《被祂選中的人》
第十七章~往生之路(四)
「叔叔 ! 你快啲過黎收我既心意，求下你哋唔好搶我叔叔既衣包…」
我望着身旁位置，突然捲起一個個的小漩渦，我內心不禁著急起來。
「紫玥，妳冷靜啲 ! 其他朋友仔只係好奇睇下，佢哋唔會亂黎既，放心 ! 妳繼續誠心叫叔叔個名，佢會感應到妳。」
欣然嫲嫲輕拍我的肩膞說
原本在我身旁化寶中的欣然，她突然停了下來，眼定定瞪着我身後位置。
「紫玥…妳…」
當刻的我亦立即意會到欣然意思。
「叔叔，係咪你呀 ?」
「紫玥妹妹，我真係好感激妳，一直為我做既所有事…」
赤腳叔叔面帶淚水哽咽地望着我說
「叔叔，你唔好咁樣講啦…你快啲去收我哋送比你既心意先…」
我也不禁跟着他哭起來，
隨後他聽完我的說話後，他慢慢走近欣然嫲嫲所畫的圓圈內，
然後他漸漸消失在我眼前。
「紫玥，妳宜家可以放心哂啦 !」
欣然嫲嫲邊說邊替我抹掉眼角的淚水。
而在旁的欣然隨即走近我身邊說 :
「我終於明白妳點解咁緊張呢個叔叔既原因，頭先我見到佢…對腳有好多唔同既傷痕…而且啲衫重爛哂…我個心都好難過，不過宜家冇事架啦，佢一定會收到我哋既衣包」
「欣然講得冇錯 ! 」
欣然嫲嫲輕拍我的手說
「我哋可唔可以外賣漢堡飽返去舖頭食呀 ? 因為…我重有啲野想請教下妳」
我望着欣然嫲嫲說
欣然嫲嫲點頭示意贊成後，
她先獨自返回衣紙舖，
而我和欣然便趕快走到附近的快餐店買外賣。
在返回衣紙舖的路上，
欣然不斷向我分享她上星期在日本旅遊的所有趣事，
可是我並沒有心情回應她。
「紫玥，上天一定會睇到妳既心意，同時亦都見到赤腳叔叔既覺悟，所以妳宜家唔應該諗太多，任何事都要比啲時間去消化，更何况係要去往生呢 ! 」
欣然拖着我的手說
「嗯 ! 妳講得啱 ! 要令到叔叔可以去到往生既路，的確係需要一啲時間，我唔應該咁心急想一步登天。」
本來腦子一片慌亂的我，頓時變回清晰。
我們三人在衣紙舖內打開了一張摺枱後，
大家便開始吃晚餐了。
「嫲嫲，頭先我聽紫玥講，佢試過好多次喺夢裡面，同赤腳叔叔傾偈架，咁呢種形式算唔算屬於報夢架 ?」
欣然手握着薯條滿臉疑惑地問
「所有已故既人出現喺夢裡面，都會稱為報夢。就好似亡者黎探望親友，想喺往生之前再相聚見面。 同時亦都會喺某啲情況下，亡者想傳遞一啲幫助到親友既訊息，可以令到親友順利渡過難關。而點解亡者大多數選擇用報夢方式，有可能係，喺我哋瞓覺既時候，我哋既理性思考同自我機制，都會自動關閉，當人完全入睡既時候，係比較容易同我們溝通。換言之，我哋就會較容易不知不覺接收到非現實世界既訊息啦 ! 」
欣然嫲嫲耐心地向我們說
「原來係咁 ! 怪得知我成日臨瞓著都聽到怪聲啦」
欣然一臉無奈地搖着頭說
「我做左咁多年紙扎舖，聽得最多既報夢，都係因為亡者尚未安息，可能需要親友再補加一啲額外既儀式。而最有趣既地方，喺亞洲，大多數既亡者經常對報夢者係有所需求，而反觀喺西方，亡者出現喺夢裡面，多數都係安慰性，而非求助為主。」
「咁點樣去分辦個夢，係真報夢定日常既夢 ?」
我緊張地再追問
「最簡單直接既分辦，就係日常夢同報夢真實感既分別。 假如你喺夢裡面知道出現既親友已經離逝左，咁樣呢個係報夢既可能性會較高。如果一旦報夢發生左，而造夢者瞓醒之後，仍會記得夢境裡面所有事，包括夢境中所有既細節。例如溫度，濕度，質感，顏色，大小等等。而且當亡者報夢完之後，造夢者醒返既時候，係會有一種莫名溫暖同埋平靜既感覺。 」
#現今社會做香港小朋友好艱難
#樣樣都要皆能
#適者生存頂硬上
#謝謝大家每次對我耐心等待
，因為上網搵啲粵語讀法，好似幾個網頁都有啲差異…