繼續追
1個讚
繼續期待下一篇 
1個讚
因我在這星期，
要忙處理開學上堂編排
及學生調整，
故此
第十七章~往生之路(一)
將順延下個星期日更新
#感謝大家對我支持及等待
5個讚
辛苦樓主
1個讚
《被祂選中的人》
第十七章~往生之路(一)
嘟 - 嘟 - 嘟 -
在中午時份大廳電話嚮起了 !
我隨即從房間跑向大廳接電話。
「紫玥 ! 我返左黎啦 ! 我好掛住妳呀 ! 我買左好多手信送比妳呀 !」
欣然興奮地笑着說
「太好啦 ! 妳哋終於返黎，我有好緊要既事，想揾妳嫲嫲幫手呀 ! 妳嫲嫲宜家係咪返左衣紙舖度 ?」
我緊張地說
「吓 ! 佢應該食埋飯先落舖頭，妳冇事嘛 ?」
「放心喎 ! 我冇事，只係我有啲事想請教下佢啫 ! 至於呢件事，我等陣同妳哋慢慢講」
我用手蓋着電話筒壓低聲量說
「咦…咁神秘既 ! 咁我哋等陣喺衣紙鋪見到先再傾 !」
掛線後，
媽媽打量我一下後，
便向我說 :
「欣然返左黎，咁即係妳今晚唔會返黎食飯，係咪呢 ?」
「係呀 !」
「咁妳宜家袋好鎖匙先，因為我晏啲會帶大細妹去舅父度，會食埋飯先返屋企，咁妳今晚同欣然食完飯之後，返到屋企記得打電話比我」
「知道 !」
我的心暗地裡大叫，實在太好了 !
真的估不到今晚可以這麼順利，
甩掉媽媽和大細妹。
隨即我返回睡房內，
打開豬仔錢箱取了一張一百元紙幣，將它放入錢包，
然後再將早前借的幾本佛教書籍，
逐一放在我的背包，
之後我便出門去找欣然。
就在我去衣紙舖途中，
我見到轉角間麵包店的櫥窗外面，
站了一位中年男靈體，
他呆呆地凝望著櫥窗內新鮮的麵包。
當刻的我，
不禁動了惻隱之心。
所有未能到達往生之路的孤魂野鬼，
都失去了與家人朋友的聯繫，
流離失所地每日遊盪，
及漫無目的地靜待到往生之路。
設身處地想想，
如果事情是發生在自己身上，
就可感受到他們是那麼可憐及無助…
「紫玥 ! 做咩呆左企喺度既 ?」
我立即定過神來，回頭望。
「欣然嫲嫲…我…」
「傻妹，做咩妳眼濕濕架 ? 發生咩事呀 ? 話比我知」
欣然嫲嫲緊張地握着我手說
我先用力索一下鼻子，
再用手抹去眼角的眼淚。
「不如我哋返去鋪頭先再講…因為呢度唔太適合」
聰慧的欣然嫲嫲，
她隨即向我打了一個明白的眼色，
然後她便拖着我返回衣紙舖。
而在沿路上，
我亦將赤腳叔叔與我之事逐一告知她。
「紫玥，妳心地真係好善良，妳對萍水相逢既人，都會為佢哋而難過，真係好難得 !」
欣然嫲嫲撫着我的頭說
「我真係覺得佢哋好可憐，就算佢哋可以見到親人同朋友，但又溝通唔到 。喺人間既所有食物同衣物，佢哋都吃不到，摸不到，只可以每日重覆徘徊喺人間，等待時機去往生之路投胎」
我不斷搖着頭嘆氣說
「有句話叫”一失人身，萬劫不復“
亦即係人死後要再投胎得人身，是需要先審判生前既罪行, 比如惡者要落地獄受苦，或者去投胎做其他眾生, 比如畜生道輪迴受苦. 當呢的罪清算完, 先至會有機會再投胎做人架」
「咁我點樣做，先可以幫到赤腳叔叔去到往生，而我究竟係唔係佢一直等緊既有緣人 ?」
我苦腦地說
「妳要記住，即使妳同佢只係萍水相逢的陌生人，但大家都有可能為對方打開人生不同的路。」
#好多謝大學對我祝福
#今個星期過得好充實
#感恩疫情和緩過後工作開始忙碌
#感謝妳們支持我這麼久
10個讚
