想走好耐，唔適合我
只係疫情關係留低，呢幾個月減人工加大工作量就更憎呢度
乜唔適合，例如客服比客鬧？
走唔到既話
心態上要減壓
食維他命C食物 可減少皮質醇 提子乾,西梅乾,一盒維他命C40元200粒
運動 睇下有幾多時間 少時間就做簡單YOGA
學識呼吸 做左會有明顯改善 但都係個句自己保重
我諗依家好多人心態都係咁
但真係無辦法, 唯有暫時頂硬上
加油呀!!
乜嘢叫好工？自己做得開心咪叫好，所以唔好比人定義你份工好定差，而影響自己決定。
如果有經濟壓力的確唔可以話走就走，咁唯有改變自己心態。由管理層角度講…比多d嘢一個職員做，其實係試緊佢底線，睇下佢做唔做到、會唔會嘈。如果你默默咁做晒d嘢質素仲維持到，d嘢以後就你做。所以day 1佢加你工作時就要出聲，話唔係唔做，但要時間，未必一日做到比你，你都要試返佢底線，唔好老馮，合理要求唔好怕提出。
你既壓力唔一定完全黎自份工，亦都包括老公失望對屋企經濟影響既傍徨。老公失業你係應該支持頭家，但都要同佢傾下你情況，希望佢兼職都搵份幫手頂下壓力。政府好似有d職業再培訓計劃，返學都有幾千蚊補助下，可以睇下會唔會岩讀或想轉行業，趁今次機會轉埋行。
自己壓力太大要搵方法relax, 跑下步，做下yoga都幫到手，放工之後聽下古典樂(我覺得最work)，最緊要瞓覺好。
記住你目標只係搵錢唔係斷送健康，所以你自己要有底線，去到邊d位真係頂唔順就要stop. 加油！
4個讚
樓主做得唔開心就辭工啦, 我都試過返一份壓力大(最主要係老闆衰)嘅工, 好慘咖, 一到星期日就DEPRESS…
人工, 時間都唔係最緊要, 開心重要D, 健康最緊要!
我都係
傳緊公司9月會炒人
希望有我份
係呀最憎呢D,我大肚時俾公司恰,我個豬老公都講過!
1個讚
樓主,按章工作,最多咪俾佢炒!
已經儘量按章了～
我以前都試過, 日日返到公司樓下都要吸大口氣先可以上去, 好辛苦. 老公最初都叫我忍下, 搵到先走, 但真係頂唔順, 成日無端端喊, 佢先至知我真係捱唔到, 叫我辭職. 如果你真係頂唔順, 計一計積蓄夠唔夠頂一年, 同埋你容唔容易搵到工, 如果可以的話, 同老公傾下可唔可以辭左職先, 呢段時間搵下有無其他工甚至散工.
希望你快D搵到出路, 加油!!
2個讚
真係間間有本難念的經
我都想呻
點解可以咁多八婆
估唔到咁多同路人……因為而家呢個時勢，我而家日日都死忍，同自己講坐多日就賺多一日錢，最好佢快d炒我，等我可以解脫
2個讚
我都有同事呻想公司快啲炒
唉
因為工作壓力大?
我早兩個月都係咁
果時仲要抗疫出唔到去
兩公婆都home office
公司野壓力勁大 同老公係同一個環境做野勁多argue
我真係癲左咁喊同大叫 就快想跳出街咁滯
日日都諗比信
但之後計過條數真係冇可能唔做
之後搵老細傾完 減少左啲工作量就好返好多
你除左呻都要同公司反映下
2個讚
之前都有反映過，但上面話唔覺多，要multi task…
辭工先, 再搵份part time幫補下
就keep住send CV搵長工
我覺得如果壓力大到咁, 你唔應該繼續做落去, 心理生理健康都好重要
我曾經都試過好唔想返份工, 好夜放工, 好辛苦返到屋企日日喊
我一個人住仲要交租
都掙扎左好耐, 最後辭左, 即刻開心晒
求其搵份pt sales頂住先, 最後搵到長工就OK
樓主加油呀