個時細嘛，唔識死
通常我都會避開農曆7月去，免得有無形壓力
如果講果D，又係N年前，住池袋半夜酒店房個電話響，當時我老公聽，佢答左U GOT WRONG NUMBER收線，之後係立即有人拍門，係急速咁拍，我兩公婆即刻彈左起身，吾敢開門，我地遠遠望下門底條la有冇影，但咩都睇吾到，之後我老公用廣東話問"搵邊個"，之後就無聲。我地好肯定無人知我地住邊間酒店，無可能有人搵。
細個同一班網友，去日本出卡拉地方睇演唱會，趕唔最尾班JR，結果瞓火車站，好似睇日劇咁，凌晨有啲醉酒西裝日本佬係度唱歌醉酒鬧事，好有趣
有講咗幾句但係都唔多
因為佢都知我嚇到賴
咁滯 仲要跌左半個人落橋
自此一去外國就帶勁多cash
唔辛苦架咩? 
我帶住佢瞓著半個鐘都乾到死
可能天生眼比較乾
所以咁堅持要走
又見啲船家都開工諗住實冇事
點知… 
唔記得咯，好多年前了
去法國迪士尼玩，已經冇睇煙花同check好尾班地鐵時間再另外預早一個鐘走盞，點知坐坐下架車停左，全世界落車要由一個站行去另一個站，當地人好熟練咁行得好快，我哋就跟住啦（其實都好驚佢哋係行緊番自己屋企⋯⋯）問題係行行下分成兩班人⋯⋯死啦！跟邊堆人好？Google都唔知其實佢哋行緊去邊個車站！仲要法國夜晚真係靜到成條街冇乜燈又冇的士冇人！如果走散左想求救都好難。
最後好彩跟到班人落另一個地鐵站⋯⋯仲要都係尾班車！冇時間睇架車岩唔岩，啲人都係跑住咁上車⋯⋯我地都唔理三七二十一上左車再算⋯⋯然後要重新決定回酒店路線⋯⋯
十幾年前係東京 , 個時完全唔識日文.
大約晚上11點左加時我一個人係夾機仔店睇人夾公仔洗流連左幾個字.
有個警察走黎同我講野. 我完全聽唔明佢講咩.
之後佢問我WHERE DO YOU COME FORM. 我答完HK 之後佢用日文唔知講咩就走左了.
我其實到而家都好想知到底佢想同我講咩>_<
可能見你一個人半夜喺街流連所以問下啫
我一直諗佢係咪以為我係小偷所以之後都好驚 
之彼立即返酒店了
有機會，可能見你齋睇人自己唔夾，通常遊客會好投入夾
我十幾年前都有去大阪啲夾公仔舖玩，大約十點左右
其實都幾多人架喎
岩岩又諗起一個。
早幾年同老公（當時係男友）係英國返香港。果日我地坐Heathrow Express去機場，已經預鬆好多時間，但係火車行緊中途有D故障就一路等左好耐。我地諗住再等就趕唔到飛機所以係下一個站即落車轉black cab。最後去到counter岩岩收左趕唔切，要買下班機機票，但係我地又唔想返屋企再去機場所以係果度等左好L耐。
上到機，差唔多到香港果時前面果個鬼佬話比人偷野，佢個袋放上面行理架，錢都放埋入去。我咁岩合埋左眼瞓覺睇唔到，但老公話認到有個中國藉男子行過埋去個行理架度，被人偷野果個人都話係佢。最後要等機場警察上左機攪一大輪野先可以落機，而我同我老公仲留左係度落口供。後尾發現原來果個中國藉男子由lounge一直開始跟住佢。所以大家記得上飛機錢一定要跟身。果程機攪左幾十粒中，好L攰。
度蜜月嗰陣時因為有一轉係domestic flight係唔同airline，所以要拎晒行李走再Check in