欣然返嚟啦!太開心
1個讚
咁快又睇完，繼續等繼續追。 
1個讚
《被祂選中的人》
第十七章~往生之路(二)
「哇 ! 妳哋好奸呀 ! 做咩唔等埋我先講架」欣然高聲地扁着咀說
欣然嫲嫲望着我苦笑一下後，
便說 :「紫玥，不如妳再詳細啲講多一次比我聽，我怕頭先喺街度，聽漏左啲細節」
在旁著急的欣然，
即碌着她大大的眼晴示意同意。
之後我便由嫲嫲出殯當天開始說起，
包括我被猙獰男孩騷擾，
及赤腳叔叔的身世。
「哇！妳呢個星期既經歷，比我去日本旅行重刺激同有意思呀 !」
欣然一臉訝異望着我說
「不論任何宗教，一直都係導人向善。" 善有善報，惡有惡報 " 而呢兩句真言，可惜好多人要去到人生既最後，先醒覺到呢句真言既意義」
欣然嫲嫲感慨地說
「咁我宜家可以做啲咩先可以幫到佢減輕業障 ? 例如我幫佢唸心經地藏經可唔可以架 ?」
欣然嫲嫲聽完我的說話後，
她一臉驚愕望着我說 :
「竟然心經同地藏經，妳都知道…」
我尷尬地笑着說：
「之前因為妳哋去左日本旅行，而我又心急想快啲幫叔叔，所以我去左圖書館借左好多宗教書睇，想做定資料搜集先」
欣然搖着頭苦笑說：
「唉 ! 妳自己呈分試都冇咁上心去溫習，所以我好肯定妳一定係佢等緊既有緣人 ! 但係話時話，究竟心經同地藏經係啲… ?」
隨即我翻開手上其中一本的佛教書籍，然後說：
「其實 “般若波羅蜜多心經” 係可以解決大部份靈界產生的問題，而且會幫你達成心中好既願望。只要你誠心重覆又重覆的唸3次心經、21次心咒，誠心反覆咁求觀世音菩薩，觀世音菩薩儘可能會幫你達成你既善願，或者幫你解決或減輕問題 」
「咁咪同其他既宗教好相似，形式好似祈求許願 ，咁心經唸既字係咪好多架 ? 而功效除左許願外，重有冇其他 ?」
欣然一副思考模樣托着頭問
「《心經》 全文有260個字，係所有經文中字數最少最短，
但集合左600卷般若經典精髓的空性心法，濃縮佛教思想精華，
詮釋最深奧精妙的佛法。《心經》 文雖簡短，卻理極宏深，蘊含奧義最妙最玄。正因《心經》 係正能量經文，所以可將我哋不吉利同負能量去除，並且可破除三障，而三障係報障、業障、煩惱障」
我莊嚴地逐一慢慢說
欣然嫲嫲一臉欣慰的樣子望着我，
然後再問我 :
「紫玥， 咁《地藏經 》妳了解又有幾多 ?」
「至於《地藏經》係本好特別既經，經文既能量很柔和，而好處都非常大，功效比《心經》更加大，所以諸天、鬼道都特別喜歡聽。所以當有人念《地藏經》既時候，通常都會吸引到周圍有緣既鬼同埋神，佢哋會走過黎聽。但唸《地藏經》有一個壞處，就係所有鬼道眾生都屬陰性能量，無形中會減退左我哋人類既陽氣，而陽氣對於我哋人類，係好重要好寶貴，除了係運氣之外，亦都係我哋既生命總能量 」
我無奈地低着頭說
「紫玥，妳年紀重細，《地藏經》係唔適合妳去唸架，不過妳可以嘗試早晚誠心誠意去唸《心經》祈願，我相信妳可以幫到嗰位叔叔 」
欣然嫲嫲溫柔地撫着我的手說
「欣然嫲嫲…其實我重有一件事想妳幫手，我想買一份男裝衣褲鞋既衣包比叔叔，因為叔叔佢冇乜親人，宜家只得住喺老人院既媽媽，而咁多年黎，叔叔都係赤住雙腳，衣衫又單薄，所以妳可唔可以幫我代燒比叔叔 」
我隨即將褲袋內的一百元錢幣放在桌上。
欣然嫲嫲和欣然先望我一下，
然後她們互相打了個奇怪眼色後，
欣然瞬即樣子嚴肅起來對我說 :
