唔識讀的字都可以試拼個音出嚟,係有少少幫助的
我就係懶媽媽
一心諗住俾佢讀私校就唔使煩,結果依家要自己教返,頭都大埋