多謝係提供甘多資料, 初初要家人比我生酮係好難.
我老公成日驚我食唔飽, 我媽又怕我食得太肥.
好在有少少成績佢地先無甘驚咋… 
有樣野我想問下, 黃豆唔食得.
但黃豆整既野食唔食得既呢?
如豆腐花, 豆漿, 響玲, 豆腐皮等
請指教! 
係怕爆蛋白
豆腐製品高蛋白
1個讚
原來係甘, 因我見好似又食得.THANKS 
好耐無update
呢個台灣網站幾好，講解體脂率幾多身形望落大概會係點
大家可以向理想身型進發
(17%~25%為女子的理想型體脂率)
17%~19%：全身各部位脂肪不鬆弛，腹肌分塊明顯。
20%~22%：全身各部位脂肪不鬆弛，腹肌開始顯露，分塊不明顯。
23%~25%：全身各部位脂肪基本不鬆弛，腹肌不顯露。
3個讚
我都好想update近況,但我都係未有再落磅住 
我都好想落多5磅再黎報喜~
我來update下，從開始低碳20多天後都減了大概3磅， 我發覺幾次週末食一個麵包就會加返1kg體重，也可能同週末食多左有關，要幾天時間先減翻1kg，所以上週末唔食麵包，週一磅無加磅，我每天有食飯反而有時會落下磅，所以盡量唔好食麵包。
iherb 78折
code: DOUBLE11
可惜我仲未有需要
我同你一樣
減左10磅之後就無再落過, 不過咁, 我最近一個月又唔係好嚴格 (例如有食過蛋撻同壽司
) 我預備緊心情再黎過, 再接再厲, 希望遲下有好消息
1個讚
其實大家依家知道點食，要瘦真係好容易
前排先同我個PT吹水，佢話佢個新學生（女），日日食緊200g carbs，話自己減緊肥，夜晚skip晚餐，但就食番薯糖水
其實好多人依家都開始注重運動，但對飲食方面了解仲係好錯
1個讚
所以最好係一次過辛苦減多d
跟住慢慢keep一段時間
1個讚
只係因為你個carbs量過咗
如果你skip曬飯只係食麵包，未必會容易重嗰1KG
嗰1KG 100% 係水份，減黎減去無意思㗎
ME 2
不過好攪笑,我上個月食左成盒月餅都係重左1磅,今個月無食,都係無落磅
1個讚
我上次報完喜之後又慢慢落左接近1kg
好開心
已經去返我生兩個之前既體重
今朝攞返件幾年前買好鐘意但著起好似有D迫既衫出來，竟然著到仲無左果種肥感
希望可以再 fit d啦
真係多謝樓主介紹生酮呀
3個讚
恭喜你呀，真係好消息
可以減到去生B前體重你一定好開心
1個讚
多謝你呀，其實比起你地唔算減好多，6kg咁上下，減埋水可能2～3kg
但真係好開心呀
Hello, 我開始左接近一個月, 全cut澱粉同糖
平時超大食, 份量同yeahyeah有得比, 甚至更大食, 同埋極鐘意甜野
年齡廿尾, 152高, around 50kg, 體脂28%
Keto比例唔算跟足, 有時蛋白/ 碳超左少少%
除左頭兩星期趺到48.X kg, 今個月都係平台緊
甚至磅數慢慢升返上49.5kg, 體脂同水份上上落落
因為時間關係, 未必每日準備到肥肉
早餐間中炒蛋/ 牛油果, 一碗沙律+ 1-2tbsp mayo
近排有啲口淡, 所以dirty左 食午餐肉同香腸 
午餐帶飯, 蛋白質比較偏多, eg 豬手, 豬肝鴨肝, 豬扒, 排骨, 鴨, 雞翼, 三文肉扒 etc 要就住份量, 又落油去補, 好多時仍然唔夠飽
食肥肉的話, 主要豬頸肉, 腩肉, 雞皮, 三文魚腩, 燒肉呢類
肥肉冇計份量, 食到飽就停, 當日有豬頸肉呢啲超肥, 份量唔需要多就可以由Lunch飽到夜晚9點10點
但係大部份日子唔夠肥膩, 當刻好飽,隔一兩個鐘會好快餓, 補油只係落適量油, 唔會太誇張狂落, 或者補個牛油果, 食牛油呢啲, 都係唔夠飽
咁耐以黎冇計卡路里, 以我食量, 除蛋白之外, 碳水卡路里有機會爆埋, 幸好每次睇尿酮都有色 (雖則唔太準
另外有問題想請教:
- 煲湯材料含有澱粉類, 或者怕有碳水材料, 冇乜油份, 淨飲湯可以? 定係盡量避?
- 已爬哂文, 基本上記得脂肪高既食物, 不過屋企主要煮中式, 食材又冇營養標籤參考, 成日煮餸要check餐死, 有時慘到每個網營養資料都唔同, 又怕比例唔係keto friendly食少少就算
- 我知道唔可以睇短期磅數, 雖然肚腩扁左, 不過冇理由磅數升返上去
變左低碳唔係keto? - 好快肚餓, 較大原因係未fat adapted, 而食量比一般人大, 定係根本未夠油份?
- Keto比例如果唔計卡路里, 只要預計食岩比例就可以, 脂肪食到飽為止唔駛計gram數份量?
有需要我再補相, THX
- 煲湯材料含有澱粉類, 或者怕有碳水材料, 冇乜油份, 淨飲湯可以? 定係盡量避?
淨飲湯可以呀，如果有浮係湯上面嘅油就very good la
- 已爬哂文, 基本上記得脂肪高既食物, 不過屋企主要煮中式, 食材又冇營養標籤參考, 成日煮餸要check餐死, 有時慘到每個網營養資料都唔同, 又怕比例唔係keto friendly食少少就算
中西式對keto diet無影響，食材營養元素啱點煮都ok
- 我知道唔可以睇短期磅數, 雖然肚腩扁左, 不過冇理由磅數升返上去 變左低碳唔係keto?
Yes，一係食錯嘢（已經唔係keto）一係就係M前身體cap水
- 好快肚餓, 較大原因係未fat adapted, 而食量比一般人大, 定係根本未夠油份?
夠油一定唔會餓，唔一定係食物份量，而係夠脂肪。未fat adapted都唔會易餓
- Keto比例如果唔計卡路里, 只要預計食岩比例就可以, 脂肪食到飽為止唔駛計gram數份量?
我行keto從來唔計卡路里+份量，feel到飽就stop，易餓一定係唔夠脂肪
各位我份驗血報告出左啦~同半年前比較,血脂&肝酵素&膽固醇都降低左 
但仲未降到正常水平,所以我半年後會再驗血~ 証明左生酮飲食對降血脂係有幫助~
3個讚
1個讚