我都知而家有份工已經好好…但真係返得好唔開心
一年前已經想走，因為人工低福利差，多野做要求多，上年12月準備俾信，點知老公公司有異樣驚佢份工唔穩所以無俾
一直都有搵工但無聲氣，3月開始好唔開心，4月頭開始抑鬱想死，到4月尾老公真係失業我更加走唔到。而家工作更多更大壓力，每晚放工經過河邊都想跳落去，瞓幾個鐘就醒，發夢都係公司野，尋晚發夢俾人鬧
老公話我抗壓力低，朋友話有份工都好好，要加油，其實我都唔想，但真係控制唔到，每一日都好痛苦
Keep住send cv la
我4月俾人炒左，宜家返新工了。
加油，唔好唸太多
1個讚
我最怕d人講呢d，佢地唔響其中梗係口爽爽
2個讚
依家呢個時勢，加上你老公又失業，裸辭真係唔好諗啦！但你講到咁唔開心，你繼續努力搵過份工啦！
加油呀，不要放棄生命！
1個讚
好明白，我都好憎份工但為生活唔可以裸辭。
同意樓上，一於keep 住send cv
有啲人係好中意針對人鬧人，未必係你問題。加油，翻到屋企訓多啲，抖足精神應付呢啲pk
死咗就係認輸，堆睇死你嘅人更開心！
最重要係9月會少一票ka！
用想死嘅時間send CV！
冇一份工十全十美，但你可以選擇！
唔開心上嚟呻，雖然只係精神上支持到你。
keep住send CV，唔好諗無謂嘢！
2個讚
多謝大家
最大件事係我上司真係唔差，我都會咁想走，好詭異
同路人
樓主給你一個大抱, 我同你完全一樣
初初都無咩野, 但由2月底開始感覺上就被我公司細老細針對咁
佢又廢又做唔到野, 但成日搞事
我上年12月流產, 呢件事我又未cover到
公司又無愛又難頂, 真係好辛苦好辛苦
導致我依家有焦慮, 又有自律神經失調 (醫生仲轉介我睇心理)
抑鬱就好耐之前有, 都有俾佢搞到返發
連發夢都要係咁夢到嗰條八婆…
但無辦法, 我老公嗰份唔夠養成家, 出面又難搵工, 所以我都迫住要做
同埋我為產假就想生埋先走 (未懷孕, 但如果依家轉工, 去到新公司未必有產假)
不過我真係好明白你, 走到邊個唔想走,
走到邊個想係啲咁既公司做野, 對住啲咁既垃圾
係呀身邊好多人都話有份工做住先
但如果影響到情緒, 真係搵既錢都唔夠睇醫生
(我今年淨係睇醫生都睇左幾皮野…)
樓主如果依家裸辭既話, 我怕你壓力只會更大
你老公依家有無搵工? 如果佢搵到工既話 你辭都無咁大壓力
加油呀!!! 我作為同路人支持你 
4個讚
唔開心時刻，深呼吸一大口， 吃杯雪糕、朱古力甜甜地有助舒緩
好上司難求, 如果頂到就騎牛搵馬, 加油
多謝大家支持！
今日心情好咗好多
2個讚
回老公收口，慳番口水快D揾番份工。
我同你一樣，返到好唔開心，份工好多嘢做，人工又低，見到其他team同事可以得閒到返工睇youtube，我就忙到有時食飯時間都要做嘢，而家心理好唔平衡。近呢一兩個月朝朝都好早紥醒，有次5點幾已經醒咗瞓唔返，搞到個人成日都好攰
我都一樣! 日日都諗唔做！ 日日忙到死死下 我諗唔做都不遠啦
同你好似
日日5，6點就醒
捱住，好快會徹底攬炒
1個讚
我都曾經做過一份工9年，又是在那裏生了2個，但最後幾年，我比老闆娘駡到差不多抑鬰，我記得lunch time過馬路想比車撞（但因我是基督徒，知道死後的世界是怎樣，也知道神不喜歡，所以明白不可以自殺）而看到的世界是灰色，成日想我小朋友成長後都要面對這樣的世界就很傷心，lunch冇晒胃口，咩都唔想食…我一直想減薪來應徵新工，可以快啲走，但老公唔理解，唔讚成，所以一直忍
感恩，最後都找到新工作，最記得遞信辭職後，個人立即精神晒，胃口返晒嚟，睇嘢變返彩色
所以樓主加油
，努力找工，一份工作唔值得你放棄整個人生
6個讚
可以講吓點解咁大壓力？例如乜類型工