我試過喺個博物館同個當地人傾偈，佢好博學，我學到好多，有傾有講
不過就冇交換contact，都有啲後悔
1個讚
喺日本京都渡月橋個殘廁幫我女換片, 換完佢話唔好走要同姐姐玩…
我同阿媽不解, 隨口問一句: 邊度有姐姐呀?
我女指住個角…(無人的) : “果個囉”
嘩~果下真係陰風陣陣…嚇C我…即閃 (我女果時2歲)
4個讚
N年前係長野自駕去個雪場，點知上斜時有D留後，當時我地一家三口有點進退兩難，仲有D死火，之後有架7人車經過，佢停左落黎，之後有6個日本年青人（12-15歲左右）嘗試幫我地推車，當時周圍冰天雪地，好感激好感動，雖然最後都係上吾到去，但佢地又教我地用第二條路入雪場！
1個讚
冰島自駕，好大風雪，剷左落邊上唔返去。有兩駕車停低幫我地block住條路唔好比人撞到同埋幫我地推返架車上去。
呢個好驚呀。。。
同朋友去外國自駕遊
轉彎位有架車沖出嚟之後撞車
你知啦喺外國好淆底
我同朋友唔敢落車
等對家個外國人落車主動溝通
點知最後落車睇番原來只係皮毛刮花
喺橫濱搭火車諗住返新宿，途中懷疑有人闖入路軌至停駛（猜測因唔識日文），跟著唔知轉去邊個月台搭返新宿，企左一陣有日本人指示我跟佢一齊行，最後搭返架正確火車返新宿
京都體驗和服，不停俾外國人截住影相，影到行唔到，同行個啲又冇喎，可能我肥，好襯和服
星加坡MRT，我女行得慢一嘢閂左個門閘左佢係月台，個時好似10歲，嚇到我地係車入邊指手畫腳猛叫佢唔好走開
我最驚既情景
大約十年前 同先生去泰國某小島 出席佢朋友婚禮
超荒蕪
落機要轉細機 大飛 Tuk tuk (總之好記得搭左5種交通工具先到）
同佢朋友住唔同酒店 係要坐大飛 & tuk tuk去嘅
完成婚禮後大風雨 我堅持要走 因為我戴左con 唔可以戴住過夜 
上左大飛 出到海好拋 飲左唔少海水
超級驚 不斷祈禱 
最後連船家都話唔可以再繼續 是但掉埋我地上岸去左條小村
當年完全未有google map, google translate… 搵到間靚ddddd嘅酒店，佢地部信用咭機壞左 
我地又唔夠現金
最後轉去另一間旅館 我用支樽裝水個蓋浸con過夜… 第二日戴返
仲有搵酒店期間，我地行過條木橋
因為無街燈又無電筒 我踩左入個爛木位度 成條腿穿過條橋
條腿俾木界損 & 瘀曬
呢個算係最最最最驚險嘅旅程
亦好後悔點解自己咁硬頸堅持要走 真係以為自己會死呀 
2個讚
我畢業旅行幾個女仔自己去台灣
落飛機攞行李嘅時候
其中一個人個袋入面個M巾袋瀡左去最入
我哋同行全部人都係小矮人所以掂都掂唔到
而且因為落機啲人企晒係走廊攞野所以請唔到空姐幫手
結果超唔好意思咁請坐前一排嘅先生幫我哋攞返個 [化妝袋] 落嚟
然後呢個朋友就比我哋笑到而家
1個讚
哇大家都有驚險事發生
我試過去國內旅行坐啲好危險電單車(買公車車飛但要坐電單車由車站去公車)，個司機見我驚仲特登表現自己劉華一面：轉彎時勁斜貼地咁濟! 我最後嚇到嗌唔出聲
有次喺日本準備過馬路時，離遠見到有火車就快經過，咁咪企喺度等囉，但見啲日本人拿拿聲過，心諗仲過馬路嘅？！然後有「咚咚咚咚」嘅聲音，有個閘就從天而降，降喺我哋同行兩排人嘅正中間
睇日劇睇得多，到自己過馬路時就冇為意。以為好似香港輕鐵咁，企定定就安全，差啲畀個閘扑濕個頭，而且企前排嘅人仲好老尷，因為冇stand behind the yellow line
一次去柏林旅行join咗free local tour
(即係tour完隨心俾小費嗰啲)
遇到有個聲稱自己本來喺美國教history嘅老師嚟做導遊
講得超好勁多detail位超晒時
佢話教書嘅時候無一個學生肯聽，心灰意冷所以做導遊，起碼join得嘅都會有心聽⋯⋯
自此去到啲有歷史嘅城市都會試吓呢啲free local tour先自己行
4個讚
泰國旅行，除con時隻con爛左，有半隻con攝左喺眼（本身好少戴唔熟手），大雨下老公駕車同我去急症室撩返出嚟
好多好多年前返大陸玩，同老公兩個人坐摩托，行左一陣司機話前面有交警，要是但一個落車，結果我老公落車扶住摩托車尾行……後尾先識驚，如果師傅一野駛走，我就大鑊了（咁當然後尾老公有上返車啦）
好恐怖喎，尢其係海上面拋個時，如果係我估計會爆喊
咁後尾你老公有冇怨你？
題外話，我細個試過用即棄con戴左2個月冇除過，乜事都冇。
我試過同朋友係日本超級市場失散,（後尾搵返發現係溝通錯誤，get錯大家意思）
而當時因為一齊租wifi egg, 當失散時就一個有wifi一個無wifi，所以都係聯絡唔到，而最大問題當時係趕住夠鐘搭jr去機場！
幸好好快搵到附近麥當勞有wifi先聯絡返, 最後一額汗咁又驚又趕咁衝去機場
咁驚 兩個月無除
一年暑假一家人加我媽同細佬一齊去台中，已經去到最後一日，下午兩點就要飛番香港。一早食完早餐，打算去台中科學館參觀完，吃過午飯就離開。離開酒店看見大門放滿祭品，有點怪，前兩天都沒有見到。
科學館相當有趣，有遠古恐龍化石到現代，十分有趣。到最後是生命教育館，介紹人生盡頭包括葬禮和器官捐贈。已行了一個早上，媽就跟其他人座在中間介紹器官捐贈放影片間座位上小休。小兒子就拉着我去了播放天葬的小間隔內看影片。幾分鐘後影片播完，我俩一心想去找其他人一起去午飯，便去原來他們的位找，卻找不到，想他們可能等太久了展館欣賞其他展品，便在生命館走一圈看，如事者找了三遍，都找不着，便想會不會在外面呢？便相返方向離開，在大堂找不着他們，已經過了差不多一小時，想最後他們也要回酒店取行李，不如到酒店等，正想離開，就見到其餘四人在館內行出來，說等不到我倆時間已經不多便出來看看，奇怪的是他們一直没有離間原來的座位，當時亦非十分多人，只是三五排座位，每排四五個座位，竟然互看不到对方，當時還没有低頭族玩手机。奇怪得很，但也没有時時間再深究，怱怱吃個午飯便回酒店取行李，回到飯店跟店員談起門外的祭祀，才知道當日是農曆七月+四。
1個讚
試過去越南旅行，搭的士去機場返香港嘅時候，d現金用得7788，重要大塞車，一路搭一路驚唔夠錢俾再驚趕唔切，好彩岩岩夠俾車錢，飛奔去櫃枱checkin, 以為好彩冇咩人唔洗排隊，老公望真d原來已經checkin下班機，嚇到呆左，好彩最後都俾我地上機返香港