賺多3、5、7年即係唔走啦
唔好話好有、好多香港有d錢既都有多條後路
以前出國讀過書、買本歐洲小國既都唔少
果d幾時走都得啦
始終疫情影響、最怕係肯做都搵唔到、始終唔係做開
所以小朋友學校收費同係咪一定要工作好大影響
要食6年穀種真係唔識計
我聽幾個KOL講當年唔係英國唔比香港人居英權，系比強大國大大力阻止，BNO平權唔係今日先講，而家仲未算平權.
3個讚
當年係兩家都有顧慮。英國驚一下子有幾百萬香港人會流入英國，所以要截龍，於是就推出居英權計劃，比五萬個家庭申請，叫揀左D精英走；中國果時一窮二白，香港對佢地黎講天堂黎，香港精英係幫佢地創造財富既天使，鄧小平好驚班精英會走，所以一邊出口術講到香港前途幾美好，一邊恐嚇英國唔准再放寬民主自由同居英權比香港人。因為各自不同考量，英中兩國果時一怕即合，結果香港人被犠牲。
BNO平權97之後一直有人跟進。所謂平權係要將BNO變返做BC，所以依家5+1並唔係平權，只係放寬條件比BNO. 呢個亦係英國醒既地方，雖然中國破壞中英聯合聲明，但我唔係直接派居英權，只係放寬條件啫，一邊對中國打擦邊球，另一邊又嬴到對港人盡責掌聲，最重要係泰晤士報自己都講左，英國預計如果30萬BNO會移民英國，果度有成400億鎊經濟貢獻，等於英國GDP 2%. 當年唔收香港人，依家連本帶利攞返晒。
5個讚
謝謝你資訊
好老實講，有小朋友先會諗走難，佢開咗個大門比我哋，唔去又好似對唔住個仔，如果將來有咩事再發生，做順民都唔易，尋日仲出個案法連資產都可以凍結，中年人要離開自己已事業內心好大掙扎，最慘本身學歷又唔高…
2個讚
係，如果得兩公婆，我點都唔會走，共產黨洗唔到我腦架，我就留底鬥長命。
但有小朋友，所有嘢都要為佢諗。我最驚最後香港變到中國咁，我個女變小粉紅，我唔只對唔住佢，直頭對世界唔住。
6個讚
最煩就係咁，得兩公婆我就留低見證歷史
當年英國係有計劃比香港人有居英權，
只係中國強烈反對，
我身邊有BNO的朋友都話走，好多人問我。
（因為本身我都plan幾年後family visa 移民，做左大半年功課…）
不過口話走，但我都唔知佢哋點走…
有啲話英文唔好，有啲話去到唔知做乜…（唔知點解個個話去超市執貨做收銀…不如試吓去百佳做一個月睇吓自己得唔得先）
有朋友連星期日冇工人姐姐係水都唔識煲…
其實唔係可以移民，就代表可以生活。
生活唔只搵幾多錢，係心態生活上要調節，
個個只問小朋友讀書係咪free？
留一個香港搵食得唔得…
仲有人覺得bno係冇門檻，執行李就去得，
覺得依家係英國求香港人去，所以門檻一定低過所有visa…
我都只會話：係囉…等有details 先啦…哈哈哈！
呢個世界邊有咁多理應
香港夠理應五十年不變
中國更加理應更愛香港人
林鄭更理應聽香港人的聲音…
1個讚
佢地當左一般移民，而唔係殺到嚟嘅救生艇救援方案。以為仲有得選擇點生活，當去到生存問題已經唔係咁輕鬆。
1個讚
唔好唔記得，當年香港人話要民主回歸中國，香港人幾時當過自己係英國人？點解要英國無條件比居留權一班自稱中國人既人？要怪就怪上一代唔出黎爭取。
1個讚
一日未出Details都唔知其實係點。就算英國依家好似中門大開，但要記住精於計算既英國人係冇死錯人架，一定有得益先做，我地都係被人算緊。
如果係諗清楚要移民，唔好再介懷英文差、人工跌、冇工人呢d咁既嘢，要諗清楚自己點解要走，唔係去嘆世界。
不過小朋友讀書係咪free係一個好現實問題，真係會影響部署。唔係話一聲移民就走得，要睇下財產點安排最有利保障屋企人生活，如果讀書冇free係咪要即刻買多層樓，或者係咪要住遠少少等等。
Anyway, 未出details都唔係冇嘢可做。如果有心想移民，呢個時候睇定資料、搵定資料，起碼有idea「英國」其實係點既國家，「移民英國」係點既一回事。到佢出details，自己再照單執藥睇下點安排。
3個讚
最近見太多心口有個勇字就去移民的人，
特別是會帶小朋友有下一代的，要認真考慮。
我反而見好多因不同理由唔走住，planning only ，可能未殺到埋身
Plan係要嘅
英國咁大，搵落腳點唔易呀，我硏究左成年大約target左幾個地方。等疫情過後仲要去一次旅行感受下。可能我唔係急走唔係當life boat,我同c6都係由有分歧，到有共識，再一齊硏究，
多數都係計劃，
一日未出詳細資料都唔敢動身，同埋諗另一半過去先都係擔心搵唔到工，想走因為有小朋友！
你講得岩呀！而家都係搵下資料咁
係呀, 係life boat ,差不多走難咁上下…
我同老公都等緊, 疫情過後飛一次英國, 之前去過但太短時間, 要感受下先再決定