尋日21/8去催生，生咗17個鐘終於出世
但係我生果陣又發燒，又冇力生
搞到佢出世缺氧，而家插哂喉訓緊NICU…
醫生護士個個都講到好少事，老公去睇完都話好健康，係要觀察下姐咁，搞到我唔敢去睇bb，我驚我見到佢會喊…
7個讚
加油。我b果時低溫佢又係瞓係箱要聞氧氣。我真係日日見佢都喊。不過其實佢地有醫生護士照顧。之後我出院佢仲係醫院。我反而諗返起果時有好好既休息。又可以泵到奶佢飲。
我細仔到而家2歲係好有安全感既小朋友。所以原來果時諗好多覺得佢冇人理好慘果啲野係只係自己諗多佐。
你自己要好好休息。飲炒米茶快啲恢復先可以有力湊佢啊！
4個讚
咁講得應該冇咩大問題既，做左人媽咪要堅強啲，唔好跌咗落個窿度，正面啲。
當初我女出世蠶豆症+唔夠重唔俾出院，都要入加護病房2星期，我都係喊到痴哂線咁
，其實以家諗返根本好小事。
4個讚
個個都話冇事，醫院又咁多人看住BB，唔好擔心咁多啦！你而家最需要休息呀，乖乖地快D瞓啦，遲D有排你忙，想好好瞓個覺都難呀！瞓醒覺聽日咪去見BB囉！
5個讚
明白你，對唔住講句，冇力生點都要捱埋佢，我生第一胎，我都係生到冇力，比姑娘話我唔識用力，我好攰，但當姑娘話我一定要生，如果唔係BB就要用吸盤、甚至缺氧，我個腦突然間好清醒，即刻用埋最後嗰啲力生，出咗嚟，因為我小朋友出世有8磅，頭大，所以難生。
明白事情已經過去，你當時一定係好冇助，希望BB早日康復，你要去多啲睇佢，等佢自己媽媽係為佢加油，準備健健康康咁出院。
醫生護士好專業，會盡力幫你照顧BB, 你啱啱生完都要照顧好自己。
千其唔好諗返自己果時夠力定唔夠力，個個媽咪生仔都係揾命搏，你都已經盡曬自己最大努力。好好休息吓，第日等BB出院再好好照顧佢 
2個讚
冇事既！
自己休息好，等bb出院自己可以用最好狀態湊佢
bb 好似攣攣頭髮，眼大大，好可愛呀！恭喜你 
你身體點呀？發燒好啲未？
醫生護士講得出冇嘢，應該就真係冇乜大礙，平時佢哋好保守，未真係出院都唔會講呢啲嘢。
作為媽媽見到自己bb 咁一定會好難受，又唔開心又擔心，同埋啱啱生完啲荷爾蒙又會亂龍，你有啲咩就上嚟講啦，唔好屈住。
唔好怪責自己呀，你自己唔舒服仲完成咗個大project係好犀利，bb 大個要多多錫錫媽媽 
8個讚
睇佢又有啲肉地又唔係咁瘦
媽媽加油。bb 一定健康冇事嘅！
Bb 夠38周又有醫生護士照顧，唔會有事。好好休息之後要湊bb啦
恭喜晒！
1個讚
唔好比荷爾蒙作怪嚇自己. 無事既!
加油呀，好快無事
果時喺bb病房都見好多瞓箱bb，照顧得好好既
醫生都係play safe俾bb留院觀察下者
佢地同你講少事就真係少事
通常情況嚴重既佢地會同家屬講真話
BTW，bb初生都有好多肉肉呀！好強壯！
足月B+醫生話無事，別想了，比心機照顧BB，做了媽媽個人會變得好強。
睇bb張相都幾肉肉丫
做媽媽的，要對bb同自己有信心
加油呀！祝bb都健健康康
你已盡力，唔好怪責自己。
其實坐月媽媽情緒好易波動，小小嘢都會覺得好大件事(我果時見到bb入箱照黃都可以喊… 
)，當你回復正常諗返轉頭就知果時係產後情緒影響諗多咗。如果醫護人員個個都覺得好小事，信佢地專業啦 
1個讚
恭喜媽媽
BB好可愛呀
冇事嘅，觀察下啫
唔好自己嚇自己，加油