大家屋企有冇電視機，遊戲機？

家事討論 子女成長
21

屋企有電視, 但極少開, 試過太耐無開受左潮開唔到
而家網絡咁方便都唔需要限時限刻睇電視, 阿女有時會自己開YOUTUBE睇片, 唔覺唔睇電視有咩影響, 電視有時幾被動去接收, 反而網上搵片係自己主動查找
買左SWITCHLITE比阿女, 但唔係買左好多GAME, 佢要打都由佢打, 唯一大家約法三章係唔可以捱夜打, 唔可以課金, 自己功課要搞掂先, 暫時無問題唔覺佢好沉迷

22

講真，以前未一樣冇遊戲機，
我覺得不會有大分別

23

阿女帶近視，其實一啲都唔想買遊戲機，但係佢放學返嚟常常分享同學打咩機，佢真係好似好想買遊戲機

24

:joy: 諗起細個自己打online game, 回合制game 好輕邊吹水邊玩, 訓練打字快呢~~

25

阿女帶近視，其實一啲都唔想買遊戲機，但係佢放學返嚟常常分享同學打咩機，佢真係好似好想買遊戲機

26

小朋友原本俾佢地用電腦睇YouTube 卡通片，後來表哥係佢地前面睇過Roblox 片，小朋友就自己search片睇，睇睇下click click 下就去左roblox 打機個網站，仲自己開acct :persevere:，而家會限制一星期玩兩日，同埋會突擊檢查玩乜嘢Game

27

本來一路都好抗拒買遊戲機，最後我都買咗。而家覺得買得太遲，疫情下大家都真係好悶，小朋友日日嘈交，有遊戲機終於可以分散吓注意力，等佢哋唔好成日搵嘢嘈

28

我哋好少睇電視，我啲細路對電視嘅認知係睇沉悶嘅新聞同懷舊老土演唱會。而家呢代個個上ig，上fb，上youtube

29

小朋友太離地未必係好事, 返到學校好易與朋友格格不入, 被人欺凌

30

亞仔日日都在打機.

1個讚
31

冇遊戲機，但係會玩手機遊戲

32

老實講，買TV GAME 你仲望到佢玩緊咩、幾時玩:smirk:
玩手機遊戲/電腦遊戲，佢一定唔會比你望，又話私隱、又話做功課搵資料

而且手機遊戲個設定係要你上癮，我喺自殺po講過:cry:

2個讚
33

我想搵你睇吓你個貼，但係搵唔到

34
1個讚
35

我自己覺得如果真係要比小朋玩、個次序係：

遊戲機（Switch/ PS4)>iPad>坐台電腦>手機

不過手機捉Pokémon又另計、因為真係要行出去、 可以約朋友出街捉、返學同同學又有話題。

36

啱呀，幾十年前就話冇錢買，得啲富家公子玩得起
而家周街都係，尤其動森果啲，真係社會性話題黎
唔係話要比小朋友日日玩 秒秒玩 最緊要適量 大人的思想都唔可以咁決斷
“喔 小美你冇玩呢隻game咩? 咁我去問下小明點過呢關先”

1個讚
37

Uppp

38

我淨係俾我女睇 Netflix, 雖然我女鍾意睇 youtube 多啲, 但 youtube 好多片都太低質, 仲有好多都係2-3分鐘一個"故事", 唔想我女習慣呢種速食文化. 仲有 youtube 好多小朋友好鍾意一個 channel 叫 Vlad & Niki. 其實內容冇乜特別, 都係講吓2兄弟同個阿媽玩吓玩具, 做吓短劇咁, 但因為太受歡迎, 佢地個 channel 市值美金唔知幾多百萬, 所以太多玩具商都主動送玩具俾佢地放上網玩俾人睇, 本身可能佢地又勁有錢, 集集都玩唔同玩具, 我唔想我女覺有咁豐富嘅物質係正常, 所以盡量都唔想佢睇youtube