好呀，加油
如果我堅持到，係會繼續黎煩你
除咗牛油果，五花腩同肥牛之外，仲有乜嘢推介？頹頹哋罐頭油浸吞拿魚或者沙甸魚得唔得㗎？
我有一個壞習慣就係好少飲水，咖啡因飲品就大量，咖啡茶同買無糖可樂應該都OK㗎可？ 
呢個10萬個NONO！因為係化學代糖
罐頭比你食啦，但吞拿魚係高蛋白低脂
1個讚
我都估我係爆蛋白唔夠菜同油 我再調整下,我仲未開始落磅(我本身超重 
)
一入酮一星期減5磅不是夢
加油，字面上的意思，真係要落多d油
原來Coke Zero唔得㗎，呢下真係晴天霹靂喎
我以為係代糖就得𠻹 
用天然代糖啦，慢慢你會連糖癮都無埋
我之前係全甜先得
超級鐘意飲珍珠奶茶呢類嘢
1個讚
好!我會加"油" ~
1個讚
我都係煮飯煮埋屋企人果份,我屋企而家情況比較特別 ,我老公要行健康減肥,我女要增肥少少,我就行生酮減肥 
我照煮飯菜,煮好就分開邊個食邊D,暫時都唔難攪~
唔該晒你呀，唔講唔知原來Coke Zero係唔得嘅
之前我有買coke stevia, 但係唔知做乜已經幾個月冇見過
請問你建唔建議新手買ketone Test strip?其實學你話齋，就算入唔到酮，減醣都應該減到肥，定係試吓穩陣啲？
係呀，其實煮完之後生酮嗰份淋多d油即刻變生酮餐，飲湯就飲最油嗰浸，又得咗
你女跟你食生酮再隊d碳水比佢，好快增肥
1個讚
建議買呀
你可以減醣先，但減醣又要食啱比例
我選擇生酮用黎減肥係因為佢最可以keep肌肉量（肌肉係用黎燒脂），其他減肥食法，肌肉量相對會流失多d，長遠黎講會比較易肥
其實大家真係可以放心行生酮
我亞姨5X歲已經更年期，靠生酮飲食3個月雖然減磅數無我咁多，但消腩效果非常好，瘦過做女時，依家著XS碼，一年後都係無乜運動，又會食下優質澱粉質（即係行低碳），都完全無復胖
同埋生酮瘦出黎個效果唔會好似節食咁個樣會殘，瘦得黎塊面係好firm㗎
1個讚
我家人完全唔會食肥膩嘢，所以啲腩肉肥牛完全會自己煮自己食，加上佢哋又鍾意食Pizza,pasta 同麵包之類嘅嘢，所以如果我要行生酮，就差唔多一餐要煮兩類嘢，我就係驚我冇毅力同恆心去分別搞掂屋企人同自己份飲食，所以遲遲都未開始
有冇準備簡單快靚正嘅餐單介紹？
佢地食pizza呢類你就整d簡單生酮餐（免煮呢類）eg Nuts + avocado + salad（落多d olive oil） + cold cuts（肥嘢）
我估我諗我好大機會餐餐都係呢類型免煮
Avocado係唔係一日一個，定係一餐一個？
Cold cuts 都得㗎？但好似Salami嗰啲係咪都有啲澱粉做㗎？Parma ham嗰啲夠穩陣啦掛?係貴啫 
得呀
Salami點會係高carbs呀，建議你買食材時忘埋營養標籤（係一個好習慣黎）
牛油果一日一個ok啦
Parma ham其實都係蛋白質多過脂肪，所以加埋牛油果就比例比較好
其實午餐肉係生酮妙品，我之前午夜12點食午餐肉+cheese做宵夜，第二日會繼續落磅
但今時今日我鼓勵大家盡量食得健康d，不過都知道一開始行dirty keto會比較容易
今次我發達啦，我屋企人好鍾意食午餐肉，我嗱嗱臨睇吓個營養標籤，真係Zero carb
好多謝你俾咗好多貼士同埋糾正我好多謬誤，再加上午餐肉食得呢樣野，令我突然間多幾錢信心
1個讚
但用咩送午歺肉？好咸下喎。