「妳重有冇其他硬幣呀 ?」
我聽完後，立即將我小錢包內的硬幣全部倒在桌子上。
隨後欣然嫲嫲從桌上先取了一個五元硬幣，
然後將它放在她衫袋內後，
便再將桌上所有錢幣，
逐一逐一拾起放回我的小錢包內。
#一份小小善意其實很強大
#感謝大家對我每星期等待
#有你們支持才有我呢個中女半途出家寫故事
9個讚
我親身經歷過唸心經同地藏經,同欣然嫲嫲所講一樣,所以我都只會唸心經
2個讚
心咒又係咩？
如果唸心經時唸錯其中幾隻字又有冇影響？
同問，因為好多字唔多識讀
《心經》
觀自在菩薩，行深般若波羅蜜多時，照見五蘊皆空，度一切苦厄。
舍利子！色不異空，空不異色；色即是空，空即是色，受想行識亦復如是。
舍利子！是諸法空相，不生不滅，不垢不淨，不增不減。
是故，空中無色，無受想行識；無眼耳鼻舌身意；無色聲香味觸法；
無眼界，乃至無意識界；無無明，亦無無明盡，乃至無老死，亦無老死盡；
無苦集滅道；無智亦無得。以無所得故，菩提薩埵。
依般若波羅蜜多故，心無罣礙；無罣礙故，無有恐怖，遠離顛倒夢想，究竟涅槃。
三世諸佛，依般若波羅蜜多故，得阿耨多羅三藐三菩提。
故知：般若波羅蜜多是大神咒，是大明咒，是無上咒，是無等等咒，能除一切苦，真實不虛。
故說般若波羅蜜多咒，即說咒曰：揭諦揭諦，波羅揭諦，波羅僧揭諦，菩提薩婆訶。
心咒文：嗡 嘛 呢 叭 咪 吽
发音注解：
嗡：读（ōng），ōm是正确读音，最后要闭唇。
嘛：读（mā），舌尖微向下卷，双唇由闭到开，发爆破音。
呢：nī是卷舌音，发音时舌尖要上翘顶上腭，然后放开发nī音。
叭：bēi后有一个辅音d，在汉语跟藏语里都被省略了；可读成“bēi de”，de轻而短，一带而过。
咪：mēi其它写法有“弥”；要读成mēi，不能读成mī，由梵文词的位置格变化而来。
吽：发音为（hōng），也有书注音为（hòng）；发一声还是四声都可以，可根据场景与意愿自行觉定，多数读四声。
2個讚
只要唸誦者誠心誠意去讀，讀錯少少音都不需要介懷
1個讚
原來心咒文=六字大明咒
有時我突然會想諗: 揭諦揭諦，波羅揭諦，波羅僧揭諦，菩提薩婆訶
不過我唔知只諗呢句有無用
1個讚
你好叻!我唸開心經心咒,求求其其,都唔知要唸幾次,又唔知平時自己唸緊係心咒,失晒憶!比你提醒晒!導人向善積功德消孽障!隨喜!
2個讚
《被祂選中的人》
第十七章~往生之路(三)
「 嫲嫲，我都想送多一份衣包比赤腳叔叔呀 ! 」
欣然邊說邊挑選男裝衣包
欣然嫲嫲笑着向我們說：
「妳哋真係好乖好懂事 ! 其實成為左孤魂野鬼真係好可憐，一個人沒有留下後代，就死去，佢哋喺陰間係得唔到祭祀，所以佢哋有可能會黎陽間找祭品」
「所以嫲嫲妳每年七月十四都會燒街衣，原來係咁 ! 」
欣然點着頭說
「咁孤魂野鬼一般要等幾耐先可以往生架 ?」
我繼續追問欣然嫲嫲
「其實喺地獄等既時間，應該同人間唔一樣。天上一日，人間千年。就好似古時有一個故事，有一個叫王質既人，佢去山中劈柴，但途中觀賞仙人棋局對弈，佢喺山上只係逗留左一陣，但當佢返回人既世界，發覺原來時間已經過左很耐。至於所有亡魂，要到往生極樂世界係有一定條件，要往生西方，一是憑自力，二是憑願力、彌陀的願力、及其他力量相結合，而中間亦有一個條件 “ 念不一不生極樂，愛不斷不離娑婆 ”。念不專一不會升西 ! 就好似小朋友行路一樣，如果佢不願意走，點強行拉佢走都冇用，所以念要專一 ; 同時 “愛不斷不離娑婆 ”，即係亡魂要放下人世間所有牽掛。」
