同老公30 中想生, 但試左幾年都冇…覺得自己唔係勁鍾意小朋友, 疊埋心水唔生, 到30尾無LA LA 有左, 40 生… 正常人嚟講自己生既一定會鐘意, 但真係好累, 而家又要煩佢讀書…出街又會掛住趕返屋企… 當然 佢比我地既快樂都好多既~ 最後想講既係要生30中好生, 唔生都冇損失 
1個讚
我最憎人講，你唔生，老公出去搵第二個生
其實咁講嘅意思即係用小朋友綁住老公，但係其實turn out只係綁住自己
再者，老公如果唔再愛老婆，有冇小朋友都可以出去搵女人。
婚姻本身就冇保證
我覺得，女人係真係自己好想生，想生到單親都想生，愛到adhd自閉都愛先好生
5個讚
https://www.reddit.com/r/regretfulparents?utm_medium=android_app&utm_source=share
好多人話生左好少後悔，其實好多人後悔唔會夠膽講，因為咁講好似對唔住小朋友咁。如果睇外國forum. 會有多啲人share
6個讚
唔中意千奇唔好生
自己阿媽唔中意自己好慘 出左黎都想自殺
我覺得成段都好make sense, 唔明點解俾人話假膠
1個讚
定型概念，女性就係會天生好中意小朋友好想有家庭。fit in 唔到呢個模式嘅女性係不存在的 
哇原來有d咁嘅野！
唔鍾意小朋友千祈唔好生，最好結婚之前就夾好，意見分歧就落左訂都唔好結。
萬一！我係話萬一，A) 如果事前無協調，B) 又唔肯離婚；真係唔好怪人響出面借種。唔想做家務都請菲傭啦，奶媽陪月乜都可以外判，今時今日，點解房事/子宮唔可以？
2個讚
我廿幾歲果陣有好多野想做，所以諗都冇諗過生仔。結咗婚到左卅頭，覺得時間無多，開始諗生仔，但係原來唔係一攪就有，整整吓兩年幾先人工懷孕。係呢段備孕時間都有諗係咪一定要生呢，值唔值得畀自己咁大壓力，花咁多錢呢？
後來我諗吓我的成長，一直都係好大個家庭，父母各自有六丶七個兄弟姊妹，成日都好嘈好煩。我由細到大同父母兄妹關係都好差好差（日日大叫打交），可能咁樣我大學之後十年長期係外國讀書做嘢避開屋企。正正係咁樣同屋企關係反而好左，多左同理心。
反回正題，我當時問我自己，我成長咁唔開心，會唔會請願唔出世呢？有一段時間的確有咁諗，直至結婚之後，我覺得我生存係世界真係好，就算成長大部份時間都痛苦，但家人亦有帶畀我快樂同彆扭的愛，大家庭亦有一齊笑一齊喊的日子。情緒的起落，反思亦造就左今日的我，認識左一個快樂無憂嘅先生。呢個結論令到我決定無論咩方法，我都想生BB，有一個快樂版的家庭。
所以樓主不如都同你先生討論一下你哋的成長環境，同埋你廿年後的理想生活係點樣，小朋友都會有成長的一日，如果花啲心機，話唔定佢哋好早已經可以自理。
4個讚
我好同意，但有時又驚覺自己咁諗係咪倒退返去三妻四妾嘅年代。
1個讚
佢仲咩冇啦啦會好想要?
呢個有啲難搞。如果兩公婆都想生，但係身體有問題，搵代孕都可以。
但係如果係個老婆唔想生， 老公出去搵人生，好難唔離婚喎。唔離婚的話，個小朋友同唔同老婆老公一齊住？
1個讚
樓主如果唔生, 的確可能會失去老公架. 但係生左就包保老公唔搵女人? 或者更差, 老公唔搵女人, 但係其實唔湊仔.
係人都會變, 唔係淨係男人, 但係生仔係一世commitment, 萬一樓主或老公唔愛對方, 都要繼續為個仔付出.
我諗樓主要考慮, 樓主生左會唔會後悔先, 萬一生左老公其實唔湊, 會唔會呻中伏.
啲人話生左就中意, 樓主敢唔敢博先, 萬一生左唔中意冇得塞返入肚.
1個讚
太多性別定型，覺得女人天生就係要做老母
我諗住唔生，一來唔鐘意細路，二來資源有限，唔想一家大細生活質素下降
跟住就俾人話自私，冇責任感，淨係掛住玩樂（黑人問號？？？兩樣野有咩關係？？？）
女人唔結婚係老姑婆，男人唔結婚唔生仔就係鑽石王老五？
3個讚
當然呢個係一個哲學問題。
點解啲人話婚姻係束縛，可能係因為當有啲嘢做唔到/做得唔好，大家都唔可以搵外判。結左婚之後變成一個封閉社會，毋須要同人競爭，墮性令到所有質素急劇下降，而對方只能接受。
1個讚
好多人話憎小朋友唔生
小朋友遲早都會大, 等10年後大個咪唔憎囉 
1個讚
No offense, 除左因為童年陰影，我好好奇「唔鍾意/討厭/憎小朋友」呢種諗法係幾時形成。如果係響兒童就已經出現，佢地係點樣捱過童年架呢？一照鏡就討厭喎。 
2個讚
我就算生咗都唔係特別喜愛小朋友、純粹個人感覺、冇話乜特定原因、就好似有啲人一向對寵物冇乜感覺咁。
而且就算鍾意小朋友、都唔代表「願意」帶小朋友嚟依個世界、因為呢個係一世的責任。
咁我可唔可以歸納個原因係響「責任」度，唔鍾意小朋友其實唔係主因？
其實你點歸納冇所謂嘅
但當一個人如果講到明佢唔打算生
仲要比人問佢點解點解點解
咁佢答左「我唔鍾意小朋友」
又比人繼續問點解唔鍾意啊、你細個照鏡會唔會見到自己就憎啊？
答左一輪、又比人分析話咁你唔係唔鍾要小朋友、係唔想負責任遮…
其實唔想生就唔想生、唔係罪嚟傢喎。
4個讚