我同老公同62+工人姐姐一齊住，
62一向瞓大房，我地瞓細房。
本身結婚前話過婚後會換房，
後來62怕麻煩，唔想執嘢
（因為屋企99%都係佢啲雜物）
所以改口話第時有咗bb先換房
咁我提議唔換房不如裝修，
因為樓齡高，屋企都幾殘舊
崩花爛裂咩都齊！
而且電器愈來愈多，根本唔夠電掣位，
電線咁舊亦都唔安全，容易火燭
當然，亦都被我62 ban咗
覺得我多9餘
而家婚後5年，努力咗好耐終於有bb
但係62仍然企硬唔肯裝修！
但我地間細房唔好話放bb床，
連個肚大啲出入都有問題
為咗bb我好堅持一定要換房同裝修
最多淨係裝修間房，個廳我由佢
但係老公都企係佢老豆嗰邊
話間屋係佢老豆，佢話唔整就唔整
（但係我哋請工人都係為咗服侍佢
同所有開銷都係我地出
唔通咁樣都無說話權咩）
咁唔裝修bb瞓邊？
唔通要瞓廳瞓係雜物隔離？
一句唔想就大哂
62唔理個孫，老公亦都唔理個bb
總之老豆話乜就乜
連我執埋嘢返外家都無理我
好失落又失望
無諗過期待已久嘅小生命來臨
會搞到咁樣
做媽媽一定會為BB好,支持你
其實通常婚姻問題會累積,只不過係等一個時機爆發,要嚟嘅始終都要嚟,擋唔住嘅
當係一個新開始啦
多口問句，係咪得您想要bb？你老公冇特別想要㗎？
老公亦都唔理個bb << 大家都想有BB?
老人家行動力可以好低亦唔會想改變, 反口當食生菜!
佢兩個都唔企你果邊, 你一定好難受, 小心會屈到病啊…
係娘家休息下先啦, 娘家夠唔夠地方安置你同BB呀?
如果只是轉房問題，又唔洗企得太硬搞到自己都無灣轉，好多時軟功係有效過硬功好多
係咪一定要同老爺住？唔係就不如搬出去。如果間屋係老爺，佢又真係有權唔轉房唔裝修（尤其老人家住開唔願旭）。你老公企響阿爸果邊冇問題，但佢有冇幫你諗解決方法。BB出世的確要地方瞓同放嘢，佢有乜打算？
你因為轉房同裝修問題同佢哋吵大鑊仲要搬走，其實好不智，外人眼中你變左謀住間大房，用走嚟要脅，男家傳傳下可能會變得好難聽;萬一你老公真係由你返外家唔搵你，唔通你真係唔返去咩，咁就進退失據。 所以你不如拋返個波比老公，唔要大房唔裝修都得，你講晒要求，叫佢比返個解決方法嚟。
搬出去唔係唔得，除非62個姐姐佢自己出返錢
（62 現87歲已退休但有不少積蓄，屋企嘢從來無要佢出過錢全部我地出）
唔係我地要交租又要請多個姐姐太大開支
加上我老公肯唔肯離開佢老豆都係未知數
同埋唔肯換房一早就應該講
唔好一而再咁氹我有bb會換
而家個肚已經4個月，
我老公仲係拖字訣無諗點安置bb
我每次一提佢就發爛渣
我先忍唔住爆一次搬走
喊過啦，無用
唔換房都比個解決方法呀
唔係一句唔換就算
呢樣最嬲
我撐樓主，係呀層樓係佢老豆，但當初應承嘅都係佢，佢唔解決你咪搬出去囉，反正佢嗰度都冇得比bb瞓，你做媽咪為小朋友諗好應該
娘家暫時住下係可以…
長住就好難，得2房
阿媽一間阿哥阿嫂一間
我覺得最大問題係你老公多過你老爺
只能夠話你老公呃你上咗賊船
不過樓主，你都唔好太大壓力，有乜事慢慢傾，始終你有bb，健康最重要
小小嘈交都有，之前大家都有讓步
鬧到咁大係第一次
唔理我都算，
我都無諗過佢竟然可以連bb都唔顧
真係好失望
喊同鬧冇用，咁就行理性路線。
坐低同你老公冷靜（千祈唔好喊同鬧）傾一次。講晒要求，你既suggestion係搬去附近，甚至嚇佢，叫你老公出廳瞓，你換張細床比位放BB床。間房以後你同BB, 再反問返佢有乜建議，點解決。至於夠唔夠錢請工人比阿爸，你老公自己諗掂佢。
我都覺得係，ban好易，但要做一家之主唔該比個解決方法出嚟丫。比唔到，起碼都要傾。樣樣唔理真係冇承擔。
我都想冷靜咁傾，但我老公係極度燥底
一提裝修就發爛渣罵人拒絕溝通
話我好迫佢老豆
我又唔係要拆佢間屋
但連油個油換個地板都唔得係咪太離譜
（本身嘅木地板已經爛溶溶）
踢佢出廳呢個建議good啊
你地搬出去,62自己俾工人錢啦~
呢個仲好,我朋友屋企唔夠位果時都係咁做