識人個小朋友6歲，日日都鬧工人姐姐：
Shut up you idiot!
You are an idiot!
Are you stupid? I said stop it, you idiot!
講緊一日可能鬧20次左右
佢甚至會咁樣鬧屋企人
而佢屋企人係冇人阻止佢咁講嘢 
連話下都冇
好想知有幾多人接受到小朋友咁樣同你講嘢？
–
（其實我都係呻下，個小朋友又唔係我，我做唔到啲咩，已經同過佢屋企人講，佢咁講嘢好冇禮貌，但佢屋企人唔理。你話個小朋友，個小朋友就答：whatever 
完全冇侮意）
（其實個小朋友仲有好多問題，好似一日玩9-10個鐘ipad，而且距離得20cm左右；日日凌晨3點先瞓；極度偏食，全部原型食物都唔食，只係食加工食物，腸仔、炸嘢、午餐肉等，水果生菜更係出世到而家都從來冇食過；唔識控制情緒，6歲仲成日尖叫，開心又尖叫，發脾氣又尖叫
自己睇到好無奈，我外人做唔到啲咩 要同佢屋企人講都講咗，佢屋企人仲要覺得佢係聰明先唔聽話 6歲連「大」「小」呢啲字都認唔到，我唔覺有幾聰明，而且禮貌同聰明係兩回事好嘛 ）
呻完
補充：個小朋友3歲已經同呀爸講：I’ll kill you
佢呀爸唔識英文，我幫佢翻譯
佢呀爸反應竟然係：嘩，你啲英文咁好嘅，你喺邊到學返嚟㗎？
我真係冇嘢講 
就咁講一句就無咩野 但如果好似你咁講係口頭禪就唔好喇梗係
仲要對人態度咁差 應該係平時屋企人都係咁既態度對人？
不過唔係你自己小朋友 有時善意提醒 人地唔聽都無辦法
佢屋企人對工人姐姐態度係差㗎啦
同埋個小朋友成日自己睇youtube
唔知佢睇過啲咩片，喺啲片到學返嚟
加上佢屋企又唔主張打、鬧、罰小朋友
變相佢做完一啲錯誤行為出嚟完全冇後果
好似佢喺公園咬其他小朋友
佢呀媽都係同佢講句：咁樣唔啱㗎，就算
連同個小朋友道歉都冇
最怕佢屋企人咁教，累個小朋友第日畀人恰/ 恰返人轉頭
語氣、態度如果係開玩笑就得，有惡意就肯定唔得，尊重別人亦係尊重自己，就算係人地個仔，我都會提點，因為孩子係一張白紙，唔太識分對錯，父母唔識灌輸正確觀念，我亦要盡力幫一幫，可能孩子會開竅反省。
不用理 
父母會自己受番
父母肯定知的
似SEN喎
Timeout!
冷靜咗先同佢傾！
請問知唔知他在學校怎樣？我都覺得是家教出了問題，但如果向老師都咁無禮貌，這麼要老師見多幾次家長，請家長正視問題，可能帶他上遊戲治療等…
但如果他對老師好好，即他有控制能力，只是蝦姐姐和家人，那麼真的要等家長先開竅，肯做好榜樣和學習如何教仔
你這麼有心真的很難得，明白不是父母很難插手太多，但現在只有你能看到問題，我覺得6歲仍有得救的，加油
你都無謂幫人教仔，佢父母自己受番。比我一把掌咀喇!
小朋友得6歲，而爸爸唔識英文，佢又識英文閙人，會唔會工人冇大人在家，用英文閙佢，小朋友有樣學樣而閙人呢？6歲小朋友睇YouTube通常都睇下卡通片。
我女流利英文，從不口出惡言鬧人，反而解釋我知idiot是鬧人說話，有同學喺班上咁鬧人佢講我知既
更唔會睇唔起父母英文比佢差
就算係sen都要教㗎，呢類係典型冚家都冇家教。
講過唔聽就由佢啦，自作孽。
完全同意，唔通識人教仔？
佢個小朋友絕對有問題，但外人的確做唔到咩。
我都有個親戚個女係咁
好冇禮貌+公主病，邊個唔就佢就大吵大鬧，淨係驚我（因為我從來唔會就佢，硬碰硬）
佢屋企人費事煩唔想tum就乜都就哂佢，點知縱到壞哂仲偷嘢！
不過我講幾多次都冇用，佢父母唔肯正視問題
我諗總有一日佢自己受返
其實未睇到你呢段，我已經知係youtube 學返嚟，好多打機片有大量英文鬧人嘅說話，甚至粗口，所以佢地應該無限小朋友上網，呢個係佢點解英文咁好嘅原因
其實只是詞彙少，又用得唔好。
可以問問佢想表達咩，教佢用咩字表達，同埋俾佢知咁樣講，別人不喜歡。
無錯！
唔通幫人教仔咩
細路仔冇教養一定係父母問題，旁觀者出聲有啲尷尬，佢自己父母自然會受返，佢哋未必覺得係問題，最慘係工人姐姐
佢老豆都唔識英文，咁佢仔3歲哪裡學到 i will kill you?
難道佢個仔真係神童？我仲以為佢父母英文好好，所以佢仔接觸好多英文添