咁啱上一班flight又Delay左所以落咗機已經係拔足狂奔
去到Check in Counter時間啱啱好，但嗰條友話搵唔到特衰護照呢個option喺佢個system度登記。
睇住時間係咁過又就到Final call嘅時候勁緊張
喺呢個時候，佢隔離櫃位有個利君雅咁嘅樣嘅姐姐走咗過嚟8下咩事，一開聲就問：「你兩個係香港人？香港出世架嘛？」我哋呆左，反應過嚟之後當然係咁話係呀係呀咁
原來個姐姐都係香港出世，移民過咗去英國幾年
好彩有佢我哋先順利上到機⋯⋯
1個讚
法國番香港，係芬蘭轉機，原本因為起飛遲左搞到轉機時間都好趕，點知過關嗰時，我拎特區護照，老公拎BNO，過關條友兩本都唔識！係到拎住本嘢睇黎睇去，又問下隔離同事，隔離個位明顯年長過佢，但解答完佢之後都係表現得不理解，又繼續翻來翻去睇完又睇，搞左勁耐，我地就企係到等⋯⋯勁驚上唔到機！
最後佢都係不明不白咁打印，然後放我哋走⋯⋯
先講恐怖嘅
同朋友跟團去土耳其，夜晚某酒店入到房無耐突然跳電制，伸手不見五指
職員上黎整好一次，又再跳⋯⋯
我同朋友諗住落返大堂換房，
入𨋢之後𨋢門閂到一半又彈返開，連續兩次⋯⋯
去到呢一刻我哋都仲以為純粹機械故障
點知換咗房返上去搭𨋢我太老定，
竟然走去掃吓𨋢門係咪有感應⋯⋯
咁結果梗係無啦。
另外一次喺吉隆坡，瞓一晚第二日轉機去喀比，一入房浴缸存咗啲水無清理，間房又暗⋯⋯上床每每一入睡就天旋地轉，完全瞓唔到⋯⋯搞到我唸咗成晚佛號
少少驚險嘅：
跟團去雲南，同團有幾位南洋華僑貴婦，喺昆明某廣場俾2個後生仔睇中咗（唔好諗埋一邊，係偷嘢啫！）我哋一團人圍住聽緊領隊講嘢，
嗰兩條友就喺貴婦身後零距離貼住貴婦，
我哋發現咗之後立即反包圍嗰兩個𡃁仔
圍到佢哋即走
𤓓爆嘅：
馬爾代夫住水上屋，好開心好興奮啦～
不過唔係咩頂級渡假村，一排水上屋屋貼屋距離好近好多間嘅。
衝落水玩咗一輪，同伴上咗樓梯沖緊身，我喺後面望到⋯⋯大鑊！上錯隔離屋！！！
岩岩閃返自己間屋就聽到隔離屋開露台門睇吓咩事，無兜口兜面撞到正但都真係𤓓到爆
2個讚
住過大阪關西機場間日航, 本身都唔係敏感人士, 所以無咩特別! 因為阿仔個時仲細, 應該4 歲左右, 咁我將兩張單人床拍埋, 不過有床架頂住拍唔埋, 咁攝左張被係條隙度, 防止佢係中間跌落地。個晚瞓到半夜3 點幾, 我突然紮醒, 唔見左個仔, 即刻搵廁所啦, 無, 搵晒成間酒店房都無, 衣櫃都搵埋, 最後掀開床單, 係床下底見到佢, 佢仲要碌到入最中間位置瞓緊。我老公勁醒瞓, 佢話一直都聽唔到佢跌落地下既聲, 我哋一直都諗唔明, 阿仔點樣碌入去, 又無聲…成件事都好怪~
巧驚驚喎 
家族旅行、舅母帶埋佢個妹，身以我同佢同房、去到半夜佢無啦啦破地獄咁大叫唔知up 乜、我初時以為佢發惡夢、但之後又坐埋起身、個頭兩邊擰…
我就驚到亂晒龍、用youtube播心經、個口不停背主禱文、背到第五次佢就自己訓返。
驚到死，一開床底佢仲要背住我，我堅驚佢無氣，驚到叫老公拉返佢出嚟