每個故事都係我最敬愛的母親大人的故事
我同阿妹冇遺傳到阿媽咁大胆及型既風格
5個讚
快講
1個讚
件事發生係二十多年前，我阿媽嗰時係油尖旺某間餐廳洒吧工作，負責一般廚房工作
某一個凌晨晚上，我阿媽閒着無事幹，便站在廚房旁邊，與樓面Amy閒聊吹水
「玲姐(我阿媽)妳知唔知樓面既阿May，前兩晚佢係女廁收工換衫時，聽到把女人喊聲，之後嚇到阿May佢第二日就請病假，請到宜家都未番工呀，我都係聽王經理講咋」樓面Amy細細聲在我阿媽耳邊說
「下!唔係咁猛呀!女廁入面都算好光猛，估唔到喎」我阿媽帶着既驚訝又興奮語氣說
「車!我估阿May佢吹水多!老實講我自己就唔多信，我係呢度做左成年幾都冇乜怪事發生過，或者阿May佢可能想偷懶放假啫，所以咪吹水話聽到有女人喊咯」Amy帶有不屑語氣說
我阿媽聽完Amy此說話後，便很尷尬地笑一笑，然後再說:「Amy呢啲事好難講架!一個人時運低，真係唔到妳選擇架，又唔好唔信」
Amy笑着搖頭說:「我個人比較科學，呢啲古靈精怪既野，對我黎講不嬲都係得啖笑」
我阿媽苦笑一下之後，便返回廚房裡繼續工作
因當晚是閒日關係，所以餐廳都會較早少少打烊
大約在凌晨1:50分左右，他們各人已開始執拾及清潔時候，突然女廁傳出有人大叫哭喊聲
「呀!救命呀!」
當時在餐廳既人有王經理
樓面Ben我阿媽廚房Sam
Amy狼狽地由女廁衝出來樓面，一邊狂哭，另一邊她用雙手不斷拉着自己褲頭
「Amy發生咩事?冷靜講比我地聽」我阿媽用手按着Amy肩膞
另外嗰3位男同事，他們則感到非常尷尬，因Amy下半身明顯褲都未着好便衝左出黎…
Amy面青青口震震說:「頭先…我去緊大解既時候，我聽到我個格既廁所門外，有人用指甲~抓~我度門，咁我咪大聲講話廁所有人呀!妳去其他格數啦!但轉頭唔夠三十秒~佢~竟然係咁撞我度廁所門，咁我咪嬲嬲地打開度廁所門，想比~佢~知我唔係係裡面煲煙，我真係大解緊…點知…」Amy講到呢度情緒又再一次激動
身旁Ben忍不住說:「下!又係女廁!唔係咁鬼猛呀」
廚房Sam再接著說:「Amy!我都話左妳叫唔好咁多口，周圍話阿May呃病假，大佬!加上妳又串串貢咁既樣，我係嗰位~女廁鬼姐姐~都忍唔住嚇鬼妳啦!」
王經理皺哂眉頭然後用手輕輕推阿Sam一下，示意叫他唔好再幸災樂禍Amy
Amy用紙巾抹過眼淚後，便說:「當我…一打開度廁所門，就見到個半透明既女人企係我面前，~佢~目無表情用對眼咁望實我,嚇到我即刻衝左出黎…」
我阿媽聽完呆左一呆，然後便靠向Amy耳邊細細聲問:「咁妳係咪未清潔…?」
Amy難為情地點頭示意沒有
其他身旁既3位男同事，面上都顯得很驚愕表情
王經理見狀立刻打破這尷尬氣氛，便說:「我聽日會揾師傅過黎睇下，其實大家互相尊重大家，應該冇事既!Amy妳宜好啲未?」
Amy尷尬地說:「嗯…我宜家剩係想去女廁度…清潔一下」
我阿媽聽完即自告奮勇，拖着阿Amy既手說:「我陪妳入去女廁度，妳慢慢換衫洗下手」
「唔該哂妳!有妳陪我入去好好多」Amy謙卑地向我阿媽答謝
樓面Ben即笑着說:「咁即係唔駛我地係廁所門口等啦」
