唉老公企我呢邊就話啫
佢要做孝順仔點會咁做
你老公唔幫你同BB諗，你要自己諗多步。避開同老爺有利益衝突，唔好夾響佢哋中間，唔好比老爺覺得你謀住佢間房，矛頭指向老公就算
退一步等佢兩仔爺自己拆局。
「老公你瞓廳既話，唔洗搞到老爺，BB又有位瞓，咁樣變動最少，我諗老爺都同意
」
17個讚
good idea 
交返個波俾佢
一係第日放BB車係62大房
1個讚
我覺得ok，但睇我老公點處理啦
我走咗2日佢WhatsApp都無個
可能佢已經想放棄我同bb專心做個孝順仔
我覺得係good idea 
老實62咁老我就唔太想郁佢房了
你老爺同埋你老公而家都可以唔理BB嘅安排，我反而覺得BB出左世先之後先係最大問題
BB喊吓扭計實有㗎啦，一陣嘈親你老爺，咁佢趕你地走咁點算？同埋邊個湊BB？就算你係Full time mom，間中如果需要姐姐幫吓手，老爺同姐姐會唔會詐型？
3個讚
直覺話我知…
因為D男人唔知湊一個B, 屋企要空出幾多空間, 要擺、玩具、BB用品、BB大D又要走動。
要再教育
2個讚
唔好講，買！
乜都唔好同佢講，淨係買野！
俾佢感受下小朋友出世係要用好多野（簡接提示佢會用好多位）
買定尿片，衫仔，毛巾仔！
最緊要係買張bb床！
最好放門口，一出一入就頂鬼住！
「唔洗換房啦，bb之嘛！咪由佢訓廳囉，吹下風、病左、咪洗幾百睇醫生囉！夜晚喊咪等我慢慢係房行出黎，應該唔會嘈醒你哋既」
睇下佢哋咩反應！
13個讚
您老公真係不得了…老婆陀住個b，但都唔主動關心下…唔知您地平時點相處，但bb出世後，佢唔似會照顧bb…
4個讚
照顧自己重要！
咁既情況一定會唔開心！
不過都盡量放鬆下心情啦！
Bb既爸爸未識負責任，好彩仲有媽媽！
佢靠哂你！有你一個都夠！
加油！
2個讚
咪俾我睇死佢諗住等你冷靜幾日先搵你，廢事而家找你要投降
好多男人都係未見到個真BB都唔覺得自己係老豆，唔覺得屋企會多一個人。我懷疑佢而家因為有BB而有壓力，仲話要換房同裝修，無啦啦一次過比咁多野佢攪佢handle唔到。
我同意掉你老公出廳瞓先。到BB出左世開始越黎越多野佢就會知咩事。一步一步黎。D男人越迫越走。要慢慢「落藥」。
14個讚
係丫，樓主做你要做嘅嘢，買齊bb用品，然後叫佢自己解決
發脾氣得咁型丫拿
呢招好! 最緊要買張BB床，同老公講一係佢瞓廳，一係BB 瞓廳然後細房門要長開(方便觀察BB)。
然後剛出世嘅BB會日喊夜喊，老公老爺你地明㗎啦，你哋咁錫個BB, 一定唔會介意BB 喺廳喊，你哋被噪住無得瞓㗎，地方唔夠又無其他方法囉，你哋話唔可以裝修，又唔可以換房，又唔可以搬，一齊捱吓啦。
3個讚
唔好~
一陣真係變左分開訓就奶野 
一於塞爆自己間房先 老公BB係哂細房
等老公識做
但事實係間屋個名你老公都無份，唔係佢出聲就可以解決問題
兩公婆一個家庭，搬出去啦
解決唔到既，返娘家安胎係最後選擇
1個讚
如果連而家你老公都唔會為你出聲，真係唔洗點諗日後會出聲，咩都唔綵諗住，係娘家養下胎休息下啦，等你老公自己諗下個老豆係咪陪佢一世，老婆仔女都唔洗要！
2個讚
我衰d諗 樓主老公係咪驚搞到佢爸爸唔開心會唔留層比佢啊
唔好介意我咁講…
你老公行動力極低，而且要做裙腳仔
唔係孝順仔
顧家嘅話，自然老豆老婆都照顧到，而唔係咁樣…
就算唔掉嘢，至少要整整齊齊，縮減雜物空間
當然希望執拾其間，可以掉咁d啦…
5個讚
你去二手搵張free嘅二手床/玩具，拎番屋企擺廳，等佢地感受下實物嘅大細先
有左bb, 唔洗下下講離婚，智取都好緊要。
點解唔買新野放？ 因為你會俾人鬧做乜咁早買，但二手係講timing,人地俾到就要要
香港師奶成千上萬，實幫到你諗計
18個讚