由唔准再提，就知道佢地都知
不過，那個年代，很難搬走，資訊又唔流通，未必識處理
1個讚
寫得幾好,我好怕睇鬼故,但你食寫得好WARM,SHARE多D啦 
1個讚
你係咪BK都有講呢d野架
我又驚又要睇
2個讚
厚多士後果(一)
故事人物:我阿媽/Mandy及她2個月大BB/
男惡靈
因我阿媽是一個愛與朋友，分享自己02故事的人，所以她身邊所有朋友，每每遇到任何怪異事情，都會找我阿媽分享一下及交流
(利申我阿媽不是甚麼法科師傅，她只是與朋友分享民間古老方法而已,並沒有收取金錢)
某個中午，阿媽在家中閒聊看電視，電話嚮起~嘟!嘟!嘟!
「阿玲!Mandy呀!妳宜家得唔得閒呀?我有啲事想問下妳意見呀」Mandy語氣中顯得好無助
(Mandy是一位單親媽媽，她帶着一個2個月大嬰孩，而她是我阿媽以前美容院同事，但已離職了)
「當然可以啦!妳冇事嘛?聽妳把聲妳係咪唔舒服呀?」我阿媽擔心地問
「唉!我最近呢個月冇一晚瞓過好，晚晚都比~佢~攪到我就快癲」Mandy好沮喪嘆氣地說
「初生BB係咁架啦!」阿媽說
Mandy聽完後隨即嘆了一口好大氣，便說:「唔係阿B攪到我咁，係有隻~男鬼~晚晚係我屋企騷擾我呀!」
「吓!唔係嘛!係幾時開始?」
阿媽驚愕地問Mandy
「應該喺兩個月前喺醫院生完阿B，番到屋企開始有古怪，初時我都以為係自己問題，可能湊BB瞓唔夠攰得滯，以為自己冇記性啲野亂擺，但有好幾次，我肯定自己明明將BB既奶樽，放左係BB床櫃上面，但轉個頭竟然會唔見鬼左，揾極都揾唔到，奶樽我都唔知自己唔見左幾多個，但有時到第二朝又會係番床櫃上面，係咁唔見野成個月，我都算啦!到最近呢幾晚，我臨瞓時都隱約見到有個男人企喺我床邊，~佢~眼定定冇表情望住我，初時我都以為自己眼花，但到尋晚我好肯定自己冇睇錯，所以我尋晚帶住BB去左朋友屋企度瞓，我好驚呀!」Mandy驚惶失措地說
「妳冷靜啲先，妳千祈唔好比~佢~影響妳既情緒，我聽日番工前會上黎妳屋企，到時我比幾個平安符放係妳間屋度，希望~佢~騷擾~唔到妳同BB」
阿媽不停安慰着Mandy
「唔該哂妳呀!我今晚都係喺朋友屋企瞓多晚先，我好驚~佢~嚇親阿B，唉!妳都知我宜家咩狀況架啦，暫時冇工開，如果我出去揾個師傅睇睇，真係唔知要駛幾多錢…」Mandy在電話中不斷感謝阿媽仗義幫忙
到第二天早上，阿媽提早了出門口，趕快到衣紙舖買了一張红紙及拜神香燭用品，預備上Mandy家中
門鐘嚮起
Mandy抱着BB開門給阿媽入屋
「阿玲!麻煩哂妳呀」
「妳同BB換件衫先，落街行一陣，我拜完四角同埋燒好哂野，我就打電話比妳」阿媽邊說邊將袋中香燭及红紙，放置在枱面上
3個讚
(二)
Mandy母子離開屋後，阿媽便開始拜四角，並向每一個牆角燒香燭，及低著頭喃喃自語(內容大致是勸喻~他~不要再騷擾Mandy)
大約半小時後，阿媽便打電話給Mandy
「Mandy!我處理好哂啦!妳可以同BB番上樓」
掛線後，阿媽便趕快收拾好一切，然後將今早買的红紙，對摺成小小三角形
Mandy抱著BB瑟縮站在大門外，細細聲說:「阿玲!頭先冇怪事發生嘛?」
「冇事發生呀!但我會比幾道~平安符~比妳傍身，記住呢一道~平安符~妳要隨身袋住喺身，另外兩道~平安符~妳就放喺大門位置，同放喺床褥下面，~佢~應該騷擾唔到妳同BB，妳自己留意下呢幾晚先」阿媽說
Mandy從阿媽手中接過幾道~平安符~後，即二話不說趕快將~平安符~分別放好在各位置上
「希望今晚有覺好瞓!真係麻煩哂妳!」Mandy感激握着阿媽手說
「咁我番工啦!妳自己都唔好亂諗野，有咩事打比我」阿媽說
當晚阿媽如常搭小巴收工，回到家中都差不多二時左右，她取過睡衣後，便走進浴室洗澡，就在她洗澡途中，突然聽到浴室門~砰!~砰!~兩聲!
