想問下大家有冇試過請催乳師呀？
有覺得幫助到上奶嗎？
我本身無打算用，但係生完後5日谷奶谷到癲左仲有少少燒，心諗俾錢催乳師好過俾醫生抽出黎，結果叫左催乳師上門按摩～
大概$1000一次，用左3次已經好多奶仲要通哂乳腺，佢仲教左我好多野… 我覺得係需要既，不過我自己覺得就唔洗keep ju按，上左奶埋身ok就得架喇
1個讚
你住邊區架？催乳師係咪多數都上門服務呢？
我而家差不多坐完月，唔知而家先請催乳師幫手仲有冇用呢⋯
你可否介紹一下你果間？
我住北角，唔係太偏遠佢都應該會上門架… 或者你可以去佢地個中心做，應該會平d，不個個陣我武漢肺炎閂哂門… 一個月我唔清楚呀，我都係朋友介紹，佢都係頭個幾日上奶用，坦白講如果你問個催奶師佢實話需要架
我個間叫香港催乳中心你可以問下佢地
其實塞既話去母嬰健康院搵母乳姑娘佢都會幫你按。幫我按左勁耐。
未必個個會咁做，我之前都係按左一陣，佢地都好忙，要同時幫幾個媽媽
其實我情況係個胸唔硬既
但想搵催乳師幫忙試下按
睇下會唔會可以多奶啲
下係架？
我因為疫情連產後檢查麵無呀
產前講座又無，完全唔知佢地有呢d服務
係呀，因為果次塞到我發燒我就仆左去母嬰健康院搵母乳姑娘，佢幫我按好耐，好左既但都通唔晒，跟住佢轉介我去返廣華搵醫院既母乳姑娘，佢幫我按加埋自己按都攪左差唔多兩個中。同埋佢唔會比你浪費d奶架，一路按一路用醫院泵奶機泵出黎叫你拎返去比返bb飲。（我用過三部機，醫院部機係最正）到最後都係清唔到佢再轉介我做物理治療用機機打散佢。
後尾母嬰健康院個母乳姑娘同個醫生都keep住打比我check我好返晒未，我好返佢地先close case。超好。
產前講左我去晒但我覺得無乜用。所以唔洗介意。
可能果時咁岩無人係我後面呱。
好好呀佢地，我完全唔知道
早知去健康院算慳番d錢俾呀仔
係呀，見你3000蚊真係可以買好多野比bb。
平平地買多架bb車都得 
肉痛死喇，好彩無join好多次
你當時好好呀，又借機泵奶又轉介你去物理治療。我果陣塞到硬晒，姑娘唔太得閒，教我點按，叫我返屋企按多幾次
你果次有無發燒？
同埋可能邊間健康院都有唔同呱。我而家搬左屋都無轉。
冇燒呀，只係變左石頭胸咋，你發燒，情況又唔同
咁可應係，我有燒，仲谷到個胸紅左喇已經。個醫生仲話要影相拎黎教學生
當時冇搵催乳師, 個陪月幫我手整左幾下已經痛到呢！一點都唔會再按摩形容⋯⋯ 其實我覺得多飲水、多泵多埋身，應該就可順順利利。
唔係個個母乳姑娘咁好耐性，我3年前就通到個唔好既，只係暴力地揸住我個胸，痛到喊，完全冇按只係一味出盡全力揸住。
最後返屋企搵左個上門推乳腺，完全唔同感受！
所以打死都唔會再去健康院搵果d母乳姑娘
今年2月我塞奶，打去衛生署母乳熱線，聽電話果位小姐話疫情下健康院冇咗母乳指導，佢教咗我點做同叫我自己去睇醫生.
疫情前我係試過透過母乳熱線book健康院搵故娘幫手