小朋友行為唔糾正，大個仲難教，父母會受曬，
而大人都要SET 左個榜樣出黎，因為小朋友係第2個自己，
不過人地小朋友好難教
完全接受唔到咁鬧人. 超級冇家教! 父母日後一定會受返哂.
我成日覺得生出黎唔教真係唔好生. 害左個小朋友又害自己
我睇到另一個問題, 如果佢真係出世以來完全唔食生果疏菜, 準備做盲人都得…
外國有案例5歲開始唔食菜, 14歲差D完全失明. 睇過紀錄片, 個細路要入盲人學校學盲人生活技能=.=
https://hk.appledaily.com/international/20161018/HUMON3MIQIBZ74O7UURGQHXFXY/
1個讚
淨係睇字，我唔會再同宜家人有接觸。
6歲已經咁了不起，他朝更高成就呢～
由佢啦
反正遲d都係佢父母受返晒之嘛
因果循環
唔係你嘅就真係唔好理啦，陣間人哋覺得你針對佢個仔仲衰。6歲已經唔細，依家仲唔教仲唔理過多幾年等佢屋企人自己受返啦。
Btw我比較想知究竟係咩家庭可以教到個咁嘅細路出嚟
我有個親戚又係咁，美其名叫愛的教育，唔會打鬧，會鼓勵佢。但個細路好曳好古惑，會蝦其他小朋友，知邊D大人林就會蝦埋佢地，但見到D唔蝦得會鬧佢既(例如我兩公婆)佢就會扮乖同扮可憐。佢試過響我屋企放肆，比我夾埋其他細路杯佢(因為佢唔肯同其他小朋友一齊分享我個女D玩具 
人地走開左自己玩其他嘢，佢仲要搶人份玩具玩；Board game唔守規矩人地唔同佢玩佢仲要搗亂)，佢發老脾講粗口再走埋一邊喊，佢老豆先出手教仔 我估計係因為佢自覺冇面所以先出聲。
就咁教個細路道歉係冇用，係咪道個歉殺人放火都得丫？道歉係因為知自己做錯而內疚所作出既外在行為，如果唔知自己做錯、錯邊，道一百次歉佢第時都會犯同樣既錯。自私父母會教出自私小孩，佢地老左就知死。
作為大人唔教好個細路係放棄左做大人應有既責任，講真我覺得個細路都係受害人。如果唔想教，真係不如唔好生。
2個讚
個老豆根本唔應該生
1個讚
我近親都有類似極品家庭…
個阿媽由細到大都只容許自己鬧個仔, 連老公鬧都唔得。
個仔十幾歲, 鬧佢老豆蠢, 笑佢阿公讀書少, 笑佢舅父肥笑足一個鐘都唔停, 家庭聚會老奉黑面, 喺無其他家長情況下鬧其他小朋友係廢柴, 仲有無數咁多問題。
我同我老公作為長輩, 忍無可忍鬧返佢個仔無禮貌, 依兩公婆仲嬲埋我哋, 仲周圍同人講我哋鬧佢個仔係幾過份, 但所有人都喺背後笑佢哋兩公婆唔識教仔遲早自己受返晒。
如果個小朋友喺我面前咁講嘅、我會開聲話佢、我做唔到見到都唔出聲、不過唔會comment 佢父母點教仔。
有啲人覺得唔教唔管先係啱、又有好多父母本身有濾鏡睇自己個細路、覺得佢將來係做大事嘅偉人所以同其他細路唔同。
家長唔識教學業上的東西，有時可諒解。但品行同待人接物，家長責無旁貸。
大人唔教，幾歲小朋友唔會知道一句童言可傷人的程度。
很多時，小朋友亦都未必理解自己講的說話是什麼意思。唯佢地會知講什麼可引起家長注意。
所以對呢啲個案，可以唔俾即時反應，冷對待，等小朋友無癮。再盡快找機會了解佢想表達什麼，教返小朋友正確用字，同俾小朋友知同錯字，對方會唔開心。
2個讚
我聽過，老闆個細路返公司鬧人，炒你魷魚