我就係驚自己設計既話會有呢啲情況出現 始終我又唔係專業…我會上網睇多啲 盡可能買本書睇下 起碼知個概念係點先！
好勁…慳咁多睇黎你真係做足哂功課…畫圖係電腦畫？冇模擬𠴱啲我好難具體去同人表達個設計
去地產裝頁
搵自己屋苑
睇下人地點裝
參考下
呢D正常裝修師傅都會提醒下?
我覺得同人講數好老土，大家簽曬合約有咩書好講呢？
唔係無提醒
而係無咁嘅sense去提
你話要衣櫃+把手 我咪做曬俾你囉
點知開得1/3俾條窗簾軌頂住 
佢係交足貨 但係外觀、設計、用法完全唔得
仲有朋友個case係父母要做裝修
可能年紀比較大 設計sense都無乜
見到真係交足貨喎 就收貨
然後住落 用落啲野全部唔順手
咁真係好難搞
唯有調傢私位
搵designer都會有呢個情況
所以最緊要係自己把關
唔好玩啦
訂造呀，點移位
認同呀
始終做完間屋自己用 自己住
合自己手勢口味最緊要
yes
所以自己一定要做好功課，同埋諗下點去規劃間屋
尤其係廚房，每人使用方法都唔同
要講既野多到你唔信 開工後一定有野會想叫你加 但如果你唔識都唔知係咪真係要加
簽合約之前個價亦都預左比你壓 我壓左5％ 都幾萬
同埋樓上有人講得岩 每人使用方法唔同 裝修師傅覺得好未必你會覺得好
下下講價
如果我係判頭/師傅都無癮
好師傅難求，我搵得嗰個師傅，當初一定覺得佢信得過先搵
要慳錢，我會係物料方面著手
師傅人工/手工最重要
無心機幫你做，用貴料都浪費
1個讚
同埋都要睇睇你間屋新舊 預算
因為如果間屋舊 可能預算好多會落左重新修牆 水電之類
但如果係新屋裝修 就可能可以有多d預算請desinger
最緊要問多幾間 價錢就係可以差好多
我試過一間同另一間爭25％，又試過開始裝修後師傅外加既野起碼加左6，7萬，假天花一開始開價9000 話太貴 佢話5000幫我做埋
壓價唔一定要話個師傅做d野唔值 可以話係因為自己預算問題架嘛 好聲好氣講唔一定講價就等如壓價
提你一樣野： 裝修期間買定水、 飲品俾師傅們， 佢哋會對你間屋上心啲
我用免費電腦apps做基本design，啲櫃同組裝嘢係自己用小畫家畫（都係直線咋嘛），畫係張相到就好易明安裝係邊，再寫埋數字大小，亦會比參考圖個師傅。
我其實係當興趣咁玩，冇特別做功課
裝修師傅係溝通過程都會比好多意見同佢嘅經驗之談，我就會調整一下自己嘅最終決定咁，互相協調。
同意！講價其實有少少唔專重，我寧願搵多幾間報價，用最信得過又抵嘅囉，如果佢想做你生意都自己識做啦。
當年我連牆磚地磚、廁所洗手盤鏡櫃、成套廚櫃等等都係淘寶，比起香港地舖啲價平勁多！
裝修過程冇加價，就算我之後加嘢要師傅幫我裝佢都冇收番我錢，互相尊重。
1個讚
咁個師傅唔Ok喎，我唔識裝修，淨係按喜好design完比師傅，佢都band我勁多嘢，會解釋番我知點解唔做得同埋點做先好用，咁比較之下我個師傅真係好有責任心
我裝修過1次咋，以為個個師傅都係咁先正常。
又唔覺得講價一定係唔尊重喎。。
又唔係壓佢價迫佢平 都係好聲好氣講清楚budget幾多 睇下有無商量既餘地 都係互相合作既一種
可能我屋企多野啦 裝修過程都好多野要我加 佢覺得點整好d 但我覺得超預算咪商量囉 都係互相尊重
想慳到錢或買到性價比高既野，都要自己做啲功課。我搵了師傅裝修，佢地好多時報價都唔包料（e.g 地磚、門、龍頭、電制etc)，呢啲可以自己格價搵靚野買，唔洗下下都係師傅買埋…講真 師傅邊得閒周圍幫你格價丫。