眼見家長成日為子女戒ipad/手機/打機癮煩惱。身邊有d家庭無電視機及遊戲機。你地點睇呢？
如果冇，我覺得會令小朋友有童年陰影，始終會同其他人比較。例如：人地講緊動森、講緊睇咩電視劇/卡通片，無得搭咀，可能會唔開心，影響社交。
7個讚
我屋企全部有，不過小朋友要先完成當日功課，等到我地返去先可以打機。
so far 如果有其他野俾佢做，佢又會肯做，未至於上癮。
有玩打機、睇電視、睇YouTube ~~小朋友開始高小，幼稚園至小一乜都唔睇，只睇31台，漸漸慢慢開放，但約法三章講定規條，只要有節制地去玩就可以。
娛樂係生活一部分，有人興趣係跑步、打波、砌模型、煮野食～～～～其實任何一樣野都會沉迷，但有些家長永遠覺得只有打機先會沉迷，甚至毁滅人生，趁呢段時間學習能放能收，用每一樣活動，與小朋友去判斷係好係壞都係一種教育。
打機既老公就會明白，男人放工想打機為了減壓。
喜歡煲韓劇既太太就會明白，女人放工睇韓劇睇靚仔靚女都係為左減壓。
咁小朋友點解返學/放學後，有咁密集既課程，唔可以睇吓電視打吓機呢。
回想自己細個，有睇叮噹、歡樂金宵、落街打波。
我小朋友幼稚園都有睇電視卡通片，但我有認識既小朋友，到高小屋企都唔比開電視，睇電視只可睇新聞。
4個讚
完全同意，近排老師開zoom，都有問候小朋友，都一齊傾近排睇乜野電視劇
乜都有…
童年陰影…細個果時我好朋友屋企唔比小朋友食麥當勞…學校旅行時佢唔知乜野叫麥樂雞，被人笑左好耐，我都係果時先知佢未食過麥當勞（大概小學三年級），我覺得佢好慘
所以我屋企乜都有，又有可樂、雪榚、大把零食…沉迷一樣野係管教問題，唔管既話，一樣會有其他問題
我細個係冇得睇電視（父母會喺我哋瞓咗之後先睇），大家用緊紅外線摺機時我個部係黑白都唔好意思拎出黎，當其他人打緊機或聽緊mp3時我亦都冇得用電腦上網唔知佢哋傾緊乜⋯⋯
雪糕零食、出街玩等等乜都冇架，暑假就好似坐監咁係屋企～
的確係影響社交嘅，我當時都好唔開心，因為真係會因為冇共同話題而冇朋友。
其實我覺得打機可以訓練個腦，識打機嘅人轉數快啲，揀啲要思考嘅遊戲俾佢地玩，其實都唔錯
有睇電視有打機。
我仔打機後轉數快咗，日睇夜睇字多過圖嘅攻略。依家對字唔抗拒。
有朋友屋企冇電視冇機打，
小朋友係佢親戚屋企睇電視睇到瀨尿都唔願去廁所。
我老公個同事屋企就係無遊戲機，個廳無電視，因為同事老婆唔俾對仔女玩同睇。開頭小朋友唔識都無乜野，過左一排咪一樣趁呀爸呀媽返工自己爆門入去睇電視～連佢同事都話佢老婆多鬼餘
1個讚
今時今日屋企連電視機都冇，人地可能諗到個小朋友好窮好窮，可能家徒四壁，d衫要手洗，比人講幾講，自卑心會好重。
1個讚
我覺得有唔係問題，玩唔係問題，最緊要係訓練到自律同分輕重。屋企冇呢啲嘅，小朋友冇試過 “滿足”，到時候一有近似嘅野就會好沉迷，唔識自律。
我識人屋企冇電視，因為個老豆話睇電視會令人變懶，但呀媽會用手機煲劇。暫時睇唔出對小朋友有咩正面或負面影響。
我自己個小朋友讀幼稚園，每日可以睇30分鐘英文卡通片，我自己覺得冇咩所謂，反而小朋友好珍惜每日睇電視的時間，又學到平時唔會接觸到ge野，可以識多d野。我只不過覺得，我自己都好中意睇netflix，點解自己成日會做的事，但反而唔可以俾小朋友做？如果我自己都做唔到唔睇電視，又點樣做到身教，叫個小朋友唔好睇呢？唔通又同小朋友講"係大人先睇得！小朋友唔得！"，我自己都說服唔到自己。
吓？冇？！！！講笑咋……
其實我仔睇電視大架喎, 當然唔會由朝睇到晚… 我仔由幼稚園開始, 已經從電視認字, 佢好鍾意睇廣告, 可能因為D字唔多, 又大大隻… 就算出街都好鍾意睇廣告, 多過睇書… 而家大個咗就改為打機, 手機同PS4都有玩… 我已經唔想買SWITCH, 怕有排搞, 哈哈!
乜都有
E排日日電視Tim
屋企有wii有 iPad
限時間玩
本身我都煲劇、打機…
四歲前，少電子嘢
四歲後，樣樣有D
2樣都無
My home don’t have television, but there are computer, which may be even more addictive than TV.
不過未到識用電腦嘅時候
有架，我會同小朋友約法三章，做好曬功課同溫好書，就可以玩
可以玩，但係家長要set規矩