「得架啦!你地做自己野，我同佢入去冇問題」我阿媽一邊說一邊拖着Amy行去女廁
她們穿過廚房長長走廊後，便到女廁門口了
「Amy!妳企喺度先，我入去睇下入面咩環境，我大嗌叫妳入黎先好入黎」我阿媽突然好似電影中既師傅咁
因女廁內總共有三格廁格，及有一塊3呎乘六呎既半身鏡，我阿媽便大叫着:「有冇人係度呀!我要清潔呀!」過左大約10幾秒度，我阿媽見冇動靜，便大叫Amy入來
Amy一入到女廁，便將整個身靠實我阿媽，然後口有小小震地說:「玲姐，妳有冇推開哂啲廁格門睇過哂架?」
「咦!咁又冇喎!」我阿媽傻傻地笑着
之後我阿媽便開始將每格半關上既廁所門，逐一慢慢地將它推開
砰!~砰!~砰!~三聲推開三度廁格門聲，彷如每一下之後都可能有恐怖畫面會發生，短短一分鐘內完成既事，但當刻對於我阿媽及Amy來說，是既漫長又刺激的事
Amy隨即鬆了口氣，之後她便行入了其中一個廁格清潔一番
「鬼姐姐!Amy細路女唔識世界，妳大人有大量，唔好怪佢呀!聽日我地會燒啲靚衫靚鞋比妳，同妳賠罪」我阿媽自言自語對著空氣說
「對唔住!鬼姐姐!我知自己口多唔啱，妳唔好怪我呀!」Amy從廁格走出來說
「得架啦!姐姐一定會原諒妳，聽日臨番工前記得去衣紙舖買靚衫靚鞋比姐姐呀!」我阿媽邊說邊周圍望
「玲姐!我知道啦!我攪惦好啦!」Amy示意可以離開
之後她們便轉身預備離開女廁，就在我阿媽踏出女廁門外時候，就從身後廁格內聽到~嘻嘻~兩聲女人笑聲
我阿媽立刻望望身旁Amy，但Amy並沒有任何反應，我阿媽即心裡說:「鬼姐姐!妳笑比我聽，即係接受我地既道歉啦!」
件事過左3日後，Amy及阿May都沒有再在女廁發生任何怪事了
而王經理亦有向各同事交代件事，他說師傅話女廁既~鬼姐姐~係附近遊魂野鬼而已，並不是害命，師傅已請~她~離開了
(完)
4個讚
比我一定唔在返去做嘢
再度重遇妳(上)
上回故事有交代過我阿媽，係從事夜班既工作，而我阿爸是從事日間工作，所以我阿媽係慣性自己收工回家
我阿媽嗰時住既地方係深水埗某棟舊式唐樓，亦是之前其中一個單元故事~即燒即用~中提及過既地方
因我阿媽每晚收工既時候，都係淩晨二時左右，所以她每晚番到屋企時候都要接近三時
某一晚，我阿媽如常坐完小巴便回家，她用鎖匙先開左地下大閘門，然後便好謹慎周圍望有冇可疑人物，之後便輕輕關上地下大閘門
據我阿媽同我反映，她每一晚收工最怕係見到~賊~，因她的確曾有兩次經歷係比~賊佬~打劫過
大家都知道舊式唐樓係冇樓梯燈，所以一到凌晨時份，整棟樓層每一個角落都是非常陰暗，只是靠每層樓層之間既窗仔小小罅隙，才隱約滲透少少街外既街燈，所以又未算係伸手不見五指程度咁誇張
因我阿媽係住四樓關係，所以她的手袋會帶備一個細小電筒仔，用作收工時候回家照明之用
某一晚，我阿媽如常收工搭小巴回家，當時係凌晨三時多些，我阿媽小心翼翼關上地下大閘後，便從手袋取出小電筒照住幽暗樓梯上樓
我相信要住過當年舊式唐樓，才會感受到摸黑上樓梯，係幾咁刺激同幾有恐怖既氣氛
就在我阿媽上到二樓預備轉彎上三樓既時候，她發現轉彎既梯間，有一個妙齡女子面向着二至三樓既小窗，只能見到她的背面，所以我阿媽當刻都被她嚇了一下
