近年發現有好多人嘅小朋友有濕疹、鼻敏感、專注力不足、過度活躍、自閉症⋯⋯
如果我呢一代都有呢啲問題，好掙扎要唔要有下一代
鼻敏感就俾佢生啦
9個讚
鼻敏感呢啲小兒科啦
我就唔會諗啦
如果係話癌症，地中海貧血嗰啲基因我就可能會諗諗啦
2個讚
我成日諗會唔會同現代人生活習慣有d關係?
呀爸呀媽/呀爺呀嫲個代冇咁多加工食品&電子產品，加上作息都比我地有規律
2個讚
我會，因為家族好多都有地中海貧血，而且小朋友一有就係一世，會好麻煩… 所以真係有去做婚前檢查無事先決定生～
不過你所講嗰啲例如濕疹呀，其實都偏向比較小兒科，同埋講真我哋嗰一代都唔係話好多有過度活躍嘅同埋自閉症，唔知點解而家咁多
以前都有，只係統一稱之為曳/孤僻/蠢
7個讚
點解我會話鼻敏感呢？因為我有識人冇濕疹，但鼻敏感，佢嘅BB有濕疹皮膚，以幼童嚟講算嚴重。開頭兩公婆都奇怪，兩個冇濕疹點解咁呢？後嚟睇一啲資料話，上一代有鼻敏感/皮膚敏感，BB都有機會患濕疹皮膚，而佢兩公婆都有鼻敏感。
我覺得以前d人冇check
1個讚
我都有懷疑C6係專注力不足嗰啲，次次聽佢講考筆試都肥佬，永遠考2次以上先pass。佢姐姐一對仔女分別係過度活躍，另一個係專注力不足。雖然表面睇落唔算嚴重嗰批，但甚為難教。
係，我都咁認為。同埋以前啲大人以為小朋友好曳，唔想讀書先扎扎跳。加上 一代傳一代，有呢啲病嘅人只會越來越多。
早兩代，十幾歲就出嚟做嘢，邊有咁易發現讀書有困難，識寫自己個名都好叻啦
又係喎，都冇書讀，加上知識貧乏，所以之前有冇都唔知
1個讚
最多咪係話，蠢
我會,
因為我出世後就有O形腳問題(天生難吸收維他命D以致唔夠鈣), 而我又遲婚, 所以要擔心既野更多… 家下排緊期睇遺傳科, 等check完先再睇下要點… 
我有個前同事同佢老公都有地貧基因，但都堅持話要下一代。到有左，仲要唔照結構。講得好好聽話唔理佢冇手冇腳仔定女都會要佢，所以唔照，但佢冇諗過個小朋友出世要面對乜嘢問題…唉。
2個讚
又啱窩，如果個C6出左細之後係長期病患者，怪返父母唔check真d，咁又係慘！
地貧好似好麻煩的
好似要定期輸血。
1個讚
嚴重嘅先係，以我所知，有分，輕型，中型，嚴重3種
3個讚
以前無check ，其實一直有讀寫障礙，過度活躍，專注力不足。
我有個同事，四十歲人都係睇完寫唔到出來，只係無check ，一味話自己寫字唔叻。
奶奶話c6細個都懷疑佢有ADHD，但嗰時唔興check，讀唔成書就早點出來做嘢 ，到我仔懷疑有adhd，做份詳細問卷時，c6話呢啲問題佢細個全部都有
我嗰時反白眼，一早知就用adhd 方法教小朋友，一直以為仔係上堂唔留心，浪費冤枉錢去報補習班。
知都會照生，有得醫同大大下會改善。
4個讚