欣然嫲嫲嚴肅地合着雙手說
「咁留喺人間既孤魂野鬼同惡靈有咩分別 ? 」
欣然一臉疑惑地問
「其實孤魂野鬼能力係好有限，係唔會干擾到我哋正常既生活，就好似喺我哋日常生活中發生既奇怪靈異事件，好多時都係一啲有怨氣既鬼魂所做，而孤魂野鬼並不一定有怨氣，但如帶有鬱結既亡靈又另計。其實人同鬼都一樣，有善有惡。但對於陽氣弱既人，萬一同孤魂野鬼撞上左，有可能會病幾日。」
欣然嫲嫲邊說邊拾起身旁的衣包放在桌上
「欣然嫲嫲，我知道燒衣包之前，係要寫低先人既資料喺衣包上面，但我只係知道叔叔既姓名同埋出生日期，咁係咪唔夠架 ?」
我擔心地望着桌上的衣包問
「雖然程序上，燒衣包係要寫低先人姓名、農曆日期，同先人的關係，但只要妳帶著敬重既心，就已經足夠。而喺燒衣前，我會先喺要燒衣既範圍畫一個圈，所以等陣妳哋要記住，唔好踩入個圈入面，而呢個圈西南角，我會留一個缺口，係留比妳既叔叔黎接收。所以喺燒衣包前，紫玥妳要不停叫住叔叔個名，叫佢黎接收妳既心意就可以」
我點頭後，便隨即在兩份衣包上，逐一寫上叔叔姓名、出生日期及在衣包上寫上有緣人。
「係喎 ! 嫲嫲點解每一次妳燒街衣都會揀喺十字路口既？」
欣然繼續再追問
「原因係十字路口都四通八達，古人認為人死後，亦都會有置身既地方。所以無論死後居於邊個地方，十字路口都可以去到。重有另外一個說法，話十字路口是陰間郵差必經既路，所以陰間既郵差可以將我哋心意，轉交到比過世既親人」
「明白哂 ! 咁我負責幫妳拎燒衣三寶 」
欣然一臉傲然自得地說
「燒衣三寶 ?」
我疑惑地望着欣然
「長鐵棍，化寶盆，火機咯 !」
「好啦 ! 宜家差唔多就快六點，妳哋負責拎三寶，我拎衣包，等陣燒完衣之後，我就請妳哋兩個食漢堡飽薯條，好唔好呢 ?」
欣然嫲嫲吩咐過我們後，便趕快將衣紙鋪閘門拉下。
我們三人穿過大約兩個街口後，便在其中的十字路一角停下。
欣然熟練地將化寶盆及長鐵棍放在燈柱旁。
「等陣燒衣期間，欣然唔該妳唔好兩頭望，專心啲企喺度化寶，如果妳真係見到朋友仔，記得扮睇唔到呀 ! 而紫玥妳就叫住叔叔個名，叫佢過黎接收妳既心意，知道嗎 ?」
「知道 !」
我和欣然異口同聲地答
欣然嫲嫲先閉着眼喃喃自語，
然後她用食指在我身旁畫了一個圓圈。
「紫玥，妳可以叫叔叔過黎啦 ! 」
在我開始不停叫喚叔叔名字的時候，
我全身感觀感覺到莫名寒意，
而在我身旁的欣然，
她同時向着我打了一個小心提防的眼色…
#謝謝大家等待
#謝謝大家對我支持
#我會繼續努力減肥及寫故仔
10個讚
樓主仔細描述燒衣過程,解開左我多年心結!果然係心誠則靈!
樓主,寫得好好睇!謝謝你!期待中 
1個讚
好多謝妳看我既故事
故事中所有細節，我都希望讓大家了解多一點，及感受到故事中帶出細微的愛
3個讚
真係增進唔少知識呀, 例如上次你提及嘅心咒, 我諗緊如果夜晚俾鬼責嗰陣唸得唔得
1個讚
佛說的所有咒，都能降魔驅鬼，因為佛咒也稱陀羅尼，即一切佛法的總持，唸誦可表佛祖或菩薩親臨，一切天龍**莫不頂禮，一切妖魔鬼怪無不降服。其中較著名的有：《大悲咒》，《楞嚴咒》，《六字大明咒》，《十小咒》等等
4個讚