你地裝修屋企係自己DESIGN定出去搵人設計?
同埋點搵好既裝修公司架?
自己諗，多睇家居雜誌，留意近年裝修風格，啱自己就mark低，同裝修公司講大約點裝。
1個讚
自己知自己個荷包 根本請唔起設計公司, 主要睇台灣裝修page “100裝修page” 抄襲 ^.^
我覺得除非你係好有錢 全部野可以用最靚既而唔志在 咁就可以直接搵設計公司一條龍做晒
但一般黎講其實自己都要擺好多心機落去 知道邊d物料係邊d物料 想要邊種風格（最忌就係無諗清楚 依part想要咁 依part又想要另一樣 咁出黎就會好唔夾 因為唔係個個師傅美學都咁好 亦未必岩你心意）
裝修公司 價格比較相宜 但要好知道自己想要乜野 如果唔係只要物料一用錯 成個感覺出黎都會好唔同 師傅只係execution 你要知道你要乜唔想要乜 大概最好知道少少用料同物料（睇書上網可以學）
設計公司 會收設計費 同埋家私同櫃好多野都會一齊訂做埋 依d搵佢地訂做既野係最貴既 睇下你想要屋企係好多組合櫃定係想自己出去買家私 但係當然就會有個人去建議你點樣先可以做到自己想要既風格
2個讚
多謝意見 因為我對呢方面完全冇認識 知自己想要啲咩(無印風) 應該不會太貴吧, 但因我家有成20幾年冇裝修過, 所以又好難講…
你講開muji，其實佢哋都有室內設計服務
家居嘅話係唔收費，佢哋會用自己嘅傢俬advise 啲裝修，如果買返佢啲products 仲會有折添
咁好家居室內設計唔洗錢？呢個真係唔講唔知！！thx a lot!!! 
睇budget啦
無乜budget/想慳錢就搵判頭直接做
如果對裝修完全無idea就可以搵designer
我自己為例，我好有idea+想慳錢，兩次裝修（全爆）都無搵過designer
不過自己要好有認識同跟得好足，要勁上網做功課
係呀，我兩年前整，預約plus 比屋企嘅floorplan 佢，大概一兩個星期會同designer 見面，同埋我果個designer 真係唔sell 我，只係話兩星期（之類啦）內訂佢既野有優惠
咁勁？本身學過design/對呢方面有研究？成日都好想好似日式啲屋咁有啲小玄關懶係周到user friendly既設計咁 
btw到時第一次裝修我都好驚會比人搵笨唔識同人講數
好有用既資訊 謝謝
有時間有能力，自己design, 自己搵料
無時間無能力，交俾人算啦
都有大概既模係個腦到既 不過諗住再上網睇多啲再鑽研下豐富下設計
其實睇你BUDGET
我自己就去九展, 果度勁多DESIGN 公司, 會幫你整到好靚
但至少十萬起跳
無錯, 裝修係可以煩到你癲, 唔好睇少個壓力, 同你搞結婚搞唔多咁大鑊…
所以真係睇你有冇時間自己搞
我自己有啲啲藝術細胞同各種執著，所以唔鍾意其他人幫我設計 份人亦好唔捨得花錢，所以我自己度呎、畫圖、揀料比師傅整，好化算～至少平50%
其實上網就已經睇到好多設計，淘寶都有好多例子&可以買設計圖參考～唔洗讀design都做到。
我住左間屋兩年，依然好滿意自己嘅設計。
朋友父母搵判頭做裝修 中間完全無經designer
父母都唔識太多 結果錯漏百出
例如: 開唔盡櫃門會頂住 (超多咁情況); 坐廁向企缸入面 (唔係唔夠空間, 係唔知點解要咁做 
)
除非自已好用心做好多功課, 否則designer錢未必慳到
「無印風」先決條件係家中冇咩雜物，衣履鞋襪要少。
你可以掉好多野嗎？
1個讚
手工和設計, 哪樣較重要?
有特別要求例如大改動, 慳位設計, 最好搵多幾間倾下, 設計公司有自己的風格和強項, 不是全科萬能的. 設計公司會多點修飾美觀的東西, 有電腦圖, 師傅問題可向設計師反映免尷尬, 但如果公司找一班徒弟或打散工的來做就沒辦法了.
搵師傅好處是自己開創裝修公司的師傅多數較老經驗, 自己做手工較有保障, 舊樓拆開後如有問題師傅多會主動提出.