但從電筒照射見到~她~頭髮大約長到肩膞，而上身穿著粉红色短袖裇衫，下身穿着牛仔短裙，外型上的確又不太似我阿媽見開既~鬼~一貫出場裝扮
，所以我阿媽都冇戒心便繞過~她~身後，繼續慢慢行上四樓。
但沿路行上四樓時候，我阿媽有回頭偷望過~她~，但~她~仍保持剛才姿勢，仍然面向著梯間小窗外，我阿媽當時心諗:「唔通~佢~係度等人?真奇怪!」
續
(二)
如是者又到第二晚，我阿媽如常落過車後，沿途金晴火眼地周圍望，行到樓下開閘門，然後再快速地關上閘門，之後再開著手中的小電筒
我阿媽腦海中突然浮現~昨晚出現在梯間的少女
我阿媽一邊摸着黑行樓梯，一邊心裡想:「好彩我大膽啫!~佢~半夜三更企喺樓梯邊，會嚇親人架嘛!」
就在我阿媽行到二至三樓預備轉角時候，我阿媽故意先將電筒照向昨晚見到~她~站立的位置，
從電筒微弱燈光裡，照向漆黑一遍的梯間，恐佈感不禁隨即倍增
「咦~佢~今晚唔係度…喎」我阿媽心裡面喃喃自語
就在我阿媽九唔搭八想這些無聊事時候，竟在三樓轉向四樓的梯間，再次遇到~她~
~她~今次站立的位置，與昨晚站的位置完全相同，仍是只能見到她背面，衣服打扮都與昨晚一模一樣，而唯一不同的地方是~她~今次上高了一層梯間
今次我阿媽真的被~她~嚇了一跳
「哎呀!阿妹…又係妳呀!」
我阿媽站在~她~太約有3個人身位距離，而當刻阿媽並沒有用手上電筒，直接照向~她~
因始終好似不太禮貌
~她~不作一聲，仍然將頭倚望着梯間的小窗
我阿媽見~她~,又沒有反應，便很沒趣又繞過她身後再上樓
回到家後，我阿媽腦內仍不斷想著~梯間的~她~
究竟~她~何解連續兩晚凌晨時份，都站在梯間呢?
到第二朝星期日的中午，我阿爸和阿媽坐在廳中閒聊
「阿公!你有冇喺呢座樓見過一個頭髮長到膊頭左右，著牛仔短裙既後生女呀?」阿媽頗認真地問阿爸
「吓!咪住先!就算有我都唔夠膽望啦!妳~裝~我呀?」阿爸大笑地回應
「妖!咪玩啦!講真架!有冇見過啫?」阿媽立刻截停阿爸笑聲
「真係唔多覺喎!做咩咁問?」阿爸問
「我由星期五同六晚收工番黎，都喺出面樓梯轉角位見到~佢~企左喺度」阿媽疑惑地說
「可能係啲後生仔星期五同六唔駛番學，梗係玩到三更半夜架啦!有咩咁出奇，妳睇我地樓下轉角公園仔，有幾多仔妹喺公園」阿爸搖頭說
「唉!宜家啲後生女真係唔怕色魔…如果真係發生咩事就一世架啦!」阿媽也搖頭嘆氣說
「今日難得我地放假，出去睇場戲拍下拖啦!」阿爸識趣地說
(三)
當晚因是星期一關係，所以阿媽比平時早了一小時放工
阿媽下了小巴後，時間係凌晨二時十分左右，她如常地趕快回家
她關下街閘後，便開著手中小電筒慢慢行上去
就在阿媽行到上二樓時候，她突然聽到梯間有好零碎~女性飲泣聲~
聲音似是從上面梯間傳下來
阿媽當刻有猶疑一分鐘左右，
心裡很不安地想:「係咪又係嗰個阿妹…係度喊?唔通佢發生咩事…」
阿媽立刻進入戒備兼作戰狀態
(她只是手握電筒+電話)
她慢慢行到二至三樓轉角梯間，冷靜地用電筒照著前面漆黑一遍的樓梯角
阿媽謹慎非常地慢慢由二樓，逐步逐步行上到三樓
「嗚…嗚…嗚」細微哭泣聲又再一次從上層再傳下來
今次阿媽仿如~清兵~上身般，即加快腳步跑上去三至四樓既樓層梯間，因她擔心可能已經發生事
當阿媽上到三樓，正準備轉彎上四樓時候，阿媽再次見到~她~
~她~低著頭雙手抱膝坐在梯級中間，不斷飲泣…
「阿妹!妳冇事嗎?」阿媽緊張地問她，而電筒光線是直接照向~她~身上
「我…番唔到屋企…我…番唔到屋企…嗚嗚…」~她~將頭更貼在自己膝蓋上不停哭着說
「妳住邊層架?我陪妳番屋企，唔駛驚!」阿媽邊說邊在手袋找紙巾
~她~聽完我阿媽說話後，即停止了淒慘哭聲，~她~慢慢站起身，頭依然垂得很低，然後轉身背向着我阿媽說:「多謝!」一句話
之後~她~便從三樓梯間行上四樓方向
我阿媽見狀當然立刻追上前想截停~她~，但當阿媽追到上前時，竟然已見不到~她的蹤影了…
發生完這件事一星期左右，某天我阿媽走上天台屋找明叔閒聊
(明叔和我阿媽都是~餵飼流浪貓狗~同路人)
「明叔，聽我老公講，你就快搬走喎!上到公屋，恭喜你呀!」阿媽笑着輕拍他手說
「係呀!終於等到了，可能今次係~佢~幫番我」明叔好滿足笑着說
「~佢~?邊個幫你呀?」阿媽好奇地問
「玲姐!我唔係嚇妳!我係上個星期差唔多晚晚，都聽到下面樓梯口，有人係度喊，咁有晚我咪好奇落去樓梯睇下，點知我見到個~後生女~企係樓梯，佢喊著同我講番唔到自己屋企，入唔到屋，叫我幫下佢，咁我第二日咪由七樓逐層逐户問，先揾到個~後生女~既家人，原來係五樓5B2方太個囡，佢個囡原來喺上個月因意外好突然走左…」明叔正想繼續說落去，被我阿媽截停
「明叔!你講嗰個後生女係咪…頭髮長到膊，著粉红色衫…牛仔短裙…」我阿媽一邊說一邊望着明叔反應
「呵呵!原來妳都見到~佢~呀!妳放心!個~後生女~冇惡意架~佢~只係想番屋企」明叔笑得好慈祥地說
「咁~阿妹~佢最後點呀?番到屋企未呀?」阿媽緊張追問明叔
「放心!個後生女番到入屋啦，因5B1室既租客，之前掛左啲辟邪法器擺正係大門度，令到~阿妹~入唔到自己屋，所以~佢~一直徘徊喺樓梯口，但我同方太已經同5B1室既租客解釋左，佢暫時收番件法器入屋」明叔說
「咁就好啦!好彩有你幫~阿妹~明叔你好心有好報呀!」阿媽欣慰地望着明叔
#呢個世界的確好心有好報
#好人一生平安
(完)
6個讚
好正！謝分享
1個讚
Support
1個讚
好恐怖得來又好慘情
你媽係高靈人士，有無遺傳到你？
有一部份遺傳
幾時意識到自己有呢個能力?
我同阿妹到中學先開始感覺到，因我地嗰時半信半疑
到我地兩姊妹大個，我就屬於係感覺到同聽到聲，阿妹犀利D再比我多一樣~睇到
呢個能力有無影響你生活?
咁有冇好大影響只係會靠多少少麻煩事發生，如住個地方係有阿飄…就會有互動既可能
我以前都睇到，但大個之後，二十歲後就無呢個感應
以為話俾父母，爺爺嫲嫲知見到奇怪事，例如 幼稚園時夜晚喺屋企見到有個比例好奇怪既人，佢哋都呃我話我應該係發夢，唔准再提
但間屋賣走左之後，家人先承認佢哋都見過
寧可信其有 不可信其無！
多謝分享！
支持
1個讚
其實好多家長未必識處理或唔信
所以處理手法常常
1，當小朋友戲言
2，心中知，但口中卻指摘小朋友
3，背後找方法處理
但其實小朋友都幾無助
1個讚
留毛
1個讚