阿媽本能反應以為係我阿爸醒左，她便說:「等多陣啦!我就快沖完架啦!」
不到二分鐘，我阿媽隱約從浴室門外聽到有把男聲說:「正八婆」
阿媽當刻呆左兩秒，之後心裡的~無名怒火~隨即如洪水湧現，她光著濕透身子打開浴室門，便說:「你講咩呀!咩正八…婆…呀…」阿媽一邊說一邊發覺我阿爸原來並不在外面，而且重隱約聽到阿爸在房中的鼻鼾聲
阿媽快速取過毛巾抹過身後，便坐在大廳中的梳化上
「頂呀!頭先又撞廁所門，又鬧我正八婆，一定唔會係老公，一定係嗰啲野」阿媽啟動了另類作戰狀態，靜靜坐在大廳四周觀察
阿媽故意待著差不多十五分鐘，想再看看會否有怪事發生，可惜…整間屋除了我阿爸擾人的鼻鼾聲音外，並沒有任何怪異動靜，所以阿媽便上床去
4個讚
(三)
阿媽在床上不停輾轉反側,
因她心裡仍~氣結難下~剛才給人唾罵
在床上大約擾攘差不多半小時左右，阿媽朦朦朧朧在半睡著狀態下,
聽到一把極低沉男人聲，在她耳邊說:「妳…好…多事!」
之後阿媽就被隨後見到的境像，嚇到她整個人真的反應不來…
出名撞鬼經驗多既阿媽，她這次真的被這位~綠先生~嚇到花容甩哂色
據阿媽形容~此經歷恐佈程度相約於
《鎖鍊女鬼VS阿媽》
~綠先生~就正正企在我阿媽床邊位置，當時阿媽是睡在床的外側，而阿爸則睡在近牆一側
~綠先生~全身散發著深沉綠光，用一副極兇惡眼神緊緊怒瞪着阿媽，而~他~的雙手更是作勢般~想捏阿媽條頸似的
阿媽當刻整個人動彈不得，就好像比千斤重的東西壓著身體，阿爸的鼻鼾聲突然聽不到
而嗰刻最令阿媽驚嚇是~綠先生~的雙手，~他~不斷慢慢靠近阿媽的頸位置，阿媽立刻閉着雙眼，集中精神開始唸~驅鬼咒語~
在開始唸~驅鬼咒語~期間，阿媽聽到~綠先生~冷笑~的笑聲
阿媽即被~他~此挑釁行為，令到她發揮前所未有的小宇宙
當阿媽唸到第五次左右，阿媽整個人慢慢開始鬆開，同時亦慢慢聽到阿爸擾人的鼻鼾聲，令到阿媽知道~綠先生~已經離開了
阿媽立刻打開雙眼，開著床頭的小燈，然後她走出房間，開著大廳廚房廁所的所有燈，逐一去視察整間屋每一個角落，經她嚴謹視察過後，她才鬆了口氣，便再上床睡覺去
到第二朝中午時間，Mandy再次致電給我阿媽
「阿玲!尋晚我同BB瞓得好好，成晚冇見到~佢~同冇唔見野」Mandy笑着說
「~佢~係咪梳平頭裝，眼細細，三十幾歲左右，瘦身材架?」阿媽認真地問
Mandy聽完不禁大笑起來
「做咩咁問!警訊玩認人呀!」Mandy說完即停了幾秒，然後再說:「咪住先…妳頭先形容嗰個~佢~咪就係一直煩住我…既~佢~…吓!原來~佢~尋晚去左妳度…對唔住呀!阿玲…」
「哎呀!傻啦!都唔關妳既事，~佢~可能入唔到妳屋又跟妳唔到，條氣唔順，所以咪跟住我想嚇下我啫!冇事喎!我自己識處理架啦!總之妳記住~平安符~要跟身呀」阿媽反過來安慰Mandy
阿媽掛線後，便立刻去樓下衣紙舖買溪錢及香燭，然後在家中每個角位做個簡單拜祭
#之後綠先生沒有再出現
#我阿媽堅係型
6個讚
好精彩呀！伯友好勁
1個讚
你媽有料到，好勁！
佢啲經歷好堅
1個讚
寫得好好睇，好精彩，好想繼續追看
1個讚
好勁! 仲有冇呀?
當然有啦!明天再更新
3個讚
伯有堅型
1個讚
好好睇呀，伯友好大膽，好堅呀！
1個讚
伯有真係好堅！
1個讚
繼續支持
1個讚
伯有堅係型 
1個讚
我睇到起晒雞皮
不過都好鐘意睇，謝謝你咁有心機打咁長篇！！
支持支持
1個讚
好睇到拍晒手掌呀… 
2個讚
攝青鬼好猛噃！好似唔易對付
1個讚
伯友, 堅型啦… 多謝樓主分享…
1個讚