我見到身邊陀著BB或者生咗BB嘅媽媽好多都好瘦又或者好快修身，我而家31週，但係已經肥咗30磅 
本來我100磅左右，可能頭四五個月我又無乜嘔，所以食多左好多，之後見過dietitian控制飲食都keep住肥, 所以有點唔開心，好驚瘦唔返…有冇準媽媽或者媽媽可以分享下經驗？
雖然我小朋友已經讀緊小學
我
未生 110lbs
臨生入院 160lbs
而家 110lbs
湊初生 好忙 好快瘦
唔駛擔心
我班朋友無乜邊個生完變超肥，最多少少肥。
1個讚
謝謝你. 要用幾耐時間先可以回復原本磅數？ 
半年已回復之前磅數 唔駛擔心
反而之後要慢慢keep住唔肥難d
好似而家疫情關係 連街都無得出就最易出事 要keep住係屋企行行企企
而家保持開朗 唔好諗咁多 做個開心大肚婆
1個讚
生完自己湊bb既話好快瘦返
我仲瘦過生之前，一直到個女十幾歲後先開始肥
我上胎生完餵人奶，晚晚冇得瞓，有時食緊飯都要餵奶，唔洗3個月就瘦返，仲輕過陀b之前 
你本身都瘦底，要瘦返應該無難度
不過餵人奶會好肚餓
好容易食大左個胃
到時記得控制食量
我自己係懶人
唔會做運動減肥嘅人
所以我一開始有左就用念力同自己講
肥胎唔肥人
所以我生完一個月已經似番生前身形
但其實肚皮都鬆左嘅
不過真係疫情問題
我以前成日急步行
家下少左
仲有坐月時食量多左
我平時一餐食大半碗飯就飽
坐月餵人奶時一餐食一大碗飯都好似冇食過野咁
但我開刀生
唔好食得太飽影響傷口
所以又用念力同自己講食夠架喇
我諗如果當時我繼續放肆咁食
我應該會肥左好多呀
不過最緊要開心呀
湊b時用好多體力
會瘦得番落去架
2個讚
放心, 好快瘦番, 記得好好坐月。我生完大概5個月就瘦番晒。
食多啲蛋白質類食物會頂肚啲，BB又長肉
唔好食咁多carb尤其係refine carb好似甜品蛋糕白米飯之類
我如果一餐係carb為主（飯、薯仔⋯⋯）好快又餓，但食多啲蛋白質就會頂肚耐好多
可以諗煲飯加藜麥，有蛋白質又頂肚又唔使食咁多白米
唔梗要喎 我本身陀個陣肥左20kg
我係順產加餵人奶 瘦得好快
2個月已經瘦番18kg 
所以千祈唔好喺陀嗰陣節食減肥 食返啲健康有營養嘅嘢就OK㗎啦
我陀B重咗11kg…宜家差唔多兩個月 同生之前差1kg左右 係條腰未瘦番仲有4/5吋距離 所以今個星期開始做番d運動郁下 不過堅既 唔駛專登減 我食好多野無戒口但湊仔夠哂忙又無得瞓 加埋餵人奶 好快瘦
＊上網睇過 全日埋身餵等於慢跑咗一個鐘。。。瘦身良方
好快就瘦返，我生左你個仲KEEP到110 磅 
飲食健康，間唔中行下山跑下步
放心，生完忙湊b一定會瘦返
我成個孕期都重左30磅，陀b前都係100磅。而家產後3個月，輕左15磅啦。唔洗咁驚啦 最緊要bb健康！
放心，好快瘦返。
我未大肚時100磅
大肚9個月時180磅
生完半年105磅
醫生冇話影響健康，就安心做個肥肥地嘅大肚婆～
bb出世後，好好坐完月，之後先慢慢減。
食紅米可以嗎？
不過我見好多媽媽餵人奶時會好好胃口，食多左好多野，陪月成日話食白飯同飲湯可以上奶，應該點揀選食物同食幾多？ 
不過我見好多媽媽餵人奶時食多左好多野，陪月成日話食白飯同飲湯可以上奶，應該點揀選食物同食幾多？