身體正常既人喺香港生活都唔容易, 何況有事?
太自私就真
2個讚
為左自己想要下一代…你講得岩呀，係自私。
另一個朋友，小產過幾次，最後總於成功。但結構照到BB心臟少左條血管(好似係)，醫生話生存到架，但一出世就要做手術，成世都要跟住個儀器，運動果D全部唔洗諗…佢喊左幾日，最後決定中止懷孕，唔想個B一出世就受苦…
所以真係乜人都有…
1個讚
樓主，你講嗰d唔係遺傳病，係都市病喎
想少d問題，媽媽大肚時少飲牛奶、少食花膠(重金屬)，已經搞掂/少d敏感同自閉，媽媽自己作息定時，bb都會早睡早起，少食添加劑，對過動都有幫助
呢堆野，全部都係因為飲食同環境引起
2個讚
你個前同事真係好自私，為左要下一代就咩都唔理連結構都唔照，個b出左世有咩事受苦既係個細路唔係佢地
1個讚
以前睇過一個外國節目
話順產嘅話，小朋友會接觸到陰道嘅大量細菌(種類)，就唔會有濕疹問題
情況就好似打疫苗咁，第時再接觸類似嘅嘢都唔會敏感
2個讚
原來牛奶
花膠都唔啱大肚婆㗎
我成家都皮膚差，我媽媽爸爸都係，所以都幾肯定係遺傳咗佢地。成日好羨慕人地成家啲皮膚都噤靚
然後就諗，我同C6都係皮膚差⋯⋯所以我如果有仔女，佢都肯定唔會靚得去邊（特別係青春期爆瘡
）。
我發現我真係改錯標題，應該係「唔好嘅基因會遺傳下一代」 而唔係「遺傳病」 
1個讚
樓主提好多都唔算遺傳病 
反而地中海貧血/蠶豆症嗰啲就係，其他的話，可以做嗰隱性基因Carrier screening, 咁就穩陣
關於地貧，我聽過朋友個陪月姨姨講過一個case。話說呢個陪月姨姨都熟手，接親新case都會問下準爸媽有冇特別嘅病，睇下有冇食物敏感或者哮喘之類，咁煮飯嘅時候就會小心啲。
有一次有對夫婦搵姨姨做陪月，姨姨都循例問吓佢哋有冇特別病，咁佢哋話冇所以姨姨就接嚟做。到bb出世返左屋企，姨姨就開始去佢哋屋企做陪月，點知覺得個bb有啲怪。姨姨話個bb啲手手腳腳係硬直晒，但係正常初生bb係軟淋淋嘅。咁姨姨就問個媽媽點樣會咁，出院嘅時候醫生有冇講啲咩。之後個媽媽先講，原來佢同佢老公都有地貧，個bb應該都係遺傳左地貧。
陪月姨姨係好嬲，第一，問左有冇病佢哋唔講真話。第二，其實父母都有地貧，個bb係3/4機會有遺傳，點解仲要博果少少機會生個bb出黎，萬一係重型地貧，能夠存活到成年嘅機會係好細，成長過程都會好辛苦。之後姨姨就話佢哋講大話，所以即時辭職唔幫佢哋做陪月。
覺得對父母好自私，個bb真係好慘
2個讚
唔明陪月點解要走…,
牛奶濕，HK 9成幾人底子都濕重，媽媽飲得奶多，bb會長濕疹或其他敏感問題
其實牛奶當中嘅蛋白，我地係消化唔到，變成身體負擔
花膠就細隻ok，大隻貴貴嗰d唔好搞，重金屬好高
之前响EK見過個case，屋企有錢，唔大隻唔食，bb 2歲已知自閉，但學習能力高，之後响中環搵咗個鬼佬醫生chelation (除重金屬療法)，做咗一輪，有明顯進步，後尾正確返
我將呢個故事同一位大仔係自閉嘅同事分享，佢話兩個仔，大仔時有食唔少花膠，細仔時太忙，無食
西醫依然話自閉同重金屬無關，信不信由你
4個讚
响HK, 應該check 咗唔係重型，係的話會建議做termination
地貧嘅carrier 係可以正常生活
我有個同事係甲型，60歲，日日去跑步，星洲出世，照當兵
相反，你唔俾佢兩公婆有screening 底下生bb，佢兩個先可鄰
如果真係有嚴重遺傳病又唔當一回事，到時唔止辛苦小朋友，更加辛苦自己⋯⋯
我都唔明，可能厭棄個bb有病會唔好湊掛。
我前面有提出過我都係咁諗，不過俾人話以前check唔到。
Check唔到係一回事，現代化令飲食同生活比早2代有好大變化又係另一回事。我講唔出咩野大道理，但希望大家細心去諗一諗。
呢個我認同，識得有個bb,，媽媽係孕期成日半夜同老公嘈交&夜訓，bb出世都成日夜訓同訓前超臭脾氣，一直到依家K1都係咁。
1個讚
冇照顧過地貧bb，萬一有咩事，邊個負責任？講緊個bb係出世幾日眼睇已經知係有問題，啲手手腳腳硬晒，陣間幫佢換衫屈到啲手腳點算，咁大責任點解要一個外人去bear? 就算係比錢請個陪月返黎，你都要同人講清楚個bb有咩事架，人哋有權考慮呢啲特別情況而唔做你生意。
另外，對父母係明知道自己有地貧，一直都想要小朋友，博一博可能個小朋友會冇遺傳，其實係好唔負責任嘅事，萬一生果個係重型，個小朋友會好辛苦。姨姨係覺得對父母好不負責任，所以唔想幫佢哋做陪月。
3個讚
唔係唔好湊咁簡單，係冇湊過地貧bb嘅經驗，人哋係一個普通陪月咋，冇醫學知識嫁喎。個bb啲手手腳腳係硬晒，換衫都驚屈親個bb，咁大責任點解要一個陪月嘅姨姨去揹，人哋唔撈都好正常姐。
1個讚
係，為左想要re production, 明知小朋友高風險有地貧都生，真係好不負責任。做人父母好彩就陪佢三四十年，唔好彩，十年八年就走左，咁到時邊個照顧個小朋友？
果對父母，係明知自己有地貧，但係一直都想要小朋友，佢哋係博一博唔會遺傳。
如果父母都有地貧，有機會1/4係冇遺傳，2/4係輕型，1/4係重型，而家就係博果1/4冇遺傳，但係個bb係肉眼睇都見到有問題，所以係好慘