我試過一次，個催乳師本身係我個紮肚師嚟嘅，未開始紮肚療程時我搵佢求救，按完真係好好多，佢有教我點樣按，其實佢都有話健康院有呢啲服務，只不過部份媽媽真係唔想外出先搵催乳師。
搵健康院母乳姑娘直接剷上去就得，唔洗book.佢地係咁同我講。
可應唔好彩。。。你邊區健康院？
荃灣呀，俾個母乳姑娘搞到我抑鬱大爆發返屋企爆喊 
不過我fd都有話廣華既母乳姑娘好好，好有耐性
Qeh嘅母乳姑娘都好好，我2個月內閒閒地都搵咗佢地有5、6次，又乳腺炎又塞奶。佢地都好有心機幫我按、又借機俾我泵咗啲奶出黎先、擠出嘅奶拎返屋企餵。有時我over the weekend已經消咗腫，佢地都叫我照返去俾佢地睇下。
最後轉介我去物理治療度做機，做完乳腺真係通咗好多，以前我手擠係冇乜奶出、要用泵先出奶，依家就手擠已經得，有時懶起來上黎唔用泵、用手擠都得
如果你成日塞奶，睇下母乳姑娘會唔會轉介你物理治療。我個物理治療師話曾經乳腺炎的患處容易乳管收窄，係易塞啲。我估我以前啲乳管都比較窄卦，所以啲奶難出黎。
1個讚
講返催乳師。要搵信譽好嘅，否則亂按會越按越衰。
我個陪月有催乳牌，所以坐月期間佢幫我通埋，上奶有冇幫助就唔知，但我塞奶果陣佢幫我按完就通返舒服好多
慘慘。可能真係一間間唔同。
上個月去健康院，係冇咗母乳指導，但姑娘話如果乳腺炎可以打去搵佢哋睇，所以我估睇症服務係仍然有。
荃灣健康院d姑娘真係特別惡，上次去打針已經feel到。已經只準一個大人可以入去，又抱B,又拎住袋，仲係咁催
好羨慕你哋健康院有幫手
我又塞又發燒又紅又腫都係開藥比我咋
都想搵催乳但係有唔知邊啲好，怕按傷咗仲衰
唔想再經歷乳腺炎啦。。。
哇谷到紅埋咁誇張，好彩你去左搵姑娘，如果唔係可能再抽番d癑出黎