呢一刻唔想走住，因為未見真章，遲啲可能會改變
你仔係英國，可以用呢個嚟說服佢
我打算一個人走，英國或者得埋澳洲lift-boat 係點。 香港已經返唔到轉頭，留係香港要做順民
剛在wsap收到，未FC
因為而家英國政府宣布俾BNO持有人5年居留簽證，根據目前嘅資訊，簡單可歸納為以下重點
資格：
1）所有持有bno人士及其配偶（包括夫、妻及同性或異性伴侶）及其18歲以下子女或收養之子女。
2）1997年6月30日或以前在香港出生而未曾申請或遺失或過期或損毀BNO護照之人士。
3）第2類人士重新領回BNO護照後與等同第一類。
權利：
1）獲得英國政府確認給予5年居留簽證後，即可來英國工作或讀書
2）居住滿5年後可申請永久居留(permanent resident/unconditional leave to remain)
3）取得永久居留權一年之後可申請登記入籍（British Citizenship by registration)
因為呢個政策係啱啱宣布，有啲細節仲未清楚，希望內政部快啲宣布細節。例如：
1）申請人來英之後嘅福利細節，應該細路仔讀書係免費，NHS聽兩星期前內政大臣建議係一人£400一年（？）
2）在入籍之前於英國干犯嚴重罪行可取消簽證及遞介出境（？）
另外關於永居及入籍申請資格前嘅居留在英日數都未宣布細節，但按現行規定條件如下，我相信應該對BNO 人士都一樣
1）申請永居條件人士需在英國居住滿5年，而每年離開英國不得多於180天
2）取得永居權後一年任何時間可申請入籍，居住條件是申請日算之前5年離開英國總數不能超過450天
以上係一般情況，當然個別情況我可以再答組員嘅疑問。
但我要強調仲要等內政部嘅正式細節宣布，希望呢幾日有消息
仲有申請永居同入籍仲有兩個條件
1）通過英文考試
2）通過lives in the UK test
唔好驚，要pass冇乜難度！」
By 居英港人Eddy
1個讚
我無激動，英國曾經有幾多殖民地？佢對其他殖民地又點？如果真係一般國家都係咁對待殖民地嘅話，點解97唔比居英權？
藍人腦殘，難溝通
勁，好難放低一切
我上網睇佢幫印度獨立，仲有啲殖民地人民有居英權。
其他唔知。
我認知係咁，除非有曼德拉效應。
我係你屋企出生成長，然後你一腳踢我返去中國，唔俾我入屋，當年扮哂嘢留低一條鎖匙俾我，開到鐵閘但開唔到度木門，然後扮唔識。
以家見我俾人揼到gg，隔離屋都睇唔過眼，你先焗住開返度木門俾我入。
真係多謝晒。唔好意思香港人要黎R福利了
英國自己都自身難保，點幫香港獨立？香港有幾多條件獨立？呢方面就唔係呢個topic深入討論。97時我已經明白英國係唔理香港，所以你嘅認知或者認為理應，又或者係咩道義上應該。。。已經唔重要！
因為國安法係破壞咗中英聯合聲明，英國先出聲，否則直到2047，無事無幹，英國一樣唔會理香港。
4個讚
英國今次開門、我唸係睇得出香港人真係好有錢、將會帶好多資金過去帶返起當地個經濟、不是蠢的。首先未落實已帶動緊房地產、律師既收入、之後仲會帶起一連串消費效應, 就業機會呢、仲有外國人買樓稅收等等呢.
有錢： 會帶好多資金過去帶返起當地個經濟。
冇乜錢： no public fund 下, 批人過去都未必挨批到6 年, 會帶動起經濟後自動流失。脫歐後少左一批歐洲低下階層, 呢批人過到去又可代替下呢批做低下階層工作。
好有錢個批人未必肯走，去到英國未必有以前嘅優質生活
低下階層嘅工，我都希望香港人唔介意肯做。好多以前歐盟嚟嘅人，已經係英國settle down咗，到底又會有幾低下階層嘅工需要補缺都未知，而家一份收銀工都幾百人爭，好多大型超市都唔請非本土人
其實你內心覺得冇可能就什麼都冇可能。我親戚係個邊, 有些Bc港人朋友上年都回去, 路係人行出來的。bc朋友一回去2 個月已找到工作。而家疫情,香港及各國都難搵工,英國就係睇中香港中產可帶資金去帶返起個經濟、之後便會帶起一連串就業
1個讚
好有錢個批朋友其實本身已係當地有樓, Manchester 新樓, 8 月起行。有錢其實去到世界任何角落都可以多姿多采。尚且今次好多係為小孩走,心態已經不同了,為左小孩,港媽去到冇工人都肯, 大把錢一日請幾個鐘點加nanny 啦,又可帶動就業率。香港人,食腦的
4個讚
不過講真, 如果英文唔好, 又沒有什麼學歷, 一家三口得三四十萬, 我都唔建議去英國。除非好似我識既一些廚師咁, 已經踏好路有餐館請, 一去到已可工作。
其實各取所需啫，拗嚟做咩，諗下點生存落去仲好啦
1個讚
我內心無咩覺得有/無可能，我係講出而家低下階層工作空缺嘅狀況，等人有個心理準備
將來大家都唔知會有幾多中產帶埋資金過嚟，望就望如你所講咁，帶返起個經濟、一連串就業，因為脫歐其實仲未見真章，疫情已經攪到英國經濟苦不堪言
可能我唔知低下階層幾十人搵爭一份工作、不過呢個時候、原來我係當地既親戚已經開始左幫人搵盤、睇樓、睇地區、申請學校, 裝修等一條龍服務…原本佢都唔想bno人去,不過見到水路已經轉哂口
我見你話有錢同無錢，我先講下而家低下階層搵工狀況，等大家有個心理準備
詳細都未出就咁快搵定生意
香港人、未出就咁快搵樓、咁佢見到才知有商機、及有些可能不打算但見有市場都買來投資出租。
疫症下其實世界各地都有影響、那個國家彈得快就睇有乜本事了。
大家多朋友話走？唔知點解我身邊個個一係話留香港唔走，一係話賺多3,5,7年錢先再諗…
我家人話唔走，身邊朋友只識到一家人係諗住走，同事就唔知