唔好為責任而生
咁佢當初就唔應該應承你唔生！
你識擔心會累左小朋友，但點解唔擔心累左老公？既然老公想要小朋友而你又唔想，你要重新想想你們的將來。
3個讚
好似係兩公婆婚前講好左唔生
而家可唔可以話係老公反口累左老婆…
生小朋友係需要2個人既共識
只是是但一方想都唔WORK
如果另一方為左要滿足佢既要求而生
咁對自己同小朋友都好唔負責任
當然係有case, 生左之後變得好中意小朋友
但呢啲case我覺得係少之有少
如果對小朋友無愛既話, 湊小朋友既過程只會讓你越黎越忟
有人天生好中意小朋友, 都有人天生好唔中意小朋友既
唔一定個個出世都有母愛嘛
溝通左, 話你既想法俾老公聽先, 我諗會比較好, 加油=]
btw, 如果一開始伴侶已經好清晰係要生小朋友而自己唔想既話
希望大家唔好害左對方 一開始就應該要表明到自己真係唔會生
唔好諗住話唔定自己會改變 性格同思想呢樣野真係好難改
p.s. 我真係好羡慕嗰啲明明話唔中意小朋友但又生到既媽媽
我好中意小朋友但我個B唔黎…(純呻, 不喜勿插)
3個讚
講得無錯呀，雙方一齊努力小朋友先有好嘅成長
純為滿足另一半而做呢樣野太太太大責任
雖然時間係有機會改變但唔係必然（我自己年輕時係話我怕痛唔生的，但唔係唔鐘意小朋友，到差不多要結婚同年紀開始大改變了）
祝你嘅小天使快來搵你，加油！
1個讚
你真係未見過D男人因為同一個理由會想出面搵其他女人
因為我見過
勸你一句，
對方想生的話，
先睇對方肯唔肯參與照顧，
同經濟有冇問題，
Ok的話不妨考慮生，
免得過幾年自己老左之後後悔。
吓，咁呢啲男人都唔使恨啦
為咗留個男人生，生完又係八成個女人湊，賠上廿年自由，為乜？
2個讚
最慘係好多男人想要小朋友，
但到生咗出黎又唔想湊又唔想陪小朋友玩，
小朋友既野乜都靠晒個老婆（講緊兩夫婦都要返工）
你驚唔驚你老公都係d咁既人先？
如果有機會就要好好考慮清楚啦
2個讚
我覺得佢就係呢種。丈夫有講生左出黎佢一定照顧到。但響我心目中佢係一個媽寶。
我都麻麻地小朋友(3-5歲都幾得意嘅) ， 但係身邊朋友都接連大肚生B, 就會諗下自己做嘅product 唔知會點呢? 但係一諗到宜家社會環境教育制度就更加卻步, 我覺得一出世就被中國人欺壓好慘， 係政治迫你輸喺起跑線…
我係一個唔鍾意生嘅人，不過結咗婚最後生左一個，老公呀媽煩到你生。但我而家錫到佢燶，日日攬攬錫錫開心到死！人哋小朋友同自己生嘅係冇得比，唔同feel! 如果你自己唔太抗拒，但生一個你c6開心死，我相信你哋嘅婚姻會幸福好多。好似我咁生一個封肚話知佢
還要接受,好大機會在社會工作時, 就算小朋友多努力,都會上唔到很高位置(高位都是內地的)
樓上好多爸媽都講得好岩
不再長氣重述
但人嘅想法真係會變
我講嘅野可能有少少離題
但你可以當係另一個approach 去睇下
我地係同樓主相反
婚前大家都實牙實齒話一係唔生
一係要生2個 因為一個好孤獨bla bla bla
咁honeymoon後努力備孕左1年先有
自然大家都期待
同埋當時以為已經做好「萬全準備」
但到生左先發現好多問題發生
例如
婆媳問題（以前有適當社交距離無乜磨擦，但有個孫就多好多問題，要ensure隊友幫到手）
邊個湊（原本預左長老湊後來發現唔work即請姐姐）
me time （的確少左好多，同埋疫情下衛生問題都苦惱）
我都好同意有爸媽話唔好以為一句「見到佢同我笑就心都甜晒」可以cover所有野
因為負帶嘅野好多
始終我地想法思考方式同上一代唔同（所謂天生天養）
學識多左 考量又多左
鍾唔鍾意小朋友只係好初步嘅考慮因素
或者搵外力幫手
令到大家可以搵到個點
eg 婚姻輔導/社處家庭服務社工面談
講返我地
原本咪話一定生2個
但而家一個已經令我地好攰
同埋資源/財力/土地問題/人手問題
已經令我地打消生第2個念頭
可能將來會變
但呢一刻我地好消晰，如果夾硬生出來
真係會handle唔到
7個讚
係, 而且移民作用都不大, 中國有錢外移嘅人係更多
btw, 我另一個想法係人類對地球同其他物種嚟講根本係災難, 無乜必要我都唔想延續落去
1個讚
其實細路階段得幾年… 唔明點解咁多人"鐘意細路"就生…
我真係識得有人講到明淨係鐘意細路, 大個左就唔鐘意…
心諗咩人黎…
3個讚
呢個疑問我都有，但唔敢問，好似好串咁
1個讚
我本身都唔鐘意小朋友，自私講生仔想老左有人照顧下，
依家生左呀女就覺得其實小朋友好可愛，
最緊要你到時唔好後悔，女人生仔係有個限期
我生完都係唔鍾意，好唔開心
2個讚
聽講d小朋友大得好快，18年後又係一條好漢。唔生都生左，唯有正面d諗
1個讚