媽媽加埋, 好好休息, 祝BB健康!
媽媽加油！ＢＢ一定健康成長
祝福bb， 媽媽休息多啲，bb好快出院回家
你要好好休息，出院有排你忙呀！
bb係NICU大把人睇住佢，你攪搞自己先～
樓主我都花左好大勇氣回你
我好明你感受
其實我小朋友第一日出院
就入返院
因為佢一返無耐就嘔（奶都未食）
嘔得好勁 面都紫晒
仲要有啲黃綠色
我驚到即打999 call白車
仲要救護到發覺bb太細
車上儀器都度唔到pulse（但阿b仲醒）
之後去到急症仲要照x ray，醫生驚係腸胃有事（因太細要爸爸陪，但爸爸無得著任何protects）
最後只係話應該佢喊太勁，呼吸困難嘔
住左2日保溫箱先出院
我想帶出係
我嗰時一路同護士講乜事我都一路喊，因為我新手
個bb咁細都唔知點解會咁，好怪責自己
但所有bb生命力好強嘅，唔係點經歷10個月出黎呢個世界呢？
我隻B住箱嗰2日都好努力食奶，郁來郁去
我相信你bb都係會咁
佢會好努力，好出黎同媽媽玩ga
你擔心之餘都要好好休息
之後有排妳捱呀 
ps 我小朋友而家21m了
時間過得好快
7個讚
無事～我識好多朋友都係咁，因為安全起見要插喉，之後勁健康，去睇下BB啦～生完梗係要望下自己個B，生得咁辛苦，喊咪喊囉，個時我個仔黃要照燈我都喊啦
樓主，你而家最需要乖乖地調理身體先，
放心啦，BB有專業嘅醫護人員照顧住，
好快可以一齊返屋企㗎啦！
加油呀！
第時多啲上嚟分享吓BB相吖
不用擔心
我生b 時又係發燒
Bb 一出世就去咗 加護房
有醫生護士睇住
冇事嘅
而家bb 肥肥白白
生長線75%以上
行得走得
既然醫生話冇事
你就放心休息啦
醫生講得少事即係無乜事，女女眼線好長，應該眼大大
好靚女。
我仔嗰時醫生講到好嚴重，我都自責到死，佢都係健健康康仲喺到，升小三了，香港醫學好倡明，你心情好，bb快啲好。
加油, 祝福BB快D好返
1個讚
媽媽同bb都加油 冇事既！
BB係醫院有醫生護士照顧先至係最好啊，最好check清楚退埋黃先至出院，咁到時你就舒服好多，唔使驚坐月跑來跑去啦
加油呀
祝福
BB是很堅強的
加油，好快無事
媽媽好叻啦，順產其實真係好難，我第一胎完全唔識用力，又冇力，一邊生一邊好自責點解自己咁冇力，都搞到Bb飲左胎水，一生出黎唔識喊，嚇死我！
你BB插嗰條係胃喉，用黎餵奶架咋，可以確保佢有足夠營養，而且條喉如你所見係極幼細，Bb唔會覺有好大不適。
BB可以用鼻黎聞氧氣即係情況都唔壞啦，你望下佢皮膚同嘴仔都咁紅潤，又有肉地，真係夠哂肥出黎架啦！
雖然你見到佢博住咁多嘢，但其實都係好基本嘅嘢，用黎觀察佢同以防萬一要用咁，所以真係唔洗咁擔心同自責！好快出院架啦
1個讚
明白樓主心情, 但放心啦… 真係好少事, BB 會平平安安健健康康返屋企架… 你依家最重要好好照顧自己, 你要身體好, 等BB返屋企, 你就有排忙啦… 加油, 媽媽…
樓主8月尾生左 bb,bb 應該出左院未呀?點解咁多人推舊 po?
您好呀。我啊B岩岩出世冇耐 都話有蠶豆症。好傍惶 想問蠶豆症有冇咩特別需要留意？除症蠶豆 臭太 藥油 薄荷野 仲有其他嗎？
你上網睇會更清晰
只有一樣嘢分享，我由細到大都叫佢如果人哋件衫有臭丸味就要走開，佢反問我臭丸即係咩味
1個讚
如果你餵人奶的話，你都要避免接觸呢啲野，如果你睇醫生要話比醫生知餵緊奶，bb有蠶豆症，醫生